Spieghel der werelt

[fol. 49v]

Malta.

Sinte Paulus werdt na schip-brekinghe = grieflyck,

In dit Malta met beleeftheden ontfanghen,
En hoocklyck ghe-eert door syn prekinghe = lieflyck,
Doen hy onghequetst bleef vanden beet der slanghen:
Nv ghelooftmen door dit mirakel voor-ganghen,
Dat dit landt blyft sonder eenich fenynich beest;
Want kinders deruen hier scorpioenen vanghen,
En (soo Heduüs seyt) die eten onbevreest.
Dese aerde elders ghevuert doodt der serpenten gheest:
Quac-saluers noemense sinte Paulus zeghen;
T'heeft eenen dorren grondt, met cottoen gheciert meest;
En meer met rootse dan met landschap besleghen.
De Rodisch' heeren hier hebbender vercreghen
Eenen onsterflycken naem, met het af = weiren
⁺Des Turcx Solimans, diet stranghlyck had beleghen:
Dien God wil helpen, can busse noch staf = deiren.

+ 1565.

[fol. 50r]

Melita. 38.

Malta olim Melita Insula