|
| |
| |
| |
V. De Hexe.
Hier beghint die sotternie.
Ach goede liede, hoe sal ic varen!
die wolle es beter dant garen.
het gheet met mi al achterwaert.
hoe comet dat aldus qualijc vaert?
5[regelnummer]
in weet wat mi es gheschiet.
en daet die lede duvel niet,
in soude aldus niet moghen dolen.
Nu secht mi, Machtelt, onverholen:
waer omme stadi dus ende claecht?
10[regelnummer]
ic come ende hebbe den vos verjaecht
die mi twe hoener heeft verbeten.
hoe sidi aldus hier gheseten?
op alle trouwe, berechtes mi!
Luutgaert, daer es groot redene bi,
15[regelnummer]
want dat ic niet en rase dats wonder.
die aventure hout mi so tonder,
want wat ic pine nacht ende dach,
te ghenen profite ic comen en mach:
| |
| |
20[regelnummer]
Machtelt, bi der maghet Marie!
ic wene, ghi niet en hebt gheloghen.
met toverie ben ic bedroghen:
also Machtelt maecht u staen.
mine coe es haer melc ontgaen,
25[regelnummer]
hen es anders niet dan water.
en daet niet die helsche cater
hen soude aldus niet moghen sijn.
maer wel vermoedic mi op ene;
30[regelnummer]
want ghisteren daer ic quam allene
op ene vierwechstede buten weghe,
vant ic sittene ene oude teve
ende hadde botere voor haer staende.
ic wane dat si den duvel maende
35[regelnummer]
die daer die botere comen dede.
Luutgaert, bi gods moghenthede!
ic moet u segghen onverholen,
die boter hatse mi ghestolen:
met quaden messen moet mense ontliven.
40[regelnummer]
in coste in eenre maent ghecrighen
van miere blare coe eneghe botere.
wat ic clutse of wat ic clotere,
het es al te male om niet.
op alle trouwe! kendise niet
45[regelnummer]
die stronthoere? woontse hier bi?
Jase, Machtelt, gheloves mi:
si es van Corterike gheboren,
ende heeft haer ene ore verloren
van quader diesten, dat es waer,
| |
| |
50[regelnummer]
ende ooc wasse cort daer naer
uut Ghent ghebannen op den pit.
met meneghen dinc es si besmit,
daer si met pleghet om te gane.
kendise niet? hets Juliane
55[regelnummer]
die ghinder woont op den hoec
daer si met te toveren pleghet.
hets jammer dat si niet en leghet
in enen put onder die galghe
60[regelnummer]
vaste ghedolven metten balghe!
si vercoopt na oosters bier.
Luutgaert, wat sitten wi dan hier?
ic kense wel, eest Juliane.
laet ons beiden bestaen te gane
65[regelnummer]
ende enen pot biers te gader meten.
wi selen al die waerheit weten
van desen saken groot ende smal.
Gherne, Machtelt, groot ongheval
moet haer gheven sente Bride!
70[regelnummer]
want ic menich quaet ghetide
hebbe leden dat si mi brachte ane. -
Secht, vrouwe ver Juliane,
hebdi enich oosters bier?
Jaic, ghi vrouwen. wanen comdi hier
75[regelnummer]
aldus te gadere onder u lieden?
| |
| |
het moet emmer iet bedieden,
over mi moochdi wesen coene.
Juliane, wi hebben hier te doene:
wi dronken gherne van uwen biere.
80[regelnummer]
ic bits u, set ons bi den viere.
haelt ons bier, wi selent betalen.
In vragher niet na, ic gaes u halen,
altoos ghebiet te miweert!
Vrouwe Juliane, ons beiden deert
85[regelnummer]
ende gherne souden wijs u vraghen,
maer qualijc dorren wijs ghewaghen,
wi weten wel dat ghijs sijt vroet:
gherne gheraecten wi ane goet,
90[regelnummer]
ons es ghegheven te verstane,
waer dat sake dat ghi wout,
dat ghi ons wel hulpen sout,
ende hier omme siwi tote u comen
Wat, gheburinnen! mochtic u iet vromen
95[regelnummer]
met miere const, met minen rade!
ic ben die ghene diet gherne dade,
want uw welvaren ware mi lief.
haddi die hant van enen dief
daer neghen messen op waren ghedaen,
100[regelnummer]
het soude u altoos voorwaert gaen,
so waer ghi die hant ane sloecht.
| |
| |
Ay hoere! dat ghi ons dies ghewoecht,
dies moeti hebben vele quader jare.
nu weten wi wel al openbare
105[regelnummer]
wat ghi met ons hebt ghedreven.
ghi selt ons moeten wedergheven
dat ghi ons qualijc hebt ghestolen
ofte wi selen uw oghen uutpolen
ende met desen pot so gheraken,
110[regelnummer]
uw toverie sal nu uutcraken.
Ay ghi vrouwen, slaet met ghemake!
|
|
Auteursrechtelijk beschermd