Memorieboek der stad Ghent van 't jaar 1301 tot 1793. Deel 2

[p. 61]

1524.

Commissarissen.

Mijn heere de grave van Gavere.

Mijn heere van Gaesbeke.

Mer Claeys Utenhove, ruddere, president van Vlaenderen, ghesubroghiert in den name van mynen heere van Sente Bertins.

Mijn heere Jan, heere van Oigniez, in den name van mynen heere van Caestre.

's Heeren kiesers.	Der stede kiesers.
Mer Claeys Triest, ruddere.	Lievin Pien.
Dominicus Van Provijn.	Adriaen de Croock.
Denys Vlamync, d'aude.	Meester Willem Fransman.
Joos de Vechtere, up de Mude.	Jooris de Keystere.
Schepenen van der Kuere.	Schepenen van Ghedeele.
Mer Jan van Zaemslacht, ruddere.	Jan Alaert.
	Gillis Stalins.
Gillis Dhanins.	Heynric van Tessele.
Jan Claeys.	Lievin Borluut.
Lievin Haesbijt.	Willem de Cleerck.
Wulfaert Snibbele.	Lievin van Loo, Carelszone.
Anthonis Zoete.	Jan de Baenst.
Adriaen Triest.	Willem Cockuut.
Pauwels van den Velde.	Jacob Hoyr.
Martin de Vettere.	Lauwereyns Macharis.
Jooris van Overwale.	Jacob de Moor.
Claeys de Voghele.	Boudijn de Rijcke.
Bertelmeeus de Backere.	Jacob Damman, sceepmakere.
Passchier de Wiest.
Heuverdeken.	Deken van de Weverie.
Jan de Stuvere.	Jan de Voghele, afgaende te Beloken Paesschen, ende quam anne Jan van Wijchuuse.

[p. 62]

Item, in dit jaer was by scepenen van Ghent, met den hoochbailliu ghehaelt t' Sente Pieters, uut den Vossestert, eenen Gillis Mesman die t' sijnder poorte sijn wilde, ende midts dat hy ballinc van Sente Pieters was, en wilde mijn heere van Sente Pieters niet obedieren den bescryvene van die van Ghent; om welc uuthaele rees groot proces tusschen der stede ende den voornoemden heere van Sente Pieters, daer naer vele jaren; de stede succomberde jeghens den voornoemden heere van Sente Pieters.

Item, in dit jaer was de Spittaelpoorte t' Sente Baefs afgebroken ende een andere beghonnen maken.

Item, in dit jaer was afghebroken 't autste huus van Ghent, dwelc was de schoole up Sente Baefskerkhof, daer de wech duer ghinc naer 's Helich Kerstkerke.

Item, in dit jaer was joncker Martin Vyleyn, gheseyt van Lykercke, poortere van Ghent, van den husiers ghevanghen ende gheleyt in 's Gravensteen by mynen heeren van den raede; maer Franchoeis van der Gracht, ruddere ende hoochbailliu van Ghent, heere van Leeverghem ende voorschepene van der Kuere haelden hueren poortere uuter vanghenesse ende uut den casteele daer hem de heeren van den raede hadden ghedaen legghen.

Item, in dit jaer, op Sente Mathijsnacht, was ghevanghen de coninc Franchoeis van Vranckerijcke, daer hy bedolven lach in zijn paerc voor de stede van Pavyen, die hy beleit hadde; daer inne lach uter name van den keysere Kaerle van Oostenrijk, grave van Vlaenderen, de hertoghe van Borbon met 's keysers armeye, die den coninc upsloughen met grooter vromicheit ende behendicheit, zoo dat de coninc van Vranckerijcke ghevanghen ghelevert was in den handen

[p. 63]

van den hertoghe van Borbon, de welcke den coninc sant als ghevanghen man by den keysere in Spaengien; daer menich edelman in 't velt doot bleef ende ghevanghen, zoo hier naer volcht:

Eerst de coninc van Vranckerijcke, de coninc van Navarre, mijn heere van Simpol, Franchoeys, heere van Saluus, mijn heere van Nevers, de prinche van Taellemont, de hertoghe van Alenson.

Item, noch in de vlucht versleghen ende verdroncken de heeren Franchoeis van Loreynen, mijn heere de admirael, heere van Lateremoelgie, mijn heere de marissael Jan Cambanes, heere van Palyce, mijn heere Buchy d'Amboeyse, mijn heere Chamont van Amboeyse, de groote sciltenecht van Vranckrijke, van der Poelle die heet hertoghe van Suffort, witte roose, met veele andere edelen doet bleven ende ghevanghen, die te lanc waren om scryven; ende op de zyde van den hertoghe van Borbon en bleven maer hondert en vijftich mannen doot ende niemant van eenighen name; ende dese slach ghebuerde op den zelven dag dat de keysere gheboren was.

[Item, in dit jaer, den xv Mey schoot de heere van Finis af den papegay, de derde reyse, ende was keyser van St. Jooris. (K.M.)]

Item, den ij in Wedemaent, was ghebannen mijn heere van Resseghem, van scepenen van Ghent, omme dat hy eenen priestere ghevanghen hadde ende op hem vele foortsche gedaen te Wachbeke, ende den priestere wech ghevoert; de heeren van den raede leyden mijns heeren ghoet 's princhen tafele, ende was ooc by den heere van den raede ghebannen, dwelck noeynt ghesien en was op eenen poortere, maer het verghinck wel.

[p. 64]

[Den xiiij Ougste was ghebannen Jacob van Hooghenbosch, alias de Wandele, vijftich jaer, ende Pieter Cockhuut mueleneere met hem, omme dat zy den pacht van den crabbeleere niet en consten versekeren voor ix^c ende vijftich ponden grooten, ende en golt niet meer daer naer dan acht hondert ende xlij gr. (Pr. Ar.^B.)

- Op den xix September was Luuck van Loo ghecondempneert te sittene op 't pellerijn, ende zijn tonghe duersteken, ende gaen met eene tortse ende ghebannen vijftich jaer uter stede, beter uut dan daer inne, 't welck so hy zeyde niet vulcommen en saude, waeromme hy wech gheleet was in 't Sausselet, ende als de vrienden dat gheware wierden, ghynghen by hem, ende hadden vreese dat hy by justicie ghestorven saude hebben, ende brochten de voornoemde Luuck ter kennesse, ende doe bat hy der justicie vergheffenesse, ende bat dat hy saude moghen vulcommen haerlieder vonnesse tsvoornoens, 't welcke gheconsenteert was, ende vulquaem tsachternoens ten vier uren. (Pr. Ar.^B.)]