Item, daernaer wardt weder ontgraven, midts den vonnesse van den heeren van den rade, den xen in Maerte, op eenen Maendach naer de noene, ten een ueren, ende de helighe Jacopynen quamen omme 't doode lichaem, metter processie ende drouchghen also in haerlieder cloostere, ghemerct dat hy hemlieden haer versouck anne ghewijst was.
Item, in dit voornoemd jaer, den xxiij in Sporkele, op eenen Vrydach 's avonts, dede te Ghent zyne incomste de keyser Maximilianus, die in dese landen niet gheweest en hadde sichtent zynen vertreckene, doe vrauwe Marye deser werelt overleden was, ende met hem quam de jonghe prinche, grave Kaerle, Philips zoone, beede in 't harnasch, ende hadden elc op 't hoost eenen witten hoet; ende met den keysere quam de palsgrave van den Rijn, die langen tijd jeghens den keysere gheoorlocht hadde, ende vrauwe Margriete, 's keysers dochtere, ende daer quamen mede tien duusent voetknechten, elc met eender spyse vijf... dicke, ende waren alle ghecleet met roode rockxkins, ende daerop gheborduert eenen palstere op den boeseme, ende op den rugghe, ende daernaer volchden twee duusent peerden, ghewapent. Daer waren daer inne die ghecleet waren met half roode ende half blauwe kerls, ghenaemt Straedthoten, met lichte peerden scinende of zy daer mede vlooghen.
Item, tSondaeghs dede de keyser eet als voocht ende momboer naer de costume, ende tsachternoens was op de Vrydachmaert eenen tornoey beroepen, xx Duutschen jeghens xx Vlaminghen, dat zeer lustich om zien was, daer Bauwin Borluut een van den Vlaminghen groote eere behaelde.
Item, de keysere, de palsgrave van den Ryne ende de hertoghe van Sassen waren selve in persone in de baene,
Auteursrechtvrij