Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende ¶ Nr. 28. Treue und Untreue. 1.[regelnummer] ‘Het spruit een roosjen aen gheen lantsdouwe, ic heb ghedient so schonen vrouwe: rijc god wat loon sal ic ontfaen?’ 2.[regelnummer] ‘Hansken, wilt ghi daer uw loon af hebben, so comt noch tavont voor mijn bedde, ic sal u lonen met mijn eighen lijf.’ 3.[regelnummer] ‘Vrouwe, dat waer mi so groten schande! mijn edel heer is uit in vreemde lande, hi sal noch tavont comen thuis.’ 4.[regelnummer] Dat vrouken lacher op hogher tinnen, si sach haer edel here comen binnen, si hiet hem droevelijc wellecom. 5.[regelnummer] ‘Joncfrou, dat ben ic seer onghewone dat ghi mi so droevelijc heet wellecome, of heeft u iemant groot leit ghedaen?’ [pagina 91] [p. 91] 6.[regelnummer] ‘Joncheer, dat sal ic u gaen vertellen: ghi hebter een cnaepjen onder uw ghesellen die bat mi om te slapen bi.’ 7.[regelnummer] ‘Brenct mi dat cnaepjen al voor mijn oghen! heeft hi daer schult in, ic salt doen doden, ic sal hem doen sijn hooft af slaen.’ 8.[regelnummer] Si nam haer Hansken bi sine cleren, si bracht hem al voor den edel lantshere, daer liet si Hansken in sorghe staen. 9.[regelnummer] ‘Hansken, sei hi, wie raet u so coene, dat ghi met mijn huisvrou hebt te doene, als ic in vreemde landen jaghen ben?’ 10.[regelnummer] ‘Heer, seide hi, heer, het is gheloghen! si heeft mi voor haer bedde doen comen, had ic ghewilt het waer al gheschiet.’ 11.[regelnummer] ‘Hansken, ic wil u seer wel gheloven, si heeft mi elf cnaepjes doen doden, maer selfs sal si de twaelfde sijn.’ 12.[regelnummer] Hi nam dat vrouken al bi der hande, hi leidese veer in vreemde lande, daer liet hi haer het hooft af slaen. 13.[regelnummer] Hi nam dat hooftjen al bi den hare, hi smetet in een fontein was clare, al daer haer son noch maen bescheen. 14.[regelnummer] ‘Lecht daer, lecht daer nu, ghi valsche tonghe! ghi hebt so menich vals liet ghesonghen, ghi hebt ghesonghen, maer singt het niet meer. 15.[regelnummer] Hansken, sei hi, gaet nu uit mijn oghen! ghi hebt mi so schonen vrou doen doden en si had u gheen leit ghedaen.’ 16.[regelnummer] ‘Heer, seide hi, here, gheeft mi mijn hure, die mi so dicwils is gheworden sure! ic sal uit uwen oghen gaen.’ 17.[regelnummer] ‘Hansken, gaet ghi nu van stal tot stalle en neemt den besten ros van alle en reist daer mede ten lande uit! 18.[regelnummer] En als ghi dan comt in vreemde lande, en spreect van uw lantsvrou ghene schande, [pagina 92] [p. 92] want si heeft u gheen leit ghedaen!’ 19.[regelnummer] Hansken die ghingher van stal tot stalle, hi nam den besten ros van alle, hi reet daer mede ten lande uit. 20.[regelnummer] Maer doe hi quam in vreemde lande, hi sprac van sijn lantsvrou ghene schande, maer hi heefter een liedeken af ghedicht. Oudt Haerl. LB. 16. druk en 27. druk (Willems Nr. 105.) - Dr. 3, 1. was (waer) ¶ 16, 1. hure, Gesindelohn. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd