Memorieboek der stad Ghent van 't jaar 1301 tot 1793. Deel 1

[p. 288]

1474.

Commissarissen.

Mijnheere van Ste. Baefs.

Mijnheere de Protonotaris.

Mijnheere van St. Joris.

Jacob Donche, watergrave.

Christoffels Buridaen, ontfanger van Vlaenderen.

Mer Lodewijck van Schorisse, hoochbailliu van Ghend.

Schepenen van der Kuere.	Schepenen van Ghedeele.
by commissarissen zonder kiesers.
Rufelaert van der Couderborch.	Meester Philips Sersanders.
	Jan van den Poele, f^s Jans.
Olivier de Grave.	Daneel Goetghebuer.
Jan van den Moere, Ste. Baefs.	Symoen Annaert.
Joos van Melle, f^s Jooris.	Gillis Macharis.
Jan Utenhove, f^s Jans.	Willem Rijm.
Jan van der Eeken.	Adriaen Roothase.
Jan van den Heede.	Joos van den Foreeste.
Jan de Ruelles.	Jan Baers.
Jacob Lambrecht.	Lievin van Sycleer.
Daneel de Grootheere.	Lievin Dherde, f^s Gillis, voor de Frereminueren.
Jan Maeldraey.
Justaes Roelins.	Willem Vriend, f^s Wouters.
Karel Willemets.	Olivier de Clerc, f^s Jacobs.
Heuverdeken.	Deken van de Weverie.
Gillis Jacquemijns.	Laureyns de Looze.

Item, in dit jaer quam de tydinghe hertoghe Kaerle van den lande van Floretten dat hy hadde ghecocht jeghens hertoghe Seghemont van Oostenrijcke, ende daer hadde hy eenen capitein ghestelt ghenaempt Pieter Ackebac (Hagenbach), dewelcke omