|
| |
| |
| |
II. Lippijn
Hier beghint die sotternie.
Hem! secht, hem! god hebs al deel!
ic wil gaen driven mijn riveel
met minen soete lieve int gras.
hets lanc leden dat ic met hem niet en was.
5[regelnummer]
hem! secht, hem! waer sidi Lippijn?
Ic ben hier, wat saelt sijn?
Lippijn, ghi moet gaen halen borre ende vier,
ende ic sal wedercomen schier
ende bringhen ons iet dat wi selen eten.
10[regelnummer]
Bi der doot ons heren! ghi selet vergheten,
ghi pleecht so dicwile langhe te merren.
Wat, Lippijn! ghi en moghet u niet erren,
want ic hebbe dicwile vele te doene:
| |
| |
eer ic ghehore mine sermoene,
15[regelnummer]
so vallet hoghe op den dach,
ende eer ic ten vleeschuus comen mach,
so copic ooc gherne goeden coop,
dan so moetic beiden tot den loop
es ghedaen van den bedranghe:
20[regelnummer]
also comet toe dat ic merre so langhe,
goede Lippijn, ghi moetet al weten.
Ewaerheit! ghi soudes mi vele ontmeten
ende ic en weter wat toe segghen.
gaet henen! ic sal ons vier anlegghen
25[regelnummer]
ende halen borre ende scuren den pot,
want also moet mi hulpen god!
ic hebbe mi oit te slavernien gheset.
Goede Lippijn, wast die scotelen met
ende keret ons den vloer scone.
30[regelnummer]
Goede, nu hoort, dat u god lone!
ende mer daer bi niet. al hebbic al mijn daghe
mi dunct ic moetse noch sijn al mijn leven.
Swijch, god moet u lachter gheven!
35[regelnummer]
dat ghi so langhe leeft dats mi leet. -
en es dit niet een scoon bescheet?
waer mach hi merren mijns herten druut?
het gheet hem al te galghen uut,
dat hi mi aldus te vondelinghe set.
| |
| |
40[regelnummer]
Minnekijn, hets misselijc wat mi let:
hebdi daer gheweest harde langhe?
Jaic, mijn herte es so wranghe
dat ic u so langhen niet en sach.
Laet ons gaen drinken een goet ghelach.
45[regelnummer]
mijn uutvercoren minnekijn.
wi selen noch tavont met vrouden sijn
lichtelijc. nu comt hier naer! -
bi gode! ic hebs ghenoech ghesien,
50[regelnummer]
want si leet metten bloten cnien
ende hi esser tuschen ghecropen,
bi der doot ons heren! hi esser in gheslopen,
siet! met deser hoeren, ende gheest mi te verstane
dat si te messen plecht te gane,
55[regelnummer]
ende leet ende druilt met enen anderen man
ende maect van mi enen pol her Jan.
si seet, si gheet int vleeschuus:
bi sente Jan! ic sal haer dit abuus
noch tavont tongoede maken.
60[regelnummer]
can ic an enen stoc gheraken,
ic sal haer touwen so haer vel,
dat haer rouwen sal dit spel
dat si met hem heeft bedreven.
Wat, Lippijn! god moet u goeden dach gheven.
65[regelnummer]
hoe steet met u? hoe sidi te ghemake?
| |
| |
Ey, Trise! ic woude mi therte brake
van groten rouwe die ic drive.
ic en hat nemmermeer minen wive
betrout dat si mi heeft ghedaen.
70[regelnummer]
Lippijn, nu doet mi verstaen,
hoe ende ooc in wat manieren?
Dies ic mi ewelijc moet scoffieren:
si leghet ende druilt met enen anderen man.
Ewaerheit! dats een dinc dat ic niet en can
ic kense also reine van live,
si en daets om al die werelt niet.
Dat een man met sinen oghen siet
dats hem nochtan quaet tongheven.
80[regelnummer]
Lippijn, also moetic met eren leven!
bi sien es die meneghe bedroghen.
Wat! neen, dit en es niet gheloghen,
want ic hebse selve ghesien
ligghen metten bloten cnien
85[regelnummer]
ende ghinghen hem beide te werke stellen.
| |
| |
Wat, Lippijn! dat en soudi niet vertellen,
uw wijf waer daer bi gheonneert:
uw oghen sijn al verkeert
van drinken ende van ouden daghen.
90[regelnummer]
goede Lippijn, en wilt des niet ghewaghen:
uw wijf waer daer bi gheschent.
Wat duvel! seldi mi maken blint
van dinghen die ic selve sach?
ic sach dat si averrecht lach
95[regelnummer]
ende hi raepter op haer slippen.
en was anders niet dan uw dochte.
en hoorde ghi noit segghen van alfsghedrochte
dat die liede pleghet te bedrieghen?
