Const-thoonende juweel
(1607)–Zacharias Heyns–
AuteursrechtvrijBij de loflijcke stadt Haerlem, ten versoecke van Trou moet blijcken, in't licht gebracht
Op de wijse: 'sVVinters Somers even groen.
OOrlof Adieu Vrienden al t'same,
Die in't Haerlems soet foreest
| |
[Folio Sss1r]
| |
Const ghehanteert hebt sonder blame,
Oorlof o menich constich geest,
Oorlof Broeders der Redenrijcke,
Die hier vergaert zijt openbaer,
Noyt vrienden vergaerden ghelijcke,
Of het scheyden volchde naer.
Oorlof Orange Lely schoone,
Die In Liefden groeyende zijt,
Met verdriet seer onghewoone,
Moeten wy scheyden nu ter tijt
Van u o Coren aer ghepresen,
Daer Liefd' moet blijcken jonste biet,
Adieu Roosken seer root in't wesen,
Wy scheyden dus Ionckheyt aensiet,
O Haselier seer soet van gronden,
Wy moeten scheyden nu van hier,
Aensiet Gods cracht tot allen stonden,
Die hy bewijst seer goedertier,
Oorlof ghy VVitte Acoleyen,
Broeders in conste wel bekent,
Aensiet, liefd' es 'tfondament.
Lavenderblom seer wijs cloeckmoedich,
Die dees Feest hier hebt vermeert
VVt levender jonste seer spoedich,
Het scheyden van u ons seer deert,
En ghy Lely onder den dooren,
Die constich zijt door wijs beraen,
Dat wy oorlof nemen als voren,
Is altijt VVt Liefden bestaen.
Oorlof Galis blomken ydoone,
Die hier oock zijt VVt liefd' versocht,
Oorlof Goutblomken net en schoone,
VVt jonsten begrepen alst plocht,
Adieu Coren blom schoon robijnich,
Met gheneuchten scheyden wy,
| |
[Folio Sss1v]
| |
Vande Sonneblom onfenijnich,
Noyt meerder vreucht als nu seer bly.
Oorlof jonstighe Pelcanisten,
Die dees Const-feest hebt bereyt goet,
Oorlof ghy constighe Artisten,
By wien altijt Trou blijcken moet,
Oorlof o VVijngaerts ranck seer vrome,
Liefd' boven al sonder benou,
Oorlof Angierken vvitte blome,
Dit zijt altijdt In liefd' ghetrou.
Prince.
Oorlof Princ'licke Magistraten
Van Haerlem seer wijs bedocht,
Die 'dArmen ouden comt te baten,
Daer toe ghy dees Feest hebt versocht
Van Rethorica seer vermaerdich,
Dies wy Akerkens onghegrieft,
Danck spreken van u jonst lofwaerdich,
Waer door elck een Aensiet u Liefd'.
|
|