Memorieboek der stad Ghent van 't jaar 1301 tot 1793. Deel 2

1561.

Commissarissen.

Messire Lamoral d'Egmont, prince de Gavere, conte du dict Egmont, gouverneur et capitaine general de Flandre et d'Arthois.

Messire Floris de Montmorency, seigneur de Montigny, Hubermont, etc.

Messire Jacques de Claerbout, seigneur de Maldeghem, Pitthem, etc.

Messire Philippe de Saincte Aldegonde, seigneur de Noircarmes.

Schepenen van der Kuere.	Schepenen van Ghedeele.
Joncheere Jan Bamman, heere van Oomberghen.	Mer Jan de Grutere, heere van Loovelde.
Lievin van Sicleers.	Jacob de Vriendt.
Joncheer Pieter Cortewille.	Lievin van Huerne f^s Michiels.
Jan van Hembiese, f^s Willems.	Servaes van Steelant, f^s Willems.
Adolf de Grutere.	Jan Tayaert.
Heindric Zoete.	Jan Deynaert.
Herman van Steelant.	Lievin van der Muelcne.
M^r Jan Sanders.	Franchois Borluut.
Lievin van Tessele.	Pieter de Brune.
Franchois Hueribloc.	Jan Dierkins.
Adriaen de Wintere.	Geerolf Heindricx, over hem Claes Baes.
Eloy de Sceppere.
Thomaes Heylinck.	Philips van den Bossche, f^s Philips.
	Michiel van Huyckelghem.

[p. 315]

Ontfanghers.

Jan Baes, bouchoudere.

Adriaen van Riebeke, van de wercke.

Gillis van Loo, van der Yssuwe.

Den xxvij^en Lauwe was op de Veerleplaetse onthooft een man uten Westquartiere van twee dootslaghen, ende insghelijcx zijn zone met hem onthooft, van de audde van xvij jaren, die ghedaen hadde eenen doodtslach.

Den xxviij^en Lauwe was op de Veerleplaetse aen eene potentie gehanghen een persoon ghenaempt Keysere van Bruusele, omme dat hy ghemunt hadde Postulaetsguldens die valsch waren.

Den iv^en Sporcle was een manspersoon by schepenen van der Kuere ghegeesselt totten bloede, ende ghebannen xij jaer uter vryheyt ende pandynghe deser stede, omme dat by ende zyne huusvrauwe eene jonghe dochtere heuren neuse afghesneden hadden, ende bovendien zeer grieffelick quetsten, daer hy vleeschelijcke by gheconverscert hadde.

[In de maendt van Maerte wayde 't duergaende groote winden met veel reghens, ende bysonder op den xi^en dach van Maerte wayde 't so groote winden dat buten der stede van Gendt in veele diversche plecken ommewayden huusen ende schuren, insghelijcx binnen dese stede veele diversche dacken, caven ende muren averecht wayden, ende bysonder eenen nieuwen ghevele voor Galileën, die te gronde afwayde. (Pr. Ar. ^B.)]

Den xxvij^en April was de papegay gheschoten by de guldebroeders van den grooten ende auden gulden van Sente Sebastiaen, welcke papegay stont van sondach tot

[p. 316]

dysendach ontrent de noene, alle daghe daer naer schietende zonder cesseren eer by afgeschoten wiert.

In dit jaer den ix^en Hoymaendt was op de Veerleplaetse ghehanghen een man van Cassele in Westvlaenderen aen eene potentie mits valsch ghelt.

[Schepenen van der Kuere in Ghent consenteren de Vrindachmerckt al 't jaer deur ghehouden te worden op den vrindach ofte des saterdags, uytghesteken alle vigiliedaghen, de welcke men onderhaudende es binnen der stede van Ghendt, die men observeren sal sonder maerct te moghen hauden. Actum den xxvj^en July xv^clxi. (K.M.)]

Den xiv^en Augusty waren in 't Gravencasteel gherecht metten zweerde twee vrauwepersoonen, ter causen van heresye.

Den xxiij^en Augusty was eenen Lievin de Branbantere, gheseit Polgier by schepenen van der Kuere ghegheesselt totten bloede, ende ghevoert op eenen waghene ende ghebannen uut ten lande van Vlaenderen xij jaer, omme zijn bordeelhauden, ende hadde eenen gheestelicken persoon ghenomen de somme van vijf ponden grooten, omme dat hy leveren zoude zijns wijf dochtere (also by dede) in oncerbaerheyt, ende hadde noch bedorven veel ende diversche jonghe maechden ende ghehuwde vrauwen ende insghelijcx gheestelijcke ende weereldlijcke persoonen.

Den xxiij^en Maerte waren in 's Gravencasteel met belokenen poorten onthooft drye manspersoonen, ter causen van de heresye.