100[regelnummer]
de viant gheeft luttel om een lieghen
om toren te maken tuschen man ende wijf.
ic wilder over setten mijn lijf,
en waest niet een elvinne dat ghi saecht.
Wat duvel! heeft god die werelt gheplaecht
105[regelnummer]
met alven ende met elvinnen?
en soudic dan mijn wijf niet kinnen?
dat ware emmer een misselijc dinc.
ic sach dat si met hem ghinc,
hi namse in sinen aerm ende tracse naer.
110[regelnummer]
Lippijn, loghen en was noit waer:
daer toe kennic te wel uw wijf,
| |
| |
want si heeft also reine lijf,
si en daets om al de werelt niet van goude root.
maer talfsghedrochte es also groot
115[regelnummer]
dat den meneghen maect so blint
dat hi hem selven niet en kint,
hoe soude hi dan enen andren ghekinnen?
Bi der doot ons heren! ghi maect mi al uten sinnen.
wat duvel es mi nu gheschiet?
120[regelnummer]
ben ic blint ende en sie ic niet?
des wonders ghelijc en sach ic nie,
ende ic sie wel alle dese lie
die hier sitten al omtrint.
entrouwen! so en ben ic al niet blint,
125[regelnummer]
al soudijs mi gherne maken vroet.
Lippijn, wetti wat ghi doet?
ic biddu dat ghijs nemmermeer en secht
ende ghi uw wijf met eren dect.
het es ene elvinne die u quelt,
130[regelnummer]
si heeft uw ghesichte al ontstelt,
uw oghen staen al ontset.
Ey goede! eest dat dat mi let?
mi dochte emmer dat icse sach.
Het was ene elvinne dat daer lach:
135[regelnummer]
dat willic u sweren op een cruus.
uw wijf sit noch in haer huus:
dat willic wedden om een bier.
| |
| |
Ende si hiet mi gaen halen borre ende vier,
si seide si soude gaen om eten.
140[regelnummer]
Wat, Lippijn! wildi die waerheit weten,
so sidi seker te male verleit:
ene elvinne heeft haer nette ghespreit,
dat sie ic wel, om u te vaen.
comt met mi! wi selen voor uw dore gaen:
145[regelnummer]
uw wijf sit noch bi haren viere.
Wat! ben ic dronken van den biere,
ochte vlieghen dalve achter straten?
Wat, ghevadere! en moochdi ons niet in laten?
Wat, key! jaic, wie es daer?
150[regelnummer]
Wat, Lippijn! en seidic u niet waer?
Benedijste god van hemelrijc!
so en sach ic noit des wonders ghelijc.
ic sie wel, die scouwen sijn mijn.
Wat seidic u, lieve Lippijn!
155[regelnummer]
maer ghi enwoudes niet wesen vroet.
mijn ghevadere es ghetrouwe ende goet,
al soudier gherne een hoere af maken.
| |
| |
God gheve hem ramp in sine caken!
heeft hi hem van mi dies beclaecht?
160[regelnummer]
Jai, ende dat ghi bi enen anderen man laecht:
dies heeft hi mi ghedaen een beclach.
Ewaerheit! mi dochte dat ict sach,
maer ic laets mi nu ghenoeghen:
Trise caent wel in beste voeghen.
165[regelnummer]
maer als hat mi mijn lijf ghedaen
so waerdi heden morghen op ghestaen
ende hiet mi halen vier ende borre.
beghindi mi anderen man ane te tien?
170[regelnummer]
Seker! woudic die waerheit lien,
so sach ic, of mijn oghen waren mi verkeert.
maer Trise heeft mi also gheleert
ende seet dat mi een alf heest bedroghen.
Waer omme hebdi mi dan beloghen
175[regelnummer]
ende doet mi scande over al?
Ey minnekijn! ic ben diet beteren sal,
hebbic iet messeit ofte mesdaen.
| |
| |
Ghi selter nochtan smeten omme ontsaen,
180[regelnummer]
Bi onsen here! hi waers wel waert
dat wine onder voete ghinghen legghen.
Lieve wijf, ic en saels nemmeer segghen:
ic en wiste niet dat ic was in dolen.
Ey! men sal u leren gaen ter scolen.
Ghi goede liede, dit hebben wi
ghespelt al in een boerdement.
si leven noch wel, si u bekent,
die dese gheliken wel hebben ghesien.
190[regelnummer]
wet dat menich boerden gheschien
daer dusdaneghe mere niet af en gaet.
daer bi biddic u dat ghi ontfaet
ic bidde den coninc vol van gratie.
195[regelnummer]
die van der maghet was gheboren,
dat hem niemen en wille storen
van dat hi hier heeft ghesien ende ghehoort.
staet op! ghi moghet wel gaen voort,
want wi moeten alle scheiden:
200[regelnummer]
ons here god moet ons allen gheleiden.
|
|
Auteursrechtelijk beschermd