Spieghel der werelt

[fol. 59v]

Prvyssen.

Pruyssen is gheheel t'ryck van Polen onderdaen,

Behaluen het Hertochdom datter inne leyt:
Want dat gaet synen Hertoch int besonder = aen.
Op d'Oost-zee hem dit met veel goey hauenen spreyt:
Die ammeren soeckt-men aen desen cant bescheyt.
T'is oock vruchtbaer van alle graen en wey-dinghen;
T'heeft veel treffelycke steden heerlyck ghereyt,
Die t'landt met coop-handel groot goet toe bringhen;
Als Coningsberch; daer het hoff is; en Elbinghen;
Bouen al Danzick op de Wixel aen zee-cant:
Voots schynt haer de heel werelt hier te verminghen,
Want men sietter Roomen, Venegien plaisant,
Brandenburch, Wittenberch, Lunenborch, Hollant,
Craccouw, Straesborch en meer. T'spreeckt Duytsch te gader = al,
Maer dorpen houden som noch hun ou-tale en stant:
D'eenvuldighe volghen meest haren vader = al.

[fol. 60r]

Prvssia. 22.

Prussiae descrip.