Spieghel der werelt

[fol. 53v]

Griecken.

Voortyts was Griecken syns selfs heere een hoeder = vroet,

Nv ist een slave onder de Turcsche doctryne:
En soot doen was alder consten moeder = goet,
Soo ist nv van alle onverstant een woestyne.
De tale alleen de selue is, want sonder pyne
De Griecx-gheleerde en dit volck d'een d'ander verstaen.
Byden Maluesey ist vrolyck van aenschyne,
Als de voet-loose croeskens dick om syn ghegaen.
D'een heeft Turcksche en d'ander Veneetsche cleeren aen,
Na dat de heere is daerse onder syn gheseten:
Achter op t'hooft ghelockt, voor gheschoren heel plaen:
Matrassen sy bed-wys te ghebruycken weten;
En seer weynich huysraets wordt by hun versleten.
De vrouwen meest in huys, selden op t'strate = syn,
Dan metten lycke, van ghehuerde becreten:
T'is hypocryts bly met droeuen ghelate = syn.

[fol. 54r]

Graecia. 40.

Graeciae vniuersae secundum hodiernum situm neoterica descrip