Spieghel der werelt

[fol. 70v]

Paep-Ians, oft der Abissynen landt.

Die wy Paep-Ian noemen, heeten de Mooren = ruydt

Aticlabassi, en syne Abissynen
Acegue, en Neguz; dwelck in ons ooren = luydt
Keyser en Koninck; die oock Paus wil schynen;
Hem vernamende, met croone te mynen.
⁺De Coninghinne Candace; als hun schryuen = houwt;
Heeft hier eerst ghebrocht het gheloof der Latynen:
Haer woon-stadt was Cassumo heerlyck en ouwt,
Voor de Coninghinne van Saba ghebouwt.
Een machtich Prince ist, gheacht de werelt deure:
In stede van ghelt bruyckt hy syn onghemunt gouwt.
Dier peper brenght oft sout, cryghter van als veure.
D'inwoonders al, syn gheilachtich van coleure.
D'landt voedt veelderley ghevoghelte, en beesten = groot:
Wordt van sprinck-hanen dicwils bracht in ghetreure:
Een slecht menichte oorsaect wel den meesten = noot.

+ Act. 8.

[fol. 71r]

Abissinor. Imperivm. 52.

Presbiteri Johannis siue abissinorum imperij descriptio