Horae Belgicae

[p. 94]

¶ Nr. 30.
Untreue schlägt sich selbst.

Te Gherbeken binnen
daer staet een stenen huis,
daer rijdt alle daghen
een edel lantsvrouwe uit.
si rijdt uit alle daghen,
selve heeft si een so goeden ghetrouwen man:
die clerc, die schriver stont in haer behaghen.
Die here tot sijnder vrouwen sprac:
‘wel edel joncfrouwe mijn!
seer wonderlike dinghen
mi ter oren ghecomen sijn,
mi is ter oren ghecomen,
hoe dat ghi metten schriver gaet spaceren in den wijn
ende te samen boeleren gaet in der stoven.’
‘Och here, seide si, here,
wel edel here mijn!
van alle sulke dinghen
wil ic onschuldich sijn:
ic en quam noit in der stoven.
tis so menighe vrou, so menich eerbaer wijf,
si worden also dic beloghen.’
Smorghens vroech alst was schoon dach
die here reet van huis,
mer des avonts also spade
so quam hi wederom nae huis.
hi streec op sijnder salen:
daer vant hi sinen schriver bi sijnder joncfrouwen staen,
seer vriendelic dat si op malcander saghen.
Die vrouwe tot haren here sprac:
‘wel edel here mijn!
van al sulke saken
moet ic nu schuldich sijn.
laet uwen moet doch sinken!

[p. 95]

 

daer twee soete liefkens tsamen vergadert sijn,

 

den rijnschen coelen wijn woudi hem gaerne schinken.’

6.

‘Den rijnschen coelen wijn

 

die ic u schinken sal,

 

daer sult ghi wel op dinken

 

alle uw leven lanc,

 

ghi sult daer om wel dinken!

 

ic sal u beide te gader doen steken in enen sac,

 

al in der Masen sal ic u doen verdrinken.’

7.

Hi namse daer beide te gader,

 

hi stacse in enen sac,

 

hi worpse al in der Masen,

 

die Mase die was nat.

 

hi worpse al in der Masen:

 

daer stont so menich here, so menich edel man,

 

die dat met bewenenden oghen saghen an.

Antw. LB. 1544. Nr. 152. - Dr. 1, 7. in haeren sinne (in haer behaghen). Die letzte Strophe findet sich fast eben so wieder in einem jüngeren Liede ‘van den bosselaer’ Oudt Haerl. LB. 16. druk bl. 39.

¶ 2, 7. boeléren, buhlen - stove, Badstube - 4, 5. striken, gehen - 5, 6. vergadert, versammelt.