Const-thoonende juweel
(1607)–Zacharias Heyns–
AuteursrechtvrijBij de loflijcke stadt Haerlem, ten versoecke van Trou moet blijcken, in't licht gebracht
[Folio Mmm2v]
| |
Ballade op de Intrede.OM hier der menschen deucht nu dadich te verclaren.
Die oyt waren barmhertich, liefdich ende goet,
En wat verschriclic quaet den gierighen doet beswaren,
Wy hier gaerne af-beelden, by u Speel-coorn soet,
Waer van wert voorghestelt, die deuchdighe in ootmoet.
coompt als nu eerst voor Ootmoedich medelijden,
Ga naar margenoot+Vertoont door den (crick, dat hy is metter spoet,
der blinden ooghen, lammen voeten t'allen tijden,
tot Behoeftiche nootdruft, dien hy leent besijden,
uyt barmherticheyt ende liefde seer bequaem,
Bewijst hier meed' deucht den behoeftighen in't verblijden,
Dat hy altijt inder noot voor hen is eersaem,
'tWelck voor Godt en den behoeftighen is aenghenaem,
En een grooten troost voor d'Arm desolaten,
Dat den stercken den crancken coemt te baten.
Hier nae volcht Gherechtvaerdicheyt, met verstant,
Een stoc-beurs in d'een hant, voor den behoeftighen hier,
Ga naar margenoot+Gheeft d'helft zijnder goet al wegend abondant,
voor Behoeftich, nootdruft, van 'tgunt hem God heeft verleent fier,
Bewijst hier mede deucht bermherticheyt goedertier,
Dat daer nae Redelick doen, compt werck der goetheden.
Speurend' wel nae deucht, en zijnde met manier,
oock liefdich wel bequaem, en ootmoedich van zeden.
Waer nae coempt haestich voort, die lieft zijn mede leden,
End' als hem selfs bemint 'tblijct aen zijn goede daden,
Ga naar margenoot+Dien hy zijn vyant bewijst, die van d'moorders was bestreden,
Hebbend' hem ghevonden, en op zijn Esel gheladen,
Giet olie in zijn wonden, cuyreertse uyt ghenaden,
En meer goe medicamenten by hem toeveucht
Daerom dees zijn naesten als hem selfs, lief werckt groote deucht,
| |
[Folio Mmm3r]
| |
Dat desen groote deucht ter werelt heeft ghewracht.
Die zijn naesten als hem selfs lieft, machmen wel ghelooven,
En d'ander deuchdighe passeert, alsmen daer op acht,
Want hy zijn vyant heeft ghebracht om t'herberghen sonder tooven,
Dien hy soo ellendich vont leggend' in't bedrooven,
Gaf noch tot confortacy den waert twee penninghen groot,Ga naar margenoot+
Dat hy soud' accommodeeren tot zijns naesten behooven,
End' noch contenteeren wat meer wert verteert minioot,
Want zijn hert wert beweecht tot barmherticheyt bloot,
Als hy zijn naesten sach dus ellendichlick belaen,
Heeft hem alsdoen bemint, als hem selfs inder noot,
En deed als hy. woud, dat aen hem werde ghedaen,
Daerom segghen wy dat desen Samaritaen,
d'Alder grootste deucht oyt wracht van alle lieden,
Die zijn naesten heeft ghedaen, als woud dat hem soud gheschieden,
Hier volcht Ongherechticheyt, die giericheyt werckt veel, Ga naar margenoot+
Wijsend' met zijn stocxken, dat hy t'onrecht heeft ontfanghen,
'tsilver vanden Coninck Naman, daer door gheheel,
al Namans laserie hem eewich most aenhanghen,
Onversadighe vreckheyt comt met gierighe ganghen,
En verstopt zijn ooren voor die ellendich is in't leven,Ga naar margenoot+
Waer deur 'tOude Serpent hem dreygend' is met pranghen,
Met een schriclicke haeck hem eeuwich wil doen sneven,
Dat hy d'arm ellendighen niet begheert te gheven,
Soo door zijn viltse vreckheyt hem 'tquaet is nae by,Ga naar margenoot+
Volcht valsch bedroch, die al schriclick met beven,Ga naar margenoot+
Verthoont met zijn kusseken, dat verraden heeft hy,
den Soone des Menschen, Dies daerom nu segghen wy,
Dat desen Iuydas 't schriclickste quaet heeft ghewrocht,Ga naar margenoot+
Die zijn Heer zijn God om dertich penninghen heeft vercocht.
Soo haest als in desen Iuydas den helschen Satan quam,Ga naar margenoot+
Ginck stracx nae desen totten overpriester daer,Ga naar margenoot+
En vercocht Christum Iesum, dat onnoosel lam,Ga naar margenoot+
Sijn eenighen Salichmaker, dien hy valsch verrade swaer,Ga naar margenoot+
| |
[Folio Mmm3v]
| |
Ga naar margenoot+Door eenen cus, waer over Christum sprac openbaer,
Ga naar margenoot+Wee zy den Mensche, die verraden sal
den Soon des s'menschen, het hem beter waer
niet gheboren te zijn alhier in't aertsche dal,
Dan my te verraden, wee u onder de menschen al,
Ga naar margenoot+Sprack Christum tot desen gierigen desepteur,
Ga naar margenoot+Die oock noch heymelic het gelt den Armen ontstal,
En brocht zijn Meester zijn God en Heylant in sulc ghetruyr,
Dat hy most sterven den bitteren doot swaer in 'tlabeur,
Daerom segghen wy datmen verschriclic quaet op desen merct,
Die door een gheveynst valsch bedriechlic hert giericheyt werckt.
Prince.
Ghedenckt wat verschrickelicker quaetheden onvroedich
desen Gierigert aenquam, als hy in sach 'tqua feyt
dat hy had bedreven aen zijn eenich Godt ootmoedich,
Sulcx valsch bedroch, daer nae 'tgelt inden tempel gheleyt,
En uyt desperaetheyt hem te verhanghen heeft bereyt,
Ga naar margenoot+Door wanhoope aen eenen strick ghecomen,
Door den Sathan die in hem was ooc onverbreyt,
Sijn leven door den stric hem heeft benomen,
d'Welc schriclic en quaet is tot zijns ziels verdomen,
Die de giericheyt door zijn valsch bedriechlic hert baerden,
Dus ist wel te bemercken by alle vromen,
Dat noyt schrickiger giericheyt is ghewracht op aerden,
Als by desen Iudas, die dees valscheyt aenvaerden,
Daer meed wy Son-bloomkens ons Intreed verthoonen,
By den Speel-coorn die wy met dit Blaysoen verschoonen.
Schout quay daden. |
|