Memorieboek der stad Ghent van 't jaar 1301 tot 1793. Deel 2

1512.

Commissarissen.

Mijn heere van Fiennes.

Mijn heere de tresorier generael Lefevre.

Mer Jacob, heere van Caestre.

Meester Thiery de Beaufremez, ghesubrogiert in de stede van minen heere den prelaet van Sente Bertins.

's Heeren kiesers.	Der stede kiesers.
Mer Willem de Wale, riddere.	Pieter Braem, hudevettere.
Meester Philips van den Kethulle.	Bertelmeeus van den Wynckele.
	Gillis Stalins, up den Steendam.
Jan Claeys, up den Cautere.	Dieric de Lieve.
Arend Stuerme.
Schepenen van der Kuere.	Schepenen van Ghedeele.
Mer Anthuenis de Lu, riddere.	Mer Rijcaert Utenhove, riddere.
Amand Claeys.	Jan de Brune.
Jacob de Vettere.	Denys Vlamync.
Lievin Donaes.	Joris Sersanders.
Lievin Dhooghe.	Pieter de Drossate.
Willem de Cleerc.	Lievin Toebast.
Jan van Steeland.	Joos de Gheendt.

[p. 26]

Jan Willems.	Pieter van den Haute.
Andries de Muenc.	Jan de Grave.
Jan van der Eecken.	Danneel de Voghele.
Jan de Bake.	Jan van Loo, f^s Franchoys.
Heynric van Testele.	Pieter Dullaert.
Joris de Keystere.	Lievin van den Vivere.
Heuverdeken.	Deken van de Weverie.
Pieter Braem.	Gillis Stalins.

[In dit jaer ontrent Martinsmesse zo sandt de keyser Maximiliaen neder als capiteyn generael van hem ende ten beschudde van alle de landen van hertoch Caerle, zynen neve, den hertoghe van Bruunswijc ende zynen broeder, dewelcke nederslougen in Ghelderlant, daer zy veel quaets deden van brandene, ende en spaerden niemant cleen noch groot, ende de hertoghe van Gheldere en quam niet ute noch te velde. (Pr. Ar.^B.)]

Item, in dit jaer, op den xj in April, Paesdach, was ghesleghen eenen grooten slach voor Ravennen, in Italien, tusschen den paus, de Venetianen ende den coninc van Arragon, over een zyde, ende den coninc van Vranckrijcke, over d'ander zyde; men zeyde datter wel bleven, over beede de zyden, xxx of xxxij dusent volcx, maer meest Franchoeysen.

Item, in dit jaer waren t' Sente Michiels, te Ghent, eerst de clocken gehangen, up den cleenen turre, al nieuwe ghegoten, ende waren een goet acoort, ende was gedaen ende ghemaect by der hulpe van mer Lievin van Pottelsberghe, tresorier van der keyserlicker majesteyt ende heere van Vinderhaute, Merrendre ende Wissenkercke ten Broucke.

[In dit jaer, 's Vrindaechs voor Kersavont, quam binnen

[p. 27]

Ghendt eenen hert geloopen, ende spronck an den Wyenaert in 't watere, ende was ghevanghen an de hautenbrugghe t' Sente Baefs. (Pr. Ar.^B.)

- Op den Versworen Maendach, naer Paesschen, so vant men buter Waelpoorte vermoort t'henden der cautsye her Willem Snellaert, f^s Willems. (Pr. Ar.^B.)

- Den xxvi^en January was Daneel van den Hende gecondempneert gegeesselt te zyne tot up 't Pellerijn, ende daer up sitten een uere, ende daernaer wederom geleet up 't Sausselet, ende 's anderdaechs wart hy noch eens gegeesselt tot an 't Pellerijn, ende daer wart hem aengedaen een scroode voor 't hooft, ende also gegeesselt ter Mudepoorte ute ende ghebannen vijftich jaer, omme dat hy voor huwelick ende naer huwelick bekent hadde zyne zustere ende had er kinderen by. (Pr. Ar.^B.)

- Den xxiij^en September was gecondempneert Franchois van Loo, vleeschauwere, gestelt te zyne an eenen stake, up eenen waghene, met eene scroode voor zijn hooft ende also gegecsselt van vierwescheede te vierwescheede, ende also ter Mudenpoorten uten, ende vijftich jaer gebannen, omme dat hy een man doot gesteken hadde, selden gesien. (Pr. Ar.^B.)]

Item, in dit jaer, op den Nieudach, berrende wel half Poperinghe af ende Vuerne van inviere, zonder yemant daer af te wetene.

Item, in dit jaer namen de Switsen inne dlant van Milanen ende de stede, den xxix Wedemaent.

Item, de voornoemde Switsen hebben doen presenteren den keyser Maximilianus de stede ende dlant van Milanen, omme hem daer inne te stellene eenen hertoghe, die 't hem beliefde.

[p. 28]

Item, in dit jaer verbarnde den meesten deel van der stede van Herenthals, in Brabant, van inviere.