|
| |
| |
| |
IV. Die Buskenblaser
Hier beghint die sotternie.
Siet doch, en ben ic niet hier?
ic ben een weitmolder ende drinke gherne bier.
teschen, hantscoen can ic naien,
hoi ende coren can ic ooc maien,
5[regelnummer]
ja woudic ooc daer omme lopen;
ic can ooc copen ende vercopen.
ooc so ben ic een temmerman
daer ic noit niet en wan,
ic ben ooc een molder ende can malen,
10[regelnummer]
ic can ooc wel borghen ende qualijc betalen,
ic can roden ende hacken,
ic can brouwen, ic can backen,
ic can diken ende dammen,
ic can derschen ende wannen.
15[regelnummer]
noch can ic vele dincs mere:
esser enich vrouwe of here
die mi wilt huren tenen cnape?
al eest dat ic gherne langhe slape,
ic ben harde traech te minen werke.
20[regelnummer]
woude hier iemen ane mi legghen merke
die mi tenen cnape woude huren?
want ic can wel ter tavelen duren
ende ooc can ic graven ende luken.
| |
| |
Ende ic can binden steinen cruken
25[regelnummer]
ende melcteilen van erden ghedrait.
Entrouwen! die duvel brinct u hier ghewait
met uwer foberdien te maten.
God gheve u ramp in uwe caken!
30[regelnummer]
also gherne woudic mijn broot als ghie,
want ic hebbe wijf ende kinder thuus.
Jaet, het dunct mi een vri abuus
steinen cruken binden ende melcteilen.
condi die wel te gader heilen,
35[regelnummer]
so sidi wel een constich man.
Waendi dat ic noch niet meer en can?
ja woudics mi onderwinden
ende minen sac van consten ontbinden,
ic soude van u maken een peert,
40[regelnummer]
het soude schinen tien pont weert,
swart van hare ende daer toe ru.
ic hore wel, ghi sijt een constenare.
soudi mi connen verdriven mijn grauwe hare
45[regelnummer]
ende tien jaer jongher maken van daghen,
dat ic minen wive mocht wel behaghen,
ic soude u gheven goeden loon.
| |
| |
Jaic, ic sal u maken also scoon,
uw wijf sal dunken om u rasen.
50[regelnummer]
lietic u in dit busken blasen,
ghi sout al ene ander varwe ontfaen,
ghi sout werden also ghedaen,
uw wijf en soude u niet connen ghekinnen.
Bi miere trouwen! daer seldi ane winnen,
55[regelnummer]
op dat mi dat mach gheschien.
Bi gode! uw wijf saelt wel sien
als ghi weder tot hare coomt.
Also en moet ic nemmermeer sijn verdoemt:
en saelt mi niet costen van minen miten?
60[regelnummer]
si pleecht mi al te dicke mijn lelicheit te verwiten,
dat ic selden met vreden leve.
hout! siet, ic sal u gheven
dese goede borse ende tghelt daer toe.
ic vercocht ghisteren mine goede coe:
65[regelnummer]
daer es tghelt in al gheheel,
dat seldi hebben tuwen deel.
si gout tien schillinc ende veertich pont.
Hout! set dat busken ane uwen mont
ende blaest stijf met al uwer macht.
70[regelnummer]
ic hebbe so menich const volbracht,
ic sal emmer dese ooc volbringhen.
| |
| |
Sal ics iet te bat singhen?
want dat en constic noit gheleren.
Jaghi, ende uw varwe sal u verkeren
75[regelnummer]
ende uw stemme sal werden claer.
Keren! god gheven u een goet jaer!
tot al den ghelde wetics u danc;
mach ic beteren ane minen sanc,
so es tghelt te male behouden.
80[regelnummer]
Nu blaest in, dat god moets wouden!
dat hi niet en leeft op desen dach
die u met oghen noit en sach
85[regelnummer]
dat hi u niet kennen en sal.
Nu wouts god ende goet gheval
hoe ic sal varen met minen wive.
des es leden vier daghe ende vive
dat si mijn lelicheit verweet.
90[regelnummer]
nu willic thuusweert gaen ghereet
ende laten haer sien hoe ic haer behaghe.
si heeft ghedaen so grote claghe
dat ic lelic was ende out:
dies en hebbic nu nemmermeer scout,
95[regelnummer]
want mijn anschijn heeft nu een ander huut.
| |
| |
Dat doet het, ende tghelt van der coe es in de muut. -
Entrouwen! ic ben ghebetert an mijn springhen.
hulp god, hoe claer sal ic nu singhen!
nu hebbe god los ende danc:
100[regelnummer]
ic ben ghebetert ane minen sanc
also wel als ic ane mijn scoonheit bin.
o wijf, mijn minnekijn, laet mi in
Keren! siet, met desen scu!
105[regelnummer]
wat duvel! wie heeft u so begaet?
Die ierste man, haer man.
Ic hebbe in enen joochtborren ghebaet.
hebdi mijns nu eneghen lost?
dese scoonheit heest mi ghecost
tghelt van onser coe al gheheel.
