Spieghel der werelt

[fol. 40v]

Friovl.

Dit hiet eertyts Aquilegia na syn hooft = stadt,

Groot twaelff duyst passen, bevolckt thien mael soo vele
Nv Patria, na t'Patriarchschap, ghelooft = plat
⁺S Marcs stichtinghe, wiens yuoiren zele
Noch te Grado gh'eert wordt van ele en onele.
Natuere als een Theatrum dit heeft gheformeert
Plat op de zee, en allenskens t'haren spele
Met heuuels verhoocht, en met berghen ghestoffeert:
Daer alderley metael om prys ageert,
Gout, siluer, quick-siluer, coper, ten en yser:
Hier christael blinckt, daer beril en marber floreert,
T'is des lusts, als des noots, ouervloedich spyser:
Syn locht, {weyen} en {bosschen} is elck een pryser.
Syn locht, {appels} en {wilt-braet} is elck een pryser.
⁺En bouen al den wyn die Rynvael ghenoemt wordt.
D'inwoonders syn goey coop-lien, maer const-wyser:
Door coop-handel en conste een landt wyt beroemt wordt.

+ Zetel.

+ Pucinum.

[fol. 41r]

Forvm Ivlii. 32, en 35.

Fori Iuly vulgo friuli typus