die van minen boomken rein
plucken sal een bladekijn.’
2.[regelnummer]
Hi seide: ‘wel overschone joncfrouwe,
laet mi in uwen boomgaert gaen
ende ic sal van die rooskens plucken
ende die bladerkens laten staen.’
si seide: ‘jonc here, dat waer wel ghedaen,
mer ten mach also niet sijn,
want daer en is maer een allein
die van minen boomken rein
plucken sal een bladekijn.’
3.[regelnummer]
Hi seide: ‘wel overschone joncfrouwe,
en verantwoordet niet so fel!
ic hebbe veel hogher berghen sien dalen
dan dat torreken datter neder daelt.’
si seide: ‘jonc here, ic gheloves wel,
mer ten sal also niet sijn,
daer en is maer een allein
die van minen boomken rein
plucken sal een bladekijn.’
4.[regelnummer]
Hi seide: ‘wel overschone joncfrouwe,
ic legghe mijn hooft in uwen schoot:
moochdi mi nu gheen troost gheven,
so blive ic van trouwe doot.’
si seide: ‘jonc here, ghi en hebt gheen noot,
daer en is maer een allein
die van minen boomken rein
plucken sal een bladekijn.’
Antw. LB. 1544. Nr. 42. - Dr. 3, 3. berghen sien hoogher dalen.
¶ 1, 3. met goeden avise, etwa: lasst euch sagen - 3, 2. fel, arg, hart.
Auteursrechtelijk beschermd