Memorieboek der stad Ghent van 't jaar 1301 tot 1793. Deel 2

1534.

Commissarissen.

Mijn heere van Simpy.

Mijn heere van Wynghene, over mynen heere den grave van der Hoochstraten.

Heynderic van Huerne, over mynen heere van Gaesbeke, zynen vadere.

Mijn heere van Castre.

's Heeren kiesers.	Der stede kiesers.
Roelandt de Baenst.	Jan de Block.
Lievin Donaes, op d'Hoochpoorte.	Jan Baers.
	Martin de Vettere.
Willem van Jmbise.	Jan van Ympe.
Philips Rijm.
Schepenen van der Kuere.	Schepenen van Ghedeele.
Gyselbrecht de Grutere.	Gillis de Baenst.
Jan van der Looven.	Fransoys de Brune, over hem Joos de Grave.
Jan de Vettere.
Wauter van Eetvelde.	Adriaen de Croock.
Pieter Braem.	Adriaen van den Eechaute.
Lievin de Voghele.	Reynier van Huffelghem.
Charles Utenhove.	Willem Stoop.
Fransoys Everwijn.	Gillis Savary.
Gillis Stalins, op den Cornaert.	Jan de Backere, f^s Gyselbrechts.
Joos Seys.	Pieter de Schuutere.
Jan Brouckaert.	Adriaen van Damme.

[p. 97]

Arendt Heylync.	Jan van Waersberghe.
Joos de Croock.	Lievin Utermeere.
	Lievin de Backere, f^s Bertelmeeus.
Heuverdeken.	Deken van de Weverie.
Jacob van Melle.	Lievin van der Boven.

Item, in dit jaer was binnen Ghent verboden niet meer om God te gane achter strate, noch voor de kercke.

Item, in dit jaer voerde men de lieden naer de ghaleye.

[In dit jaer was gheordonneert dat gheen aermen meer bidden en sauden noch achter straten, noch in de kercke, maer men vergaderde aelmoessen by lieden van eere daer toe gheordonneert, ende wart also bedeelt in de plaetse van den aermen huuse daer 't van doene was; men stelde scholen ende dede de kinderen leeren lesen ende scryven, de knechten een ambacht, de meyskins nayen, ende also bracht men se van de straten, uten tavernen ende truwanterie; ende dit begonst eerst den x^en van Sporcle, up den Assche Woonsdach. (Pr. Ar.^B.)

- In dit scependom wart, tsmaendachs Sacramentsdach een blendt man, gheboren van Laerne, up 't pellerijn ghestelt up de Vischmaert, ende zijn haer afgheberrent ende sekeren tijdt daer naer onthooft up de Veerleplaetse, ende datte omme tooverie ende waersegghynghen, daer omme hy tot ander stonden twee mael ghecorrigeert hadde gheweest. (Pr. Ar.^B.)

- Den xv^en July was by de wet van Ghendt voor 's Gravensteen onthooft Willem Mulaer, om dat hy hem hadde laten herdoopen. (K.M.)

- Den xix der selver maendt worden ter zelver plaetse

[p. 98]

onthooft Arendt de Jaghere ende Jan van Ghendtbrugghe, omme datse hemlieden hadden laten herdoopen. (Pr. Ar.^B.)

- De stede van Munstere was in dit jaer beleyt ende ghewonnen omme huere kettereye, ende hadden onder hemlieden eenen conynck ghemaect die van zynen ambachte was een permentier, ende hy seyde hem zelve te zyne Messias, ende hy wart van hemlieden die de stede wonnen gheset in een yseren muete ende also levende gheberrent, ende zyne medeghesellen worden met hoopen in een loge ghestelt ende also 't vier daer inne ghesteken ende so daer ghepuniert. (Pr. Ar.^B.)

- Den xxj^en July begheerde vrau Marie, zustere van Carolus keysere, douarierigghe van Ungarien, regente van dezen lande, eene begheerte van de Nederlanden, te wetene: hondert ende xx duusent guldenen alle maenden, omme 't onderhaut van den volcke van oorloghe ende 't legghen van garnesoene up de frontieren, ende indien zy meer van doene hadde de zelve begheerte te moghen meerderen, ende danof t' hebbene besegelde briefven, ende het wart gheheel ende al ontseyt. (Pr. Ar.^B.)

- Den xv^en September was de moedere van Lievin Moeraert vijftich jaer gheseyt te wonene met Lievin Moeraert hueren zone, ende uten huuze niet te gane, up den stake ende verberrent te zyne, omme dat zy te meer stonden haer beholpen hadde met waersegghene ende te meer stonden daer af ghepuniert gheweest. (Pr. Ar.^B.)

- Up den Meyavont saten Lievin ende Jan de Cleercq up 't pellerijn, ende Lievin was ghesluetelt ende daer naer waren zy ghebannen vijftich jaer uut Vlaenderen, omme dat zy met eenen valsschen briefve haelden uten cloostere van Assenede

[p. 99]

de huusvrauwe van Jacob Bauwens, welcke vrauwe daerghestelt was by de ordonnantie van scepenen ende de vrienden, omme haer oneerbaer leven. (Pr. Ar.^B.)

- Den xxix^en Lauwe dede eene vrauwe een ander panden, ende ter presentie van scepenen stack de vrauwe dier ghepant was de vrauwe die se dede panden een spille duer haer cake ende metter steke een tandt ute, ende 's noenens was zy daer omme ghebannen. (Pr. Ar.^B.)

- Den xxiij^en Juny was Lievine Brays ghestelt an eenen stake up eenen waghene ende ghevoert lanxst der strate van vierwescheede te vierwescheede ghegheesselt ende daer naer ghebannen vijftich jaer, omme dat zy haer moeder smeet ende achter den vloer sleepte. (Pr. Ar.^B.)

- Item, heer Pieter van der Cappele, presbiter ende costere t' Sente Jans, stack Hanskin, zynen broeder, doot up Sente Jacobs- ende Christoffels-dach. (Pr. Ar.^B.)

- Up den xiij dach was doot ghesmeten up de Mude de huusvrauwe van Lievin de Grave, backere; men heetse in de wandelinghe Snottemule. (Pr. Ar.^B.)

- Den xj^en in Maerte overleet Mer Franchois van der Gracht, hoochbailliu van Ghendt; men dede zyne uutvaert t' Sente Veerlen, den v^en Aprilis, zeer pompueselick ende quam doe hoochbailliu anne Mijnheere van Schardau. (Pr. Ar.^B.)

- In dit jaer vertrock de keyser van Granade naer Afrika met een groot legher, ende won het coninckrijck van Thunis ende verjoegh Barbarossa, lieutenant van den grooten Turck. (K.M.)

- 28 Meye overlect Mer Claeys Triest, ruddere, vorscepene, hy dede maken de capelle met den motalen kalommen, hy leyde den soldere, hy paveerde de sale ende

[p. 100]

hy maecte de veinsteren in 't scepenhuus. (Pr. Ar.^A.)]

Item, in dit jaer was de cappe ende 't cruce ghestelt op de clooster-turre t' Sente Pieters by Ghent, ende van ghelyken Sent Jans cappe van den turre te Ghent.