Spieghel der werelt

[fol. 52v]

Cypers.

Al heeft Cypers een onghesonde lucht = swaer,

Soo ist nochtans van de beste eylanden eene,
Want het is van alle dinghen soo vruchtbaer,
Dat het niemants hulpe en behoeft, groot noch cleene,
Maer stoffeert veel ander met syn goeden reene;
Waer doort wel eer Macaria; dats Salich; hiet:
Venus toe-ghewydt, om datmen int ghemeene
De vrouwen hier tot dertelheyt gheneghen siet.
T'heeft seer veel olie en honich oft suycker-riet,
Oock wyn ouervloedich, goet als Malueseyen:
En maeckt gheyten-haer-camelot, met groot gheniet.
Famagusta hauent scheoen en galeyen:
En Nicosia is t'hoff deser contreyen;
⁺Onlangs vercracht, gheplondert, en schandich = ghemoort,
Door Zelim de tweede, t'hooft der Turscher armeyen:
De wolf is altyt op t'schaep vyandich = ghestoort.

+ 1570.

[fol. 53r]

Cyprvs. 39. en 39. A.

Cyprvs Insvla