Memorieboek der stad Ghent van 't jaar 1301 tot 1793. Deel 2

1554.

Commissarissen.

Mer Loijs van Heilweghe, president van Vlaenderen, over mijnheere van Reux.

Mer Loijs de Flandres, in zyne absentie Mer Philips van Oingnies.

Jaques de Croy, heere van Sampy, in zyne absentie Mer Charles de Grutere, heere van Exaerde.

Philips de Sainct Aldegonde, heere van Noircarmes, in zyne absentie Jan van Roode.

Schepenen van der Kuere.	Schepenen van Ghedeele.
Mer Nicolaes Triest, rudder, heere van Auweghem.	Simon Bets, heere van Bottele, over hem Willem van der Hoye.
Joncheere Jan van den Ecchaute.

[p. 276]

Mer Jan de Grutere, rudder, heere van Loovelde.	Jan Damman, heere van Oomberghe.
Mer Jan Salaert.	Pieter Cortewille.
Joncheer Franchois de Ligne, heere van Ham.	Adolf de Grutere.
	Lievin van Sicleers.
Jacob Vrient.	Lievin van Huerne, f^s Michiels.
Jan van Hembize, f^s Bussarts.	Simon Yoens.
Meester Jan de Grutere.	Olivier Tincke.
Joncheer Pieter van den Cauwerburch.	Lievin Doens.
	Pieter van de Wincle, f^s Bertelmeus.
Jan Bets.
Jan Baers.	Gillis van der Guchte.
Joos de Rouck.	Joos de Crooc.
Lievin van Crombrugghe.	Pieter van Huuckelgem, over hem Claeys, Baers, f^s Jans.

Ontfanghers.

Joos Donaes, bouchaudere.

Joncheer Pieter de Vos, van de wercke.

Willem Goetghebuer, van de Yssuwe.

Den xxv^en July traude Philips f^s Caroli V van Spangen, grave van Vlaenderen, de coninginne van Inghelant vrau Marie, zeer catholijcke ende duechdelicke princesse, te Winsestre in Inghelant, op Ste. Jacobs- ende Christoffelsdach.

[Den xviij^en September was by den heere van den Rade onthooft eenen Francoys, omme dat hy in meenynghe hadde by veraderie ten drie plaetsen binnen dese stede 't vier inne te stekene, te weten: t' Sente Pieters, t' Ste. Baefs ende up de Mude. (Pr. Ar.^B.)

- In dit jaer ende den bovengenoemden tijt was beghonnen maken de nieu stadt niet verre waer Hesdyn plach te zyne. (S.G.)]

[p. 277]

In dit jaer ende scependom was mer Adolf van Bourgongnen, heere van Wackene, ontfaen als hoochbailliu van Ghendt.

Den ix^en November waren by de heeren van den rade, ten versouke van den procureur generael, ghecondemneert vijf dienaers deser stede, ghehuwde mannen, omme dat se met ander vrauwelieden ende meyssens gheloopen hadden, op sulx niet meer te doene; den eersten was Jan de Pape, die ghecondemneert was God van hemelrijcke ende den hove uter name van justicie, in sijn lywaet, vergeffenesse te bidden, knielende op eenen knie, met eene toortse van iiij in zijn handt, de selve toortse te draghene dHoochpoort up tusschen twee duerwaerders van den hove binnen de kerke van Ste. Baefs, ende die te presenteren op syne knien ende te laten ten dienste van den Heleghen Sacramente aldaer, ende boven dien verclaert infame, hem destituerende van sijn officie, ende inhabyl omme ten eeweghen daghe 't zelve oft ander te bedienen, ende in xx Carolus guldenen ten proffyte van de Majesteit, ende sijn vanghenes costen.

Den ij^en was Pieter de Sceppere ghecondempneert al in 't selve; maer ij hondert gulden 's keysers profite, ende ghebannen buuter der stede van Ghendt ende den schependomme dry jaren.

Den iij^en Lieven Coolens, gheseyt Keysere, hadde derghelijcke condemnatie, dan dat hy moeste xxx Karolus guldenen 's keysers profyte gheven, ende in pilgrimagie gaen ten dry Coningen [te Cuelen. (Pr. Ar.^B.)]

Den iiij^en was een Cornelis Schauteete, ende hadde de selve condempnatie ende moeste gheven xxx guldenen, ende was ghebannen uut den lande van Vlaenderen xx jaren, te

[p. 278]

rumen binnen sonneschyne deser stede, ende 't landt van Vlaenderen binnen dry daghen.

Item, Lieven Braet was den v^en in ghelicke amende ghecondemneert 's keysers profyte xx guldenen, ende ghebannen uter stede ende schependomme dry jaren.

Den xj^en Decembris was eene sentencie uutghegheven by schepenen van der Kuere aldus: ‘Omme dat ghy Lambrecht Ghijsbaert van Zout-Leeuwe, hoe ghy anders ghenaempt ofte ghebynaempt zijt, vervoordert hebt in zekere vergaderinghe van diversche schiplieden, zoo wel van deser stede van Ghendt als vremde van Mechelen, Antwerpen, ende andere, ligghende met haerlieden schepen t' Haerlebeke boven gate, omme te passerene nederwaert, te roupen hooghe ende overluyde op de schiplieden van deser stede zeer leelicke diffamatoire ende injurieuse woorden, onder andere ‘dat sy waren Stroopdraghers ende moorders’ in grooter cleenechede ende infamie van alle goede insetenen deser stede, zo dat daer by groot inconvenient hadde moghen rysen; ende was ghegheeselt in opene camere tot den bloede, ende ghebannen xij jaren uut Vlaenderen.

[In dit scependom den xiiij^en in Sporcle was up de Vrindachmaert deser stede verberrent Livine Ghyselins, weduwe van Willem van Luevene, die hier te vooren ooc verberrent was, omme huerlieder gheloove, ende noch eenen David van der Leyen, die, naer dat 't vier uutgheghoten was, noch leefde ende wart doe van den hangmeestere met eender vurcke deerlick vermoort. (Pr. Ar.^B.)]

Up den Witten Donderdach, also in Ste. Mechiels-kercke preectede broêr Pieter de Backere van den Heleghen Sacramente, zo was daer eenen Hoste van de Catelyne, die hem

[p. 279]

bestondt te segghen overluydt dat al valsch was datter ghepreeckt was, waer om hy vervolcht was by den procureur generael ende ghevanghen, ende den xxvij^en April daer naer op de Verelplaetse verberrent.