Memorieboek der stad Ghent van 't jaar 1301 tot 1793. Deel 2

1527.

Commissarissen.

Mijn heere Jaques van Luxembourg, heere van Fiennes ende grave van Gavere.

Mijn heere Philips van Cleven, heere van Ravestein, over mijn heere van Sente Bertins.

Maximiliaen van Hornes, heere van Gaesbeke.

Jaques van Lombyse, heere van Castre.

's Heeren kiesers.	Der stede kiesers.
Roeland de Baenst.	Meester Lievin Heynricxs.
Jacob Feron.	Christoffels van Hove.
Pauwels van den Velde.	Jan Rijckaert, deken van der weverien.
Denijs Vlamync, d'oude.
	Lievin de Voghele.
Schepenen van der Kuere.	Schepenen van Ghedeele.
Gyselbrecht de Gruutere.	Dominicus van Provijn.
Jan Claeys, op den Cautre.	Gillis Danins.
Pieter Braem.	Gillis Stalins.
Anthonis van der Vichte.	Meester Jacob van den Eechaute.
Jan de Brune.
Heynric van Testele.	Bertelmeeus de Backere.

[p. 70]

Jooris van Crombrugghe.	Willem de Cleerck.
Martin de Vettere.	Jan Borluut, f^s Geerolfs.
Lievin Hallync.	Denijs Terlynck.
Claeys de Voghele.	Lievin de Moor.
Adriaen de Wale.	Joos de Ruddere.
Jan Sutterman, 't Sente Pieters.	Wouter de Croock.
Jan de Block.	Karel van Melle.
	Anthonis van Huffele.
Heuverdeken.	Deken van de Weverie.
Pieter Teerlynck.	Jan Rijckaert.

Item, in dit jaer was de hauten brugghe op den Wydenaert ghebroken, ende daer was eene scoone steenen brugghe ghemaect.

Item, in dit jaer was Rome ghewonnen van den hertoghe van Borbon met 's keysers armeye, ende de paus was ghevanghen, ende in 't beclemmen van Rome was de hertoghe van Borbon op de muren doot gescooten, dat scade was voor den keysere.

[In dit jaer wiert de stadt van Roomen met het casteel van Enghelendael met de wapenen inghenomen door het legher van keyser Carel den V, ende wiert de paus ghevanghen met 16 of 17 cardinalen, die gheleyt wierden naer Gagietten, eene stercke stadt by Napels; in het assaut van de voornoemde stadt bleef doot de cloecken capiteyn duc de Bourbon, ende de stadt van Roomen wiert gheplundert. (K.M.)]

Item, in dit jaer overleet Philips van Cleve, heere van Ravestein, te Wynendaele by Toraut, ende was duer Ghent ghevoert naer Brussele, ende was begraven in de Jacopynenclooster by zijnder vrauwe, ende de extimatie van der uutvaert aengaende den aerme ende de rauwe-abyten die

[p. 71]

men gaf, ende met diesser in de uutfaert anclevende ende den testemente, bedrouch t'samen vijftich of vier en vijftich duusent gauden croonen.

[Den xxvij^en Lauwe overleet de heere van Ravesteyn, ende de raet quam ute die ghesloten was jeghens de regierders van den lande, daer omme dat werden ghebannen Joos de Grutere, Jan de Suttere ende Daneel de Deckere. (Pr. Ar.^B.)

- In dit jaer was de Haghe in Hollandt gherooft ende ghespoelgiert van den Gheldersschen. (Pr. Ar.^B.)

- Den iij^en in Meye was Thuenkin van Loo, f^s Jans als ballync ghehaelt te Steenhuuse by bevele van boven. - Lievin Deynoot, f^s Martins was den xxviij^en Meye ghebannen omme dat hy een man wilde slaen dien hadde doen ofte ghedaen panden. (Pr. Ar.^B.)

- Den xvij^en Juny was den eersten balck gheleyt in 't Scepenhuus. (Pr. Ar.^B.)

- Den xxiiij^en July was overgheleet een persoon van vullen faicte, ende verhynch hem zelven in 't Sausselet, ende wart ghehanghen in eenen spriet. (Pr. Ar.^B.)

- Den lesten July was Cornelis Bauwens, gautsmet, ghewesen te bidden up eenen knien de heeren ende scepenen vergheffenesse, ende boven dien xx Carolus guldene gheven, omme dat hy ghesustineert hadde in een gheselschip de leerynghe van Luther. (Pr. Ar.^B.)

- Den vij in Ougste begheerde vrau Magriete t' hebbene up 't landt van Vlaenderen xxvj duusent croonen voor haren aerbeyt, die zy ghedaen hadde den lande, tsichtent 't vertrecken van den keysere, de welcke haer gheconsenteert waren. (Pr. Ar.^B.)

[p. 72]

- Den vj^en September was blent Annekin van Laerne ghewesen te biddene de scepenen op zynen knie, vergheffenesse, ende moeste daer naer commen totter weduwe Impins op een schavaut, daer hy ghebonden stondt an eenen staeck met zijn delict an zynen boeseme, ende wart ghegheesselt totten bloede, ende daer naer gheleet in de vanghenesse. (Pr. Ar.^B.)

- Den vij September was hem ter zelver plaetse zijn haer afgheberrent ende met een gloyende ysere, cruuswijs, was hy ghesluetelt op zijn cake, ende daer naer ghebannen dry jaer in de stede te blyvene, en alle Donderdaghe een jaer lanck te gane tot Ste. Jans t' Sacramentsmesse, met eene wasse kersse, omme dat hy verclaerd hadde in de tortuure ende exame, dat hy diverssche persoonen gherooft hadde met waersegghene, ende hadde zyne ziele overghegheven den viandt, omme dat hy hem helpen saude waersegghen. (Pr. Ar.^B.)

- Den v^en October was Maurissus van der Vijnct ghegheesselt drie reysen, rontomme de siege in scepenecamere, omme dat hy gheseyt hadde dat Jan van Wijckhuus behoorde te sittene daer Jan Clays sat, ende dat hy gheseyt hadde dat Heindrick van Tessele ghecocht hadde twee seyen coorens, omme de dierte te makene, ende dat Jan de Suttere een putierkin was, ende en behoort daer niet te sittene. (Pr. Ar.^B.)

- Den xix^en December so baden Lievin Lein ende Gillis Lein, ghebroeders, scepenen ende den heere vergheffenesse elc met eender tortse van vier ponden in de handt, ende waren ghebannen vijftich jaer, omme dat zy de heeren ende dieners gheheeten hadden: verraders, bordeelbrocken, leckers ende bloetsupers. (Pr. Ar.^B.)

[p. 73]

- In dit jaer Carolus de V, roomsch keyser heeft ghenomen ten huwelijcke Isabelle, die suster was van den coninck van Portugael. (K.M.)

- Item, in dit jaer ghelach des keysers huysvrouwe in de stadt van Validolyt van eenen jonghen sone, die ghenaempt was Philippus. (K.M.)]