Memorieboek der stad Ghent van 't jaar 1301 tot 1793. Deel 1

1499.

's Heeren kiesers.^1	Der stede kiesers.
Philips Symoens, overdeken.	Olivier de Clerc.
Jan Alaerts.	Jacob Lammius.
Jan Utenhove, f^s Jans.	Lievin Utermeere.
Boudijn Roffins.	Daneel van den Hane.
Schepenen van der Kuere.	Schepenen van Ghedeele.
Joos Triest.	Joos Bette.
Daneel Goetghebuer.	Jeronimus Mannins.

1 Volgens andere handschriften waren in dit jaer: 's Heeren kiesers: Christoffels Pauwels, Roelant de Baenst, Jan Heindricx, Lievin van Huffelghem; der stede kiesers: Joos Pauwels, Antonis Deynoot, Jan van Loo, f^s Adriaens, Pieter Braem. (Pr. Ar.^B. K.M.)

[p. 376]

Jan van der Venne.	Boudijn van der Donct.
Meester Gaultier Alaerts.	Symoen Clocman, f^s Symoens.
Jacob Fransman.	Lievin van Loo, f^s Adriaens.
Claeys de Vriese.	Jooris Sloe.
Jan Sersanders.^1	Philips Buridaen.
Meester Roeland Zoete.	Godewale van der Haghen.
Jan de Troyere.	Andries de Muenc.
Heindric de Lieve.	Pauwels Dullaert.
Gyselbrecht van der Poorte.^2	Fransoeys de Brune.
Pauwels van der Asselt.	Pieter van Wettere.
Lievin Dhooghe, f^s Lievens.	Pieter Braem, f^s Lievens.
Heuverdeken.	Deken van de Weverie.
Philips Symoens.	Jan van Wijchuus.

Item, in dit jaer ende scependom, up Sente Matijsavont up den Scricnacht, was ghebooren te Ghent, in den Wal, Kaerle, eersthertoghe van Oostenrijcke, grave van Vlaenderen, daer 's morghens grote blyscepe omme bedreven was, ende djaer van gratien was inne ghegaen te Kersavont te vooren, naer de maniere van Roome, ende was kersten ghedaen den vij^en van Maerte, in Sente Janskercke te Ghent, ende daer was eene zeere costelicke alleye ghemaect van in 't Hof van den Prinche tot an de voornoemde Sente Janskercke, daer groote tryomphe up bedreven was van vierne ende diversche fygueren ghetoocht, ende die van Ghent sconcken den jonghen prinche een selveren scip, dat zes mannen draghen moesten in de kercke, zeer costelick.

[Den xxiij dach van Sporcle, up Ste. Mathijsavont, zo wart te Ghendt in 't Hof te Walle geboren d'eerste zone van

1 F^s Daneels. S.B.

2 Guilebert de la Porte. S.B.

[p. 377]

den hertoghe Philips by Joanna, des conynx dochter van Spaengnen. De peters waren: de prinche van Simay ende Mer Philips van Cleve, heere van Ravesteyn; ende zyne metere was vrau Magriete van Oostenrijcke zyne moye, ende wart ghenaemt Carolus, ende men vierde zeer rijckelick, ende daer was eene alleye ghemaect van coorden ende men vierde van uter cappe an de voye van den Belfroote totter voye van an Ste. Niclausturre te Ghendt t'zyner gheboorten, ende wart kersten ghedaen den vii^en dach van Maert, ende wart doe een hauten alleye ghemaect vijf voeten hooghe van der eerden van in 't Hof te Walle tot in Sente Janskercke voor den hooghen choor, over welcke alleye de gheheelen stoet ghynck zeer tryumphantelijck. (Pr. Ar.^B.)

- In dit Scependom was gheboren te Ghendt de hertogh Carel, die de hertoch Philips hadde by vrouwe Joanne van Spaignen, den xxiiii Sporkele, 's morghens ontrent den dry uren, ende was kersten ghedaen te Ghent in St. Janskercke, den vii dach in Maerte daer naer seer tryomphelijck, zoo dat diesghelijcke noynt ghesien en was te geender stede; daer ginghen mede bisschoppen, abten, prelaten, ende alle de heeren geestelijcke ende weerelijcke, ende daer was een alleye ghemaeckt van 't Princenhof beginnende tot in Sent Janskercke, aldaer men 't selve kint met allen den staten van den landen over droegh, welcke staten ende heeren met den kinde gaende ter kercke waert, wierpen met hantvullen ghelt in 't volck, gaut ende selver, roepende: Vive Bourgoigne! Ende 't selve kint was ghedreghen van den douagiere, weduwe van den hertogh Karel, ende de zelve galderye was vijf voeten hooch van der aerden, ende met lenen over beyde de syden, ende doen quam vrauwe

[p. 378]

Margriete, weduwe van den sone van Spaingnen, wederomme te Ghendt, was meter ende de dowagiere, ende de heere prince van Simay was peter. (K.M.)]

Item, up den v Maerte quam vrauwe Magriete uut Spaengnen, grave Philips sustere.

Item, in dit jaer xxv Decembris, was't ghaut ende 't selvere ghestelt up zijn ghewichte ende werdde.

[In dit jaer, den xii^en dach van Ougste zo heeft Pyasetus (Bajazet) de x^e turxsche keysere ghewonnen Morea ende Modon. (Pr. Ar.^B.)]