Spieghel der werelt

[fol. 64v]

Indien.

De Spaengnaerts dolen met haer nieuw werelt = blycklyck,

Als sy die noemen Indien groot van waerden:
Want dit is t'recht Indien beperelt = rycklyck,
Daer de riuiere Indus loopt haerder vaerden.
Gheen grooter lantschap en noemtmen opter aerden;
Gheen beter van gronde oock, noch ghesonder van locht,
Dies de menschen hier langhst in wel-vaert volhaerden:
Syn in alle handt-werck en consten wel versocht.
Ouer dusent iaren is t'drucken hier bedocht,
Als Barros en de Iesuïten bewysen:
Door wien t'Catholyck ghelooue hier seer wordt ghewrocht.
Gheen en can den lust noch noot costlycker spysen.
Nerghens hoortmen meer goeyer havenen prysen,
Noch volck rycker coop-steden. Hier by een zee = is,
Daermen een werelt van eylanden siet rysen:
T'moet wel paradysen = daer och noch wee = is.

[fol. 65r]

India. 48.

Indiae orientalis insularumque adiacientium typus.