Spieghel der werelt

[fol. 60v]

Lyf-lant.

Lyf-lant stoot aen Pruyssen, Littauw en Ruyssen = fier,

⁺Met dryerley volck heel verscheyden van talen.
Doch spreken de steedsche Duytsch als de Pruyssen = hier:
T'is heel weeldich, meest onghebout, sonder dalen,
Ia soo vruchtbaer, dat ander landen hier halen
Alderley nootdruft, behaluen olie en wyn:
T'seyndt ons honich, was, asschen, en vlasch met balen,
Oock peck, tar, rogghe, en veelderley pelsen fyn:
Oock schoon steden, als Ryghe op de Duin' gheleghen;
Reuel, die nv den Groot-vorst eert met droeuen schyn:
En Derpt op d'Ein-beeck, die in sommighe weghen
Soo ruysschende valt van klippen hooch ghesteghen,
Dat sy d'omwoonders allenskens verdooft = daer,
Ghelyck des Nyls cataracten te doen pleghen:
Een groot gheluyt syn minder van cracht berooft = claer.

+ Curoniers. Estoniers. Lettiers.

[fol. 61r]

Livonia. 44.

Liuoniae noua descriptio Ioanne Portantio auctore