Spieghel der werelt

[fol. 71v]

De havene van Carthago.

Op dees hauen siedy de veruallen = mueren

Van de stadt Carthago; bedoruen door den stryt,
Die Roomen teghen haer voerde t'allen = ueren,
Om den tytel der eeren met cleyn profyt.
Hier siedy oock de Golette en Thunis wyt,
⁺Daer Carolus quintus grooten loff heeft creghen,
Als hy den Barbarossa verïoech subyt,
En den ouden Coninck weer stelde in syn pleghen,
Hebbende eerst ontallycke Turcken versleghen,
Daer toe veel Kerstenen met dusenden ontboeyt:
Maer dat haer de Fortune licht laett beweghen,
En haer altyt tot veranderinghe spoeyt,
Blyckt hier oock: want het swaert van Zelimus bebloeyt
⁺Heeft de Kerstenen hier wt ghedreuen = weer,
Doen wy door Spaengnen deerlyck werden ontgoeyt:
Die rooft, wordt ghemeynlyck tot roof ghegheuen = weer.

+ 1535.

+ 1574.

[fol. 72r]

Carthag. Portvs. 52.

Carthaginis celeberrimi sinus typus