Memorieboek der stad Ghent van 't jaar 1301 tot 1793. Deel 1

1479.

Commissarissen.

Mijnheere de prelaet van den Dunen.

Mijnheere van Gaesbeke.

Mer Jan, heere van Dadiselle.

's Heeren kiesers.	Der stede kiesers.
Jaspar van den Hole.	Zegher de Mey.
Willem van der Scaghe.	Jan de Vechtere.
Gillis van den Broucke.	Jan de Coninck.
Lievin Utermeere.	Inghelram Steel.
Schepenen van der Kuere.	Schepenen van Ghedeele.
Mer Adriaen van Ravenscoot, ruddere.	Mer Adriaen Vilain, ruddere, heere van Resseghem.
Jacob van Wymeersch.	Pieter van Hauwaert.

[p. 312]

Jan de Cupere, over hem Jan van der Boven.	Fransoeys van Loo.
	Lodewijck van Maerke.
Willem Rijm.	Jacob de Pape.
Thomaes Heylinc.	Jan Dullaert, mercenier.
Jan van den Heede, t' Ste. Baefs.	Olivier van Wijchuus.
	Heynric van Leeuwe.
Symoen Clocman, d'oude.^1	Martin Cockuut.
Fransoeys van den Velde.	Lievin Braem.^2
Martin Linezone.	Pieter Beydins.
Daneel Claus.	Joos van der Haghe.
Jan Assaert.	Gyselbrecht Aelterman.
Lievin Doedins.
Daneel Utendale.
Heuverdeken.	Deken van de Weverie.
Jan van den Buundere.	Joos van Wijchuus.

Item, in dit jaer berrendet te Ghent up de Vismaert 't Haenkin ende de Merminne (ende 't Veerkin. Pr. Ar.^B.), ende daer verbrande inne Pieter Verreken ende zijn wijf, ende by dien brand was de Vismaert vermeerdert.

Item, in dit jaer ghelach vrauwe Marye te Brussele van eene jonghe dochtere genaempt Mergriet, ende was kersten ghedaen up den xj^en in Lauwe, ende waren de meteren de vrauwe ende douwareghe van den hertoghe Kaerle.

Item, in dit jaer vrauwe Margriete, jonghe dochtere van den hertoghe Macximiliaen ende van vrauwe Marye, was t' huwelicke ghegheven Caerle des conincx Lodewijcx van Vranckerijcke zoone, daer men huer groot onghelijc in dede, zoo hier naer volcht.

Item, Andries van Roosen was onthooft tusschen baelgien,

1 In de Veltstrate. S.B.

2 F^s Jans. S.B.

[p. 313]

omme dat hy hadde gheweest ter Veebrugghe met menichte van volcke, omme den heere ende der wet t' helpene dootslaene. Dese justicie was ghedaen up den xij^en in Lauwe.

Item, in dit jaer was by colacien ghevraecht oft elc van zyne rente gheven wilde van den ponden grooten de vj gr. ende insghelicx de ambachters van huerelieder winninghe van den ponde groote de vj gr.; maer men wilde dat niet consenteren ende was te diere tijt ontseyt, zy en wisten 't waer halen.

Item, in dit voornoemde jaer van lxxix, up eenen sondach naer Onse Vrauwendach in December, zaten xx of xxx ghesellen van Audenaerde, ende droncken up de Hoochpoorte, ende hadden hemlieden doen anschryven omme te ligghene up de frontieren jeghens de Franchoeysen, ende 's avonts ontrent de zeven ueren zoo riepen eenighe van hemlieden: ‘Audenarde ende vrient, slaet al doot dat van Ghent es!’ Ende halden doen de Hoochpoort vry datter niemant en dorste zijn hooft uutsteken. Maer met menichte van volcke van 's heeren weghe waren zy wederstaen, ende de ghesellen die liepen alle wech, maer daer wasser twee 's anderdaechs ghehaelt uut Sente Niclaeskercke ende gheleet ter exame ende terstont verwijst omme diere saeke wille.

Item, in dit jaer, maendaechs in de Sinxsedaghen, was ghewijt de capelle van de fraters by den bisscop van Doornycke, xxij in Meye.

[- De xix^en January waren vergadert te Mechelen alle de staten van den lande. - Den xx^en Ougste quam Maximiliaen met vrau Marie van Ypere ende quamen inne ter Persellepoorte. (Pr. Ar.^B.)

- In dit scependom ontrent Synxen was begonnen te

[p. 314]

makene by consente van de vier leden te legghene den vlour van den Cuupgate die te vooren van haute was, 't welcke nu eene mans lynchde diepe ghemetst es, ende met groote steenen, ende daer boven groote saercken, ende tusschen de gherders was 't al vul loot ghegoten. (Pr. Ar.^B.) .... ende t' enden den voorseyden vloer beneden daer 't water up valt, neder dan den vloer eenen voet, leit noch eenen vloer van haute ontrent thien voeten breet, streckende van den eenen muer tot den anderen muere, voorby beede de gaten, ende noch daer t' enden eenen val ontrent dry voeten breet, ghevult met steenen. (Pr. Ar^A.)]