110[regelnummer]
Entrouwen, dies hebbe die duvel deel!
hebdi tghelt hier omme ghegheven?
Die ierste man, haer man.
Jaic, ende mi en es niet bleven:
die borse ic gafse ooc met,
ende hi heeft mi een busken an minen mont gheset,
115[regelnummer]
daer bliesic in al mijn macht
ende daer quam uut so groten cracht
dat ic ben worden aldus scone.
| |
| |
Keren, hoort! dat u god lone!
een wijf vare wel met desen man!
120[regelnummer]
entrouwen! die duvel brachter mi an.
ghi sijt recht swart als een moriaen.
Die ierste man, haer man.
Wat duvel! ben ic also ghedaen?
en ben ic niet scone, wit ende claer?
Jaghi, ghi sijt een quaet jaer:
125[regelnummer]
ic en sach noit leliker creature.
wat, Gheert, lieve ghebure!
comt ende besiet minen man.
130[regelnummer]
ghi hebt emmer in ene weetcupe ghebaet:
uw anschijn es al met swarten bestoven.
Die ierste man, haer man.
Ay mi! ende ben ic al verscoven?
latet mi doch sien in enen spieghel claer
135[regelnummer]
dat ic mi selven mach anesien.
Entrouwen! dat sal u gheschien.
Die ierste man, haer man.
des wonders ghelijc en sach ic nie,
en was nie man aldus bedroghen.
| |
| |
140[regelnummer]
Ghi wanet dat ic hadde gheloghen,
Die ierste man, haer man.
Ghi secht waer, also hulpe mi god!
ic mach nu wel een sotkijn sijn.
ay uutvercoren minnekijn,
145[regelnummer]
hulpt mi dat ics mach werden quite!
Bi gode! ic en gaver niet omme ene mite
al bleesdi ewelijc also ghedaen.
Die ierste man, haer man.
Ic hore wel, u en leter niet aen,
al es mijn anschijn aldus verkeert.
150[regelnummer]
goede ghebuur, goede Gheert,
hoe sal ics quite moghen weren?
Men sal uw anschiin met seiken eren
ende met ander dinghen die daer toe horen.
Die ierste man, haer man.
Hulpe, hulpe! so sal ic versmoren,
155[regelnummer]
gheet men mi met stiller seiken toe.
Ic woude ic tghelt hadde van miere coe,
dat ghi dus wel hebt bestaet,
ende ghi in enen schijtputte haet ghebaet,
| |
| |
Die ierste man, haer man.
160[regelnummer]
Al waerdi noch also quaden wijf
ende ghi noch also vele daer toe sout segghen,
ic salder tghelt van onser soch an legghen
of ic saels werden quijt.
Keren, nu siet dit scoon abijt
165[regelnummer]
dat mijn man heeft ontfaen!
Die ierste man, haer man.
Wat! die lodder gaf mi te verstaen
dat ic soude scoon werden ende wel singhen,
ende jonc soude werden ende verre springhen,
ende dat ic u al te wel soude ghenoeghen.
170[regelnummer]
Bi gode! men moet int beste voeghen:
hi hevet ghedaen om beters wille.
Keren, goede ghebuur, swijcht al stille!
ghi sout mi ooc verscoven maken.
hi ware weert dat icken smete onder sijn caken
175[regelnummer]
ende hi nemmermeer in mijn huus en quame.
Die ierste man, haer man.
Keren, in leets duvels name!
aldus vele en seidicker niet toe,
doen ghi tghelt van onser goeder blaren coe
vercierdet ane broeder lollaert,
180[regelnummer]
ende minen goeden grauwen tabbaert
lieti voor sijn ghelach te pande:
ic saelt u segghen, al eest scande,
ende makent al mine gheburen cont.
| |
| |
Keren, ghebuur, hout uwen mont!
185[regelnummer]
ghi sout uw wijf al te scanden maken.
God gheve hem ramp in sijn caken!
hoe condi dit van mi ghesegghen?
Die ierste man, haer man.
Ic sach den lodder op u legghen,
ooc hinc sijn vleschelkijn op den eers
190[regelnummer]
ende ooc lach hi lancs, hi en lach niet dweers:
ic sach harde wel wat ghi deet.
ic en was noit sint te bat ghevreet
dat ic u sach metten bloten cnien.
Ic mochte na die vloiken sien,
Die ierste man, haer man.
Wat duvel maecte dan die lollaert,
dat hi also lach ende roerde sijn lijf?
God gheve u ramp, vul keitijf!
dan hadde ons beiden niet dan spel.
Die ierste man, haer man.
200[regelnummer]
Wattan! het en ghenoechde mi nie wel
spel dat ghi daer bedreeft.
Swijch! hets jammer dat ghi leest,
| |
| |
ic sal u smiten op uwen tant.
205[regelnummer]
Ghi goede liede, dit spel es ghedaen:
ghi moocht wel alle thuuswert gaen
ende lopen alle den graet neder.
ghenoeghet u, comt alle weder.
|
|
Auteursrechtelijk beschermd