Memorieboek der stad Ghent van 't jaar 1301 tot 1793. Deel 2

1535.

Commissarissen.

Meester Charles Claeyssone, raed, over den heere van Sempy.

Philips, bastaerd van Lalaing, heere de la Moullerie, over den grave van Hoochstraten.

Mer Hughes de Grammez, ruddere, heere van Wynghene, over mijn heere van Gaesbeke.

Mijn heere de abt van Dronghene.

's Heeren kiesers.	Der stede kiesers.
Lievin Borluut.	Jacob van Melle.
Anthonis van der Vichte.	Jan Seys.
Jooris van Crombrugghe.	Meester Willem Fransman.
Claeys Damman.	Joos van der Haghen.
Schepenen van der Kuere.	Schepenen van Ghedeele.
Adriaen Bette.	Loys de Wale, ghezeit van Axpoele.
Lievin van der Boven.
Heynderic van Testele.	Jan de Stuvere.
Adriaen Triest.	Lievin van der Hasselt, f^s Pauwels.
Jan Sanders, in de Veltstrate.
Jan de Block.	Jooris Sersanders.
Charles de Grutere, heere van Exaerde.	Jan van der Fonteyne.
	Jacob van der Beke, in den Quaetem.
Martin de Vettere.
Pieter van Melle, f^s Jacobs.	Jan Rufelaert.
Jan Impe, over hem Ywein Sloc.	Loys van Melle.
Gillis Snellaert.	Jan Curthals, d'aude.

[p. 101]

Jacob van den Hane.	Lievin van Casele.
Andries Seys.	Jacob van den Haute.
	Lievin van der Marien.
	Joos Codde, f^s Joos.
Heuverdeken.	Deken van de Weverie.
Jacob van Melle.	Jooris de Keysere.

[In dit jaer waren van Thunis ghezonden vier leeuwen an de K.M. ende eene leeuwinne, ende waren ghebrocht by eenen Dominicus van Houcke, f^s Pieters, ende was begift met penninghen van der stede weghe ende boven dien met eenen ghestrijpten rock gheborduert met eender maecht daer uppe, ende de voornoemde Dominicus reysde wederomme naer de K.M. (Pr. Ar.^B.)

- Ontrent vastenavont in dit jaer vergaderde de conynck van Vranckerijcke veel volx van wapenen ende sant 't selve naer Mylanen, daer uppercapiteyn af was de hertoghe van Orliens, zynen ij^en zone, ende den v^en April dede de keysere zyne intreye binnen Roome met grooter macht van volcke, ende quam also naer Provense ende beleyde de stede van Marchelyn. (Marseille.) (Pr. Ar.^B.)

- Den iiij Ougste overleet Mer Jan van Saemslacht. (Pr. Ar.^B.)

- In dit jaer was 't cruuce up Ste. Jansturre ghestelt, den xviij^en September, by M^r Jan de Somere, als meester zijnde van de stede. (Pr. Ar.^B.)

- Den xviij^en Meye dede mijnheere van Schardau zynen eedt als hoochbailliu van Ghendt metten toebehoorten. (Pr. Ar.^B.)

- Den vj^en Juny dede de abt Lucas de Muunck zyne intreye met ij^c peerden ofte meer t' Sente Baefs. (Pr. Ar.^B)

[p. 102]

- Den iiij Ougste waren ghebannen Lievin Cloosterman ende Olivier de Baenst van valsscheden, omme dat zy copien ghescreven hadden ende handtteecken daer an ghestelt ende gheconterfaict van de secretarissen van der Camere, ende aldaer met die letteren an diversche persoonen ghelt ghehaelt. (Pr. Ar.^B.)

- Den xj^en October stack Liefkin Keerkaert doodt Andries Roelins, omme eenen hondt van Aspere. (Pr. Ar.^B.)

- Den vj^en Ougste quam an scepenen de tydinghe dat voor Onser Vrauwen huuskin, buuter Mudepoorte, hinc een mandekin daer een kindekin inne was, ende up den boesem van den kinde was een papier ghehecht daer inne dat ghescreven was dat gheen kersten ghedaen en was, ende de scepenen deden 't halen. (Pr. Ar.^B.)

Den xxij October was Liefkin Keeckaert ghebannen. - Den xviij^en November was ghegheesselt ende ghebannen Adriaen Daneels f^s Jans, peltier. (Pr. Ar.^B.)

- Item, den x^en December was een vrauwe ghepelleryseert omme dat zy eenen coopman van veerckenen ontvreemd hadde eenen bygurdele, daer inne dat waren x ponpen gr. vlaemsch, en hy had 't wederomme. (Pr. Ar.^B.)

- Den vij^en February was Baerbele Ghyselins, alias de Groene, apoteker, ghepellaryseert, omme dat zy wel wetende ghecocht hadde ghestolen goet, ende voorts was zy ghewesen haer te vermydene van ghelijcke te doene, up den ban van xj jaren. (Pr. Ar ^B.)

- Den xj in Maerte starf de weduwe van den heere van Fienis. (Pr. Ar.^B.)

- Den v^en in Meye was ghehangen Joos Antrax, autcleercoopere, omme dat hy ghestolen goet ghecocht hadde te meer stonden. (Pr. Ar.^B.)

[p. 103]

- Den xviij^en Juny starf Mer Roelant de Baenst. (Pr. Ar.^B.)

- Den j^en July trocken uut Ghendt iij^c ende xxx ghesellen ten oorloghe naer Peronen, daer af dat capiteyn was mijnheere van Betencourt. (Pr. Ar.^B.)

- Den xxiiij^en July was open oorloghe gheroupen tusschen den keysere ende den conynck van Vranckerijcke. (Pr. Ar.^B.)

- Item, in de voornoemde maendt was vechtenderhandt ghewonnen van onzen volcke 't casteel van Pangy. (Pr. Ar.^B.)

- Den ij lach de heere van Nassauwe voor Peronnen, zonder iet te doen of te winnen; daer naer quam de conynck van Vranckerijcke ende concquesteerde Hesdijn, midts dat die van den casteele hemlieden up gaven. (Pr. Ar.^B.)

- In 't zelve jaer was begonst te maken den turre t' Sente Pieters. (Pr. Ar.^B.)

- Item, in dit jaer, den derden in Meye soo verberrende de stede van Delft in Hollant, met beede de prochiekercken, cloosters ende gasthuysen, ende daer gheschiede groote aenmerkelijcke schade, want dat volck haer goet niet verberghen en conde van den grooten brandt, want hy duerde dry uren lanck, ende daer verberrende wel dry duysent huysen ofte heertsteden, die soo gheweldich was ende sterck dat hy niet blusschelijk en was, want dat vijfde deel nauwelijck staende en bleef van de stede, en dat waren meest al cleyne huysekens. (K.M.)