Memorieboek der stad Ghent van 't jaar 1301 tot 1793. Deel 1

1493.

's Heeren kiesers.	Der stede kiesers.
Joos Triest.	Willem van Ste. Jacobshuus.
Gillis van den Eechaute.	Jan Hueribloc.
Jan van den Moure.	Lievin Uutermeere.
Philips Brakelman.	Claeys van der Boven.
Schepenen van der Kuere.	Schepenen van Ghedeele.
Jan van den Kethulle.	Mer Jan de Grutere, heere van Exaerde.
Joos Steel.
Gillis van Zonnemare.	Lievin de Vos, tapitwevere.^2
Joos van Dixmude.	Gillis de Bels.
Joris Sloc.	Meester Daneel van den Bossche.^3
Claeys de Vriese.	Jan van der Eecken, scipman.
Joos Bette.	Jan de Schermere.
Jan van der Eecke.^1	Geerolf van Coudenhove.
Heynric de Lieve.	Lievin de Cuervere.
Pieter Aelgoet.	Jooris van Kercvoerde.
Lievin Dherde.	Philips Nevelinc.
Vincent Mayaert.	Pieter Martins.
Jan de Smet, f^s Boudijns, over hem Lievin Brughersone.	Gillis van der Stoet.
	Christoffels de Wale.
Heuverdeken.	Deken van de Weverie.
Willem van Ste. Jacobshuus.	Boudijn van der Donct.

2 Lievin de Vos, leghwerkere. S.B.

3 Daneel van Brakele. S.B.

1 Jan van der Eecke, drapier. S.B.

[p. 365]

Item, in dit jaer was Mer Joos van Ghistele, rudder, hoochbailliu van Ghent by letteren van non-prejudicien, om dies wille dat hy poortere van Ghent was.

Item, in dit jaer was vrauwe Margriete wederghesonden uut Vranckerijcke, de sustere van grave Philips onsen prinche, ende was brocht ende gheconvoeyhiert by den heere van Coordes, marscalc van Vranckerijcke met vele edele mannen ende scoonen state ende met vele scadts ende schoone juweelen, ende was also brocht ende ghelevert tot Valenchiene, ende van daer trocken de Franchoeysen weder omme, ende quam also daer evengauwe naer Brabant tot ontrent Mechelen, daer haer de hertoghe Philips mindelic ontfinc.

Item, in dit jaer was 't zoeten wintere dat de beesten niet vele ofte niet up 't stal en stonden.

[Item, in dit jaer, 's woensdachs in de quatertemperweke, in de Sincxendaghen, den xxx Meye, soo was te Ghendt uytghelesen de peys van Vranckrijck tusschen den coninck ende hertogh Philips van Bourgondien, den grave van Vlaenderen ende syne landen. (K.M.)

- Item, in 't selve jaer, den xix Ougst, soo overleet deser weerelt Frederijck, keyser van Roomen, vader van den coninck van de Romeynen Maximiliaen, ende overleet binnen der stede van Lens, ende wert begraven in de hoochstat van Oostenrijck, Weenen. (K.M.)

- Item, den iij November was te Ghendt het ghelt ghestelt: den Andries iiij sc. viiij grooten, den dobbelen iiij grooten. (K.M.)

- Item, in dit jaer begonst te reigneren de felle pocken, die men noemde de pocken van Napels. (K.M.)

- Den 8^sten van January wiert het coninchrijck van

[p. 366]

Grenaden ghewonnen door den coninck Don Ferdinand ende de coninginne syne vrouwe. (K.M.)

- Op den Sacramentsavont quam de hertoghe van Sassen binnen Ghendt, ende ghynck metten helegen Sacramente van Ste. Jans te voeten, ende met hem was zynen zoone Heindrick. (Pr. Ar.^B.)]