Memorieboek der stad Ghent van 't jaar 1301 tot 1793. Deel 2

[p. 67]

1526.

Commissarissen.

Mijn heere van Sente Bertins.

Mijn heere de grave van Gavere.

Mijn heere van Gaesbeke.

Mijn heere van Castre.

's Heeren kiesers.	Der stede kiesers.
Anthonis van der Vicht.	Gillis Danins.
Bussaert de Baenst.	Pieter Teerlynck.
Lievin van Testele.	Anthuenis Zoete.
Lievin van Beke.	Franchoeys de Brune.
Schepenen van der Kuere.	Schepenen van Ghedeele.
Mer Philips de Grutere, ruddere.	Lievin Donaes.
Jan de Stuvere.	Claude Goetghebuer.
Jan de Vettere.	Bauwin de Buck.
Meester Reynier de Donckere.	Jan Damman, f^s Jans.
Claeys Damman.	Gillis Stalins, op de Corenaert.
Daneel de Voghele.	Pieter de Vos, caescoopere.
Gillis de Baenst.	Andries van Quickelberghe.
Lievin Pien.	Jan de Zuttere.
Meester Jan de Steercke.	Rykaert van Melle.
Adriaen de Croock.	Pieter van Huuckelghem.
Reynier van Huffelghem.	Jan Wanghemet.
Martin de Coninck.	Jan van Ympe.
Lievin van der Boven.	Pieter van der Zwalmen, f^s Joos.
Heuverdeken.	Deken van de Weverie.
Pieter Teerlynck.	Jan van Wijchuus.

Item, in dit jaer was de Spittaelpoorte t' Sente Baefs vulmaect zeer costelic.

Item, in dit jaer was de turre van Sente Verhilden ghemaect tot der voeye, wesende een half princhelicke canesye.

Item, in dit jaer dede de prelaet van Bauweloo, heer Jan

[p. 68]

Deyse, zijn hof te Ghent maken van metserye, zyne cappelle ende huusinghen zeer costelic, omme zijn covent daer inne te loghirene als 't noot ware.

Item, in dit jaer waren de leeuwen ende vier bannieren op de vier pylaren van der Vischmaert verscildert ende vernieut met diversche wapenen.

[Den 24 February dede de keysere van Overschelde syne intree te Ghendt, naer dat hy geleghen hadde te Roeyghem, ende maecte, t' zijnder blyder incomste, van den proost van der Burchstrate eenen patriarch, ende van den deken van den Audeburch eenen cardinael, ende van den heere van der Langhermunte eenen coninc, ende den heere van den Lampaert ghaf hy de opperjagherie ende hy beghifte noch andere van zyne heeren, ende hy festeerde alle zyne edele, ende gaf hemlieden een bancket, an de Graupoorte, op 't Sluusekin, dat es 's keysers camere. (Pr. Ar.^A.)

- Den xxiiij Sporcle dede de keyser van den keyserijcke zyne intreye te Ghendt, ende maecte t' zijnder blyde incompste den heere van Langhermunte een conynck; hy feesteerde alle zyne edelen en gaf een bancket an de Graupoorte. (Pr. Ar.^B.)

- Den xv^en Martii was Augustijn Annaert f^s Augustijns ghegeesselt ter Mudepoorte ute, ende ghebannen drie jaren, omme dat hy ghestolen goet ghecocht hadde. (Pr. Ar.^B.)

- Den xiiij^en in April was ghebannen Jan van Dixmude omme dieswille dat hy uut een huuse spyse ghehaelt hadde by fortse, ende dat hy gheclopt hadde up de duere van eenen scepenen, ende riep hem uut zynen huuse ende seyde dat hy hem nagelen saude an zyne duer. (Pr. Ar.^B.)

Den ij^en van Meye was onthooft by mijn heeren van den

[p. 69]

rade, twee persoonen, omme dat zy hadden helpen dootslaen den hangmeestere van Ypere. Actum te Poperynghe. (Pr. Ar.^B.)

- Den j^en in Meye starf mer Anthonis de Luu, ruddere. (Pr. Ar.^B.)

- In dit jaer stack Bauwin de Raze doot zyne huusvrauwe, f^s Martins van den Bossche, t' Sente Pieters.

- Den xvij^en Novembris stack mijnheere van Laerne doot den dienare van Jan Brouckaert, an Sente Janskercke. (Pr. Ar.^B.)]