Memorieboek der stad Ghent van 't jaar 1301 tot 1793. Deel 1

1480.

Commissarissen.

Mijnheere van Gaesbeke.

Mijnheere de prelaet van den Dunen.

Dieric van der Gracht, Mer Wouters sone.

's Heeren kiesers.	Der stede kiesers.
Symoen Borluut.	Jan van den Buendere, overdeken.
Philips van der Zickelen.
Claeys van Bommale.	Jan de Rantere.
Jan Maes.	Arend de Cleerc.
	Jan Steel.
Schepenen van der Kuere.	Schepenen van Ghedeele.
Mer Joos van Ghistele, ruddere.	Jooris van den Moure.
	Claeys de Ghier.
Gheerolf Goetghebuer.	Gillis de Bels.
Jacob Heyman.	Willem Sloeve.^1

1 Willem Sloove. S.B.

[p. 315]

Jan Damman.^1	Anthonis van Loo.
Jan de Coninc.	Gillis van den Leene.
Jan Vlaminc.	Ghuwy de Croec.^3
Joos Passcharis.	Wouter van der Schuere.
Inghelram Steel.	Jan de Vos.
Jan van den Moure.	Jooris Sergant.
Lievin de Vechtere.	Jan van der Kathelinen.
Jan Lippins.	Joos Vernier.
Boudijn van der Donct.	Jan de Bueckele.
Jan de Vriese.^2
Heuverdeken.	Deken van de Weverie.
Jan van der Buundere.	Arend de Cleerc.

Item, in dit jaer was Jan Damman ghebannen up den xj^en in Meye vijftich jaren uut Vlaenderen, omme dat hy 't secreet van scepenen uut drouch ende te kennen gaf.

[Item, in 't selve jaer banden de xij schepenen Jan Damman haren gheselle, ende was den iiij^en schepene, den xj in Mey, omdat hy 't secreet van schepenen uutbrachte aengaende den heere van Gaesbeke, ende noch dry andere tittelen, l. jacr. (K.M.)]

Item, in dit jaer was 't eenen eauden wintere.

[Item, in dit jaer was 't eenen cauden winter beghinnende voor Kersdach, ende duerde wel x weken lanck, ende oock eene groote windeloosheyt; de watermeulens waren bevrosen; aldus hadde men ghebreck van broodt. (K.M.)]

Item, in dit jaer was te Ghent in colatien ghevraecht of men de Cuupbrugghe maken wilde die menich jaer qualie

1 F^s Symoens. S.B.

3 Ghuwy de Crooc. S.B.

2 Brauwere. S.B.

[p. 316]

ghestaen hadde, ende was by der gemeente gheconsenteert dat men die maken zaude.

Item, duer 't Cuupgat was ghedregen drooghevocts Onse Lieve Vrauwe van den Freminueren, up Sente Amelbergheavont, ende up haren dach was Sente Amelberghe daer ooc duere ghedragen met menichte van volck, ende was maendach.

Item, tsondaechs na half ouchste was Onse Vrauwe van Sente Pieters duer 't Cuupgat ghedregen met menichte van volcke.

Item, de dijcken van den Cuupgate waren uutghesteken den xxiiij Septembris.

Item, in dit jaer was Onse Vrauwenbeelde ghestelt voor Sente Joorishuus, den xvij^en in Meye.

[In dit jaer was Onse Vrauwe ghestelt an Sent Joorishuus, up den houck, jeghen voer 't Scepenhuus. (Pr. Ar.^A.)]

Item, in 't selve jaer waren de hoofden ghestelt van Willem van der Schaeghen le Ghent, t' Sente Baefs, up den Colatiesoldere, ende was te Ghent ghebannen, ende ghecreech zijn lant van den sovereyn, ende woende te Brugghe, ende by versoucke van die van Ghent hy waert ghevanghen by subtylheden, ende hy ontquam met grooter avontueren, ende was weder ghebannen, ende daer na up Sente Michielsdach t' Sente Baefs, in eene wapeninghe doot gheslaghen van Remeeus volcke.

[Na de beroerte, corts daer na (dese beroerte had voor oorsaeck 't kiesen van scepenen), wart voor een amende ghewesen dat men een figuere van eenen hoofde stellen saude, buten an den muer van den Scepenhuuse van mottale in meshuse ter eeuwegher memorien van Willem van der

[p. 317]

Schaghen, ende daer onder 't hooft an 't Scepenhuus stont, gheordineert: ‘Dit es een amende die Willem van der Schaghen gheordineert was te doene, omdat hy ballynck zijnde van der stede, hem vervoerdert heeft up zekere in 't landt te commene by hem vercreghen by den souvereyn, ende es ghecommen binnen der stede van Brugghe, zonder consent van scepenen van der Kuere in Ghendt, aldus hier ghestelt den 15 July 1480, ende was weder erbannen 50 jaer op zijn lijf.’ (Pr. Ar.^A.)

