Memorieboek der stad Ghent van 't jaar 1301 tot 1793. Deel 2

1511.

Commissarissen.

Mijn heere van Fiennes.

M^e Joncheere van Boulare, in de stede van den prelaet van Ste. Bertins.

Meester Thieri de Beaufremez, ghesubrogiert in de stede van Mer Robert de Melun.

Lievin van Pottelsberghe, ontfanghere van Vlaenderen, ghesubrogiert in de plaetse van Roeland Lefevre, ontfanghere ende tresorier generael ons gheduchten heeren.

's Heeren kiesers.	Der stede kiesers.
Mer Anthonis de Lu, ruddere.	Jacob Hueribloc.
Charles van Wedergrate, heere van Landeghem.	Heynric van Testele.
	Jacob de Vettere.
Wouter van Eetvelde.	Meester Jan de Sterke.
Lievin Donaes.

[p. 23]

Schepenen van der Kuere.	Schepenen van Ghedeele.
Joos Bette, over hem Claeys van den Moure.	Mer Sanders van Vaernewijc.
	Christoffels van Hove.
Heynric de Lieve.	Jan van Wijchuus.
Philips Symoens.	Meester Symoen van der Haghe, f^s M^e Geert.
Jan Sersanders, f^s M^e Jans.
Fransoeys de Brune.	Pieter Letteljans.
Lievin van Loo.	Jan van der Asselt, drapier.
Jan van Zaemslacht.	Jan van Cauwenhove.
Rogier de Vettere.	Willem van der Eeken.
Vincent van Bommale.	Jan van den Broucke.
Boudijn Goethals.	Wulfaert Snibbele.
Jacob Straetman.	Christiaen de Coc.
Heynric van den Sompelc.	Boudijn van Carrebrouc.
Lievin Hallijn.	Jan Curthals.
Heuverdeken.	Deken van de Weverie.
Amant Claeys.	Gillis Stalins.

Item, in dit jaer was de stede van Venlo in Ghelderlant beleyt, den xij^en in Ougste, van hertoghe Karels weghe, ende laghen daer vooren tot den xiij Novembris, ende vrauwe Margriete lach t' Sertoghenbossche, ende daer bleef vooren min heere van Bossuut uut Henegauwe die wel ghedroncken was, op den xj in Septembre.

Item, den tweesten in Wedemaent begherde vrauwe Margriete te Ghent eene groote somme van penningen; maer 't was huer by colatien ontseyt, daer zy niet wel in te vrede en was, ende reysde gram uut Ghent.

Item, den xvij in Wedemaent was dezelve begherte weder begheert by colatien ende was weder ontseyt.

[Den xxiiij Maerte waren begheert by vrau Magriete twee

[p. 24]

duusent croonen, omme den hertoghe van Gheldere te bedwynghene, ende bovendien noch twee duusent guldenen, omme mede te dijckene, ende het was al ontseyt. (Pr. Ar.^B.)]

Item, in dit jaer luden de clocken eertwarf op Sente Jans grooten nieuwen turre.

[Den xviij^en January luudde eerstmael de groote clocke up Sente Jans turre, waeromme deselve regierders van Ste. Janskeercke hilden eene bede, ende daer quam veel ghelts inne. (Pr. Ar.^B.)

- Op den xviij^en April, up den Goeden Vrindach, so preecte broeder Pieter de Breka, prioor van Onzen Vrauwenbroeders, in zijn couvent, ende als hy was in de passie totten vanghene van Onzen Heeren, so wart hy selve subitelick van Onzen Heere ghevanghen, ende men drouch hem uten stoel, ende starf ten iij ueren naer noene. Deze prioor was in de gratie van veel persoonen van eeren, ende hy hadde pastuer gheweest eer hy ter ordene quam. (Pr. Ar.^B.)]

Item, in dit jaer was by den keysere Maximilianus der stede van Ghent, in den name van den prinche, conforme ende verclaerste van den previlegien, eerst dat de poorters van Ghent van doe voorts vry ende onghemoeyt blyven van 's graven proprere ende ooc niet verbueren en moghen dan haerlieden lijf oft lx , ten ware dat vredebrake ware ende den rechte van den Amman anclevende, volghende den latoene in 't scepenhuus van der Kuere, ende oock een nieu verclaers van den besten hoofden hanghende.

[Item, in dit schependom ontrent Paesschen begoest de steerfte in 't Beghijnhof t' Sente Lisebetten. (K.M.)

- Item, in dit jaer den xiiij Decembris was 't soo groot tempeest van winde, uyt den westen, noortwesten, dat

[p. 25]

het water seer hooch vloeyde, ende dat de Vierambachten in Vlaenderen overvloeyden, als oock in Zeelant, in 't Ste. Annelandt. (K.M.)

- Item, in dit jaer ende schependom xv^cxj vroos het soo sterck, wel xiiij weken lanck, dat men t' Antwerpen over de Schelde met wagen ende peerden reedt van xiiij Novembris tot den xviij February, ende de wagens met goet gheladen reeden van Antwerpen tot ter Goes, in Suyt-Beverlant over 't ijs, ende oock in alle de eylanden van Zeelant. (K.M.)]