Memorieboek der stad Ghent van 't jaar 1301 tot 1793. Deel 1

1492.

Schepenen van der Kuere.	Schepenen van Ghedeele.
Mer Adriaen van Ravenscoot, ruddere.	Joncheer Louis van Massemen.
	Geeraerd Bosch.
Lodewijc van Maerke, over hem Meester Gheerolf van der Haghe, over hem Geeraerd van Anghereel.	Willem van der Zype.^2
	Claeys de Ghier.
	Symoen de Voghele.
	Philips Damman.
Joos van Zaemslacht.	Meester Laureyns van den Berghe.
Jan van Bruwaen.^1

2 Willem van Denterghem. S.B.

1 Jan van Burwaen. S.B.

[p. 362]

Daneel Goetghebuer.	Claeys van den Moure.
Pieter van Tombeele.	Laureyns Pot.
Fransoeys van den Velde.	Lievin van Melle.
Christoffels Vijt, f^s Adriaens.	Pauwels Deynoot.
Joos van Melle.	Jacob Dubuisson.
Luuc Minne.	Jan de Buecle.
Zegher de Vriese.
Daneel van den Hane.
Jan van der Venne, smet.
Heuverdeken.	Deken van de Weverie.
Willem van Ste. Jacobshuus.	Joos Steel.

Item, in dit jaer van xcij was ghemaect, den xxix van Hoeymaent, jeghens den hertoghe van Sassen, lantgrave in Dueringhe, maercgrave te Meyssen, enz., die de stede van der Sluus beleyt hadde als stadhaudere van den coninc van der Romeynen, den paeys ende ghesloten te Cassant, ende up den xij in Ougste was hy te Ghent uutghelesen.

Item, dese scepenen waren vermaect ende quamen anne up Sente Lauwereisavont, v ofte vj daghen voor Half Ougst, ende worden ghestelt zonder oordene van weghen mynen gheduchten heere, midts den paeys van Cassant ofte van der Sluus, ende waren overbrocht ontrent den drye ueren naer noene van den zelven daghe by mynen heere den commissaris meester Pauwels de Baenst, president van Vlaenderen, min heere de Doctuer, proost van Utrecht, min heere van de Foreeste ende Roberecht de Moluyn, capitein van Audenaerde, metgaders meester Joos van Ghistele, advocaet, ende ghaven 's avens de wet uute also men plecht zonder kiesers te makene, naer 't uutwysen van den paeys van Cassant.

Item, in dit jaer was ooc de paeys ghemaect van Mer

[p. 363]

Philips van Ravestein, den x van Octobre, ende den keyser Macximilianus omme te betoghene dat elc weten mach dat Minheere Philips van Cleven, heere van Ravestein, es zo naer belanc den coninc van den Romeynen, hertoghe Macximilianus; want van der zyde van zijnder vrouwe moedere bestaet hy naerdere den coninc dan eenich heere uten lande; want de keyserinne moedere ende de moedere van Ravestein waren kinderen van broedere ende sustere van coninc Jan van Portugale van diere zyde, ende van den huuse van Lanchastere die van den zelven troncke zijn, daer af es ghedessendert de aertshertoghe van zijnder grootmoedere van der zelver zyde uut desen huuse van Daraengie, Cecilien, Napels, Piaymont, van Castilien, van Calabren; ende Adolf van Cleve ende vrouwe Marie waren andersweers, commende uut der croone van Vranckerijcke, ende Philips van Cleve was gheboren te Keynoet.

[Item, in dit jaer, up Sente Laureynsavont, quam Mer Joos van Ghistele, hoochbailleu anne, ende vier nieuwe dienaers met hem. (Pr. Ar.^B.)

- Item, in dit jaer was ghemaeckt de peys voor der Sluys in Cassant, daer de grave van Sassen 't casteel van der Sluys als stadhouder van den coninck van de Romeynen, ende synen sone hertoch Philips in was ghesloten; den selven peys den xxix^en Ougst xcij (K.M.)

- Den xxix^en Ougste was hier te Ghendt uutgheroupen dat de lieden van Ghendt sauden doen totten ghetale van hondert vijftich den voetval den hertoghe van Sassen, in den name van hertoghe Philips. (Pr. Ar.^B.)

- Item, in dit jaer deden die van Ghendt te Hulst den grave van Sassen, als stadthauwer generael, de ommagic met

[p. 364]

alle de dekens van den liij neeringhen, ter causen van den inhauden van den selven peyse, ende waren in ghetalle van persoonen van de dry leden van der stede hondert en vijftich notable. (K.M.)