- Item, oock moeste de voorseyden Willem van der Schaghen, een hooft up den Colatiesoldere stellen, ter eeuwegher memorien, in amende, ende onder 't hooft, dat up den Collatiesolder stont, was ghescreven, dat hier onder staet ghescreven:

Notable persoonen, van hoogher namen

Gheauctorisert, omme vermaken der wet

Committert discretelick naer betamen

Persoonen van eeren uut elck let,

Omme t' previlegie zuver ende net

T'onderhaudene, ende 's prinschen heerlichede:

Overdynck alle saken, hoe ende bet

Hem alle dynck voucht, in eendrachtichede;

Spieghelt u hier an, so heb dy vrede.

- Item, up Sente Jansavont uutgaende Ougst, was Jacob Clauwaert als Amman ghebannen 50 jaer uuten lande ende graefschap van Vlaenderen, omme dat hy contrarie den previlegie meer ghenomen hadde van den ghevanghene dan hy behoorde te nemene. (Pr. Ar.^A.)

- Item, in dit jaer te Ghendt waren ghebannen t'eender tijt lxxxiiij persoonen uyt diversche steden ende dorpen

[p. 318]

in Vlaenderen, al uytter casselrye van Ghendt, ende met dien ghelde dat daeraf quam loste men de renten van der stede. (K.M.)]

Item, in dit jaer was 't westende van Sente Michielskercke ende de voorkercke beghonnen te vermaken, ende de strate verleit.

Item, in dit jaer waren de huusen van Mynen heere van Sente Pieters die verbrant waren an de Vismaert afghebroken, beghinnende van in de Curtemunte tot by den Vleeshuuse.

Item, in dit voornoemde jaer den xxvj, den xxix ende xxxj, wesende vrydach, maendach ende woonsdach, was Lodewijc van der Linden ter justicie ghevoert; de voornoemde drye daghen lanc up eene slede, ende ghestreken te vele plaetsen up zijn bloot lijf met eenen gheloeyden ysere, ende daerna ghestelt up 't pellory an 't Vleeshuus, ende daer zijn tonghe ghecurt, ende ghebannen uut Vlaenderen, omme dat hy blasphemye ghesproken hadde van Gode van Hemelrijcke.

Item, de nerringhe van den tappijtswevers plaghen huer messe te doen doen tsondaechs voor Onser Vrauwen autaer van Marya ter Eeren, ende over vele jaren daer te vooren, ende 't ghulde van Marya t' Eeren hadde ghebrec van harer messe naer costuume, ende by tusschenspreken van kercmeesters ende prochiepapen cochte 't ghulde de nerringhe uut der cappelle, ende de nerringhe hadde eene cappelle daer naest, ende 't ghulde dede de nerringhe saegie verstellen ende ooc de ghelaesveistere metter roede van Jesse uut Onser Vrauwencapelle, zonder den cost van der nerringhe, ende deden eerstwaerf huerlieder messe doen up den Palmsondach.

[p. 319]

[Op den xxvij Maerte trocken die van Ghendt ter Vrindachmaert omme dat men zeyde dat de Franchoysen waren tusschen Ghendt ende Brugghe, ende sauden in 't vertrecken onzen gheduchten prinche ontschaect hebben, want up den zelven nacht sloughen up de prochien tusschen Brugghe ende Curterijcke de clocke, ende up den zelven nacht waren de Franchoysen tot xviij ghevanghen, die waenden getrokken t' hebben in 't casteel te Curterijcke. (Pr. Ar.^B.)

- Den ij Juny was te Ghent ghevierendeelt eenen Franchois die hier binnen der goede weke bracht letteren van verraderien; zynen buuck met alle de andere leden waren ghehangen buuter Persellepoorte an eenen boom. (Pr. Ar.^B.)

- Den iij July trocken die van Ghendt uute by den conincxstavelryen naer den Nieuwen Dijck; up elcke conyncstavelrye twee mannen, ende elcken conynck hadder viij^e. (Pr. Ar.^B.)

- Den xv^en July zo quam een verwaet up den Tresorier der stede van Ghendt, welck verwaet ghesonden was by eenen recteur van Luevene M^r Pieter, gheboren binnen der stede van Brugghe, omme dieswille dat de Tresorier niet en wilde betalen de behoorelijcke costen die de voorseyde M^r Pieter hadde ghedaen ter cause van vier ponden gr. die hy hadde up de stede van Ghendt. Op den selven dach wert de voornoemde M^r Pieter by de wet van Ghendt ghebannen vijftich jaren, ende men gheboot van strate tot strate met een trompette dat alle de gone die kinderen hadden ligghende ter scholen binnen der stede van Luevene, dat se de zelve sauden doen t' huus halen ofte doen commen, ende elc dies ware in ghebreke op den ban van vijftich jaren. (Pr. Ar.^B.)

[p. 320]

- Up den xxix July so beleyde de prinche de stede van Terwaen. - Den iij Juny quam de bisschop van Doornicke ende de cardinael van Roome binnen Ghendt. (Pr. Ar.^B.)]