Memorieboek der stad Ghent van 't jaar 1301 tot 1793. Deel 2

1555.

Commissarissen.

Mer Loijs van Heilweghe, president in den raed van Vlaenderen, over mijn heere den gouverneur van Vlaenderen.

Jan Dhertoghe, ontfangher generael van Oost-Vlaenderen, over mijn heere van Praet.

Omaer Duchastel, receveur des mortesmains van Henegauwe, over mijn heere van Sampy.

Philips de Sainct Aldegonde, heere van Noircarmes.

Schepenen van der Kuere.	Schepenen van Ghedeele.
Meester Joos van Grijspeere.	Daneel van Pollinchove.
Jan van Brakele.	Jan Heindricx.
Joos Donaes.	Jacob Cabelliau.
Mer Jaques Triest.	Raphaël de Sare.
Jan van Pottelsberghe.	Franchois de Beaufremez.
Guillaume van den Kethulle.	Lievin van der Muelene.
Adriaen de Riebeke.	Gillis van Quickelberghe.
Lievin van Testele.	Jaques Ruflaert.
Lievin Petrins.	Joos van der Cruucen.
Jan Meussins.	Guillaume van Deinze.
Lievin de Buck.	Jan Dierkins.
Franchois Toebast.	Robrecht van de Vivre.
Gheerolf Heindricx.	Philips van den Bossche.

Ontfanghers.

Pieter Cortewille, bouchoudere.

Lievin van Sicleers, van de weercke.

Adriaen de Wintre, van de Yssuwe.

[p. 280]

In dit schependom quam Philips, 's keysers soone, uut Inghelant, ende was den vij^en Septembris binnen Ghent, ende 's saterdaechs track hy naer Aelst, ende ontfinck daer 't zelve landt, ende men zayder ghelt, ende quam noch binnen den selven daghe te Brussel by zynen vader, den keyser.

[In dit scependom quam Philips, Carolus zone, uut Inghelandt duer Brugghe, ende was den vij^en September binnen Ghendt, ende hy hadde in Inghelandt ghelaten zyne huusvrauwe, de conynginne, ende de wet van Ghendt met vele notabele ontfynghen hem ende stonden met tortsen van an de Bruchschepoort tot up den Poel, daer de voornoemde prince bleef ten logieste van den heere van Wackene, ende 's anderdachs track hy naer Aelst, ende hy ontfynck daer dlandt van Aelst, ende men sayde er ghelt, ende hy was noch binnen den zelven avonde binnen Bruussele by den keysere, zynen vadere. (Pr. Ar. ^B.)

- Den xvi^en September dede men 's maendachs te Bruussele, naer noene, de vigelen, ende's anderendaechs eene costelicke uutvaert; daer berrenden xxv^c stabelkerssen, elc van een pond en half over de moeder van den keyser Carolus den v^en van dien name, die hier te vooren in Spaengnen overleden was. (Pr. Ar.^B.)]

In Maerte begonste 't te reynen al den zomer duere, zoo dat nauwe dry daghen schoon weder en was.

[In Maert begonst het te reynen al den sommer duere zo dat nauwe drie daghen achtereen schoon weder was, ende het viel so groote vlaghen datter sulcke vloeden af quamen datter husen, schueren ende stallen mede averecht vielen ende wechstroomden, ende in den principalen hoytijdt viel

[p. 281]

ooc de reghene so groot dat al 't ghers ende de meersschen vloyden, ende men moeste vele meersschen onghemayt laten duer het groot water, ende in den say-tijt, ontrent Bamesse, bleef 't zoo zeer regenende dat men qualick ghesayen conste, en in den Ougst bleef 't cooren overhende staende ende het schoot, ende dit ghebuerde van den reghen tot in Sporcle, ende doen droochde het, het water minderde zeer, maer den xvi^en, xvij^en en xviij^en in Maerte viel weder sulcken reghen dat dwater weder upliep ende vloyde meest over alle de meersschen; dit duerde van desen reghen tot half April. (Pr. Ar.^B.)

- Den xvij^en Sporcle 's maendachs waren by de wet van Ghendt ghecondemneert levende verberrendt te zyne drie ghezellen, omme dat zy in diverssche plaetsen te lande de lieden gherooft hadden, ende onder andere eenen man in zijn huus ghequetst dat hy daer af starf, ende was t' Sente Cruys binnen Brugghe. (Pr. Ar.^B.)

- Den xxvij^en Octobris lv voornoemd zo renunchierde de K.M. in handen ende ten profyte van Philips, zynen zone, coninck van Inghelandt, alle de landen van Herrewaertsovere, ende waren oock by den voornoemden zynen zone gheanveerdt, ende by consente ende accorde van de notabele van de voornoemde landen ende steden, 't welck ghebuerde binnen de stede van Brusele, makende de voornoemde K.M. alle zyne ghereescepe omme te reysene naer Spaengnen, gheacompagneert met beede zyne zusteren. (S.G.)

- In dit jaer in 't ende van Januarius was by Philips, coninck van Inghelandt, eerst ghegheven het Gulden Vlies, ende 't ghebuerde t' Andtworpen, in Onse Vrauwenkercke. (S.G.)

- In 't jaer 1554, op H. Sacramentsdach was het by

[p. 282]

nachte so hart ghevroosen datter veel granen op veele plaetsen vervrosen waren. (K.M.)]

Den xiij^en Maerte was hier binnen Ghent uutgheroepen een bestant van vijf jaren tusschen onsen keyser, Philips, zynen zone, conynck van Inghelant, ende den conynck van Vranckerijcke.