Wan wortu na fesi
Na wan bun en warti sani te wan pipel e lespekti en e hori en kulturu. En moro fara a de meki den granrutu tori fu en fosten bigi sma no lasi. Bika te lespeki en warderi no de gi bigi wroko fu den di gwe na un fesi, dan tru fri no kan de.
Wi abi na bribi taki wan fu den moro prenspari sani di wi mus ori na wi ede na fu un kan tyari un leki warti en dya dya Srananman nanga wi egi denki en du.
Foe dati ede den prenspari bigi fosten wroko fu un fosten bigisma gi a skrifiman fu a buku disi na krakti fu bondru den tori disi kon na wan.
En so wi e prakseri na ten di un bigi sma ben de na katibo (srafuten) en te den ben sidon te neti na den kokolampu e rostu na baka den deiten tranga wroko.
Dan someni fu den tori di skrifi na ini a baku disi den tyari kon na fesi, fu den ben kan fergiti fu wan syatu ten den deiten pansboko. Fu dat ede wi e aksi furu warderi nanga lespeki gi den sma disi di meki ala den warti tori disi si na deiten faya.
Wi de presenti na buku nanga gran tangi gi a ministeri fu skoro afersi, sabidensi nanga kulturu, di gi wan warti yepi fu meki a wroko disi doro en marki.
Srefi tu wi wani fu gi krakti funamku na den yonguwan na un mindri, fu den leisi en ankra den odo disi na ini den ton ton fu den ede.
Bika na a fasi disi wi kan yepi fu tiri wi kondre na wan warti en leti fasi.
NA SKRIFIMAN
G. HOEN
Auteursrechtelijk beschermd