Spieghel der werelt

[fol. 63v]

Tartaryen oft grooten Chams landen.

D'Asische Sarmatien en de Scythen = coen,

Hebben haren naem in Tartaryen ghe-ent,
En d'landt oock dat wy Serica hieten = doen.
Int jaer twaelf hondert en twaelf werdt ons dit bekent,
Als Ruyssen by na vanden Tartar werdt gheschent.
Dit volck woont wyt van een op t'velt met hoopen,
Die sy Horda, dats ghemeynte noemen, ghewent
Van d'een plaets', ghebloott synde, op d'ander te loopen.
Alle beesten, hoese oock steruen, sy af stroopen,
En etense, int vel ghecockt, wt ghenomen t'swyn.
Syn sonder wet, gheld-loos, weten van gheen coopen:
Armoey ghewoon, sterck van lyue, en breet van aenschyn.
T'landtschap Tangut gheeft ons hier den Rabarbar fyn.
Hier leyt oock groot Cambalu, dat s'Princen = stede,
En Quinsay, s'hemels stadt, de meeste in swerelts syn,
Grooter en stercker dan veel Prouincen = mede.

[fol. 64r]

Tartaria. 47.

Tartariae siue magni Chami regni typus