Memorieboek der stad Ghent van 't jaar 1301 tot 1793. Deel 2

1525.

Commissarissen.

Mijn heere de grave van Gavere.

Mijn heere de prelaet van Sente Bertins.

Mijn heere van Gaesbeke.

Mijn heere van Oigniez.

's Heeren kiesers.	Der stede kiesers.
Mer Willem de Wale, ruddere.	Jan de Stuvere.
Mer Rijckaert Utenhove, ruddere.	Claeys Damman.
	Willem van der Muelene.
Gyselbrecht de Grutere.	Jan de Brauwere.
Boudijn de Buck.

[p. 65]

Schepenen van der Kuere.	Schepenen van Ghedeele.
Roeland de Baenst.	Heynderic van der Cameren.
Lievin de Voghele.	Willem Snellaert.
Christoffels van Hove.	Jan de Brune.
Wauter van Eetvelde.	Lowijs Halaert.
Jan Rijckaert.	Jan de Peystere.
Denijs Vlamyne.	Gyselbrecht van den Eede.
Christoffels de Wintre.	Adriaen van den Eechaute.
Joos de Vechtere.	Jan Schautheete.
Meester Lievin Heyndricx.	Bauwin van Kerrebrouck.
Jooris de Keystere.	Jacob Deynoot.
Willem de Ruddere.	Pieter van den Hende.
Gillis Zagherman.	Willem de Smet.
Jan van Scaverbeke.	Christiaen de Cock.
Heuverdeken.	Deken van de Weverie.
Jan de Stuvere.	Jan van Wijchhuus.

Item, in dit jaer woonde de coninc Christiaen van Denemercke ende vrauwe Ysabeele, coninghinne, 's keysers sustere ende haerlieder kinderen, te Liere in Brabant, daer zy onderhauden waren met eenen graceliken state, omme dat hy verjaecht was uut zynen conincrijke.

Item, in 't voornoemde jaer, op Sente Nyclaeisdach, quam de coninc van Denemercken met zijnder coninghinne, eenen soone en twee dochteren, van mijns heeren van Sente Baefs goet te Loocristy, ghenaempt Roosselare, daer zy wat tijts gheleghen hadden, ende reden op de noene duer Ghent, met acht waghenen, zonder af te sittene, naer 't hof van mynen heere den prelaet van Sente Pieters, te Swijnaerde, ende daer ghecommen zijnde, de coninghinne waert sieck van grooten rauwe ende druc die zy in 't hert hadde, ende men mocht hemlieden te Ghent gheen eere doen, uut

[p. 66]

vreesen van den regeerders van den lande, zo dat vrauwe Ysabeele zo groot verdriet maecte dat zy daer staerf ende overleet den xix in Lauwe, te Swijnaerde, op mijns heeren prelaets casteel, ende was begraven t' Sente Pieters, in den cloostere in den choor, voor den hooghen autaer, met grooter costelichede, ten groote coste van mynen heere van Sente Pieters.

Item, in dit jaer was de paeys ghemaect tusschen den keysere ende den coninc Franchoeis van Vranckerijcke te Madryd.

[In dit jaer zo was de conynck ontsleghen van de vanghenesse ende de pays was uutgheroepen in de maent van Sporcle xv^cxxv. (Pr. Ar.^B.)]

Item, in dit jaer was te Ghent op de colatie-soldere gheheest eene groote settinghe tot twee reysen, ende was t' elcken by colatie ontseit van die van Ghent, ende en wilden niet gheven; maer het platte lant dede men gheven by fortsen, daer vele moeiten mede was in vele plaetsen by fortchege execusie, dwelc God bewaerde dat wel verghinc.

Item, in dit zelve jaer was te Ghent in de Cammestrate in een huus ghenaempt de Catte, daer woonde een troepier, ghenaempt Pieter Brunals, de welcke wiert ter doot brocht ende deerlic vermoort, in zijn huus voornoemt van Lievin Brunals, zynen natuerlicken zoone, dwelc een jammerlic feyt was den vadere te dodene van den zoone.

[Den xxx^en January was onthooft Anne Coetse. - Den xxiiij^en Martii was ghebannen Gillis Pien. (Pr. Ar.^B.)

- In dit jaer was t' Andtworpen ghesact ende in 't water gheworpen eenen presbiter, omme zyne predicatie. (Pr. Ar.^B.)]