Spieghel der werelt
(1577)–Peter Heyns–
Auteursrechtvrij
[Folio 73v]
| |
Tot den Neder-landtschen factevrs.
Constighe dichters, Duytsche Rhetoriesienen,
Hier hebdy de groote Werelt int cleyn ghebracht:
Ommers soo ickse v hebbe connen aen-dienen
Wt Ortelius Caert-boeck, heerlyck ghewracht.
Ist dat ghyer iet inne vercreupelt acht,
Wytet eensdeels de plaetse, en d'ander de mate,
Ga naar margenoot+Die ick Brabantsche wyse in ons tale heb' ghewacht,
Als elck in de syne doet t'sy van wat state.
Alleen hebbe ick ghenomen tot mynder bate,
De Mechelsche vocael-smiltingh', die ick in al
Dat ick voorts te maken dencke, altyt volghen sal.
De Poëten doent oock met vryen ghelate;
En sulcx t'ouertreden by hun in ongonste = is,
Want rymen sonder mate, ouer al cleyn conste = is.
Wel hem die Godt betrout. Lauwerboom. |
|