Memorieboek der stad Ghent van 't jaar 1301 tot 1793. Deel 1

1498.

's Heeren kiesers.^1	Der stede kiesers.
Jan van der Venne.	Jacob Hueribloc.
Gyselbrecht Dullaert.	Gillis van Waesberghe.
Jan Sersanders.	Jan van den Denne.
Pieter Damblain.	Boudijn de Voghele.
Schepenen van der Kuere.	Schepenen van Ghedeele.
Joncheere Louis van Massemine.	Mer Jan de Grutere, heere van Exaerde.
Jan Hueribloc.	Joos Steel.
Meester Pieter de Rijcke.	Jan van Buerwaen.

1 Volgens andere handschriften waren in dit jaer 's Heeren kiesers: Daneel Goetghebuer, Mer Gautier Alaert, Jan Sersanders, Mer Roelant Zoete. Der stede kiesers: Joos de Vechtere, Joos van Saemslacht, Jan Dhane, Jan de Peystere. (Pr. Ar.^B. en K.M.)

[p. 374]

Arend van Grijspeere.	Jan van der Eecken, scipman, over hem Jan de Ploughere.
Luuc Minne.
Michiel van Overloop.	Jan van der Eecken, drapier.
Christoffels Vijt.	Jan van Ackere.^1
Jacob Everaert.	Meester Symoen van der Haghen.^2
Jan de Brune, an de Nieubrugghe.
	Jan van der Asselt, in de Scelstrate.
Lievin Baers, f^s Gillis.
Willem de Clerc, f^s Gillis.	Fransoys Heindricx.
Jan van den Burne.	Jan de Lieve.
Gillis Coppins, f^s Pieters.	Joos van der Saren.
	Thomaes de Vos.^3
	Joos van der Zaffelt.
Heuverdeken.	Deken van de Weverie.
Philips Symoens.	Jan van Wijchuus.

Item, in dit jaer was de incomste van alle de steden die ten scietspele quamen van den voetbooghe, te wetene den xx^en en xxj^en van Meye.

Item, voor 't Stadhuus stonden de prysen, alle scoone zelveren cannen, danof den upperpris was zes zelveren cannen, ende also voort.

Item, up de plaetse van Sente Joorishuus tot den Beelfroote waren ghestelt up elc ende een doelhuus met eender scoonder alleye ghedect met scaelgien, ende also scoene ghescildert, ende die van Berghen Sente Winnocx wonnen den upperprijs, Berghen in Heneghauwe den naerprijs.

Item, in dit jaer, den xv Novembris, was gheboren, in de stede van Bruusele, de eerste dochter van den grave Philips

1 Jan van den Ackere, crudenier. S.B.

2 F^s Mer Geerolfs.

3 In den Eenhoorn. S.B.

[p. 375]

ende vrauwe Joanne, ende was ghenaempt Leonora, up Sente Andriesavont.

Item, in dit jaer dede manscip hertoghe Philips den coninc van Vranckerijcke, ter causen van den lande van Vlaenderen, ende uut dien zoo gaf hem de coninc van Vranckerijcke weder Arien ende Hesdin, met al huerlieder toebehoorten, volghens den apoeintement by den coninc ende zynen rade afghedaen ter eender zyde, ende grave Philips ter ander zyde.

[In dit jaer wart binnen de stede van Bruusele gheboren Eleonora, dochter van den hertoghe Philips, by Joanna des conyncx dochtere van Spaengnen. In 't zelve jaer ontfinck hertoghe Philips van den conynck van Vranckerijcke de stede van Bethunen, met haerlieder toebehoorten, ende hertoghe Philips dede den conynck manschap van dat hy van de croone haudende was. (Pr. Ar.^B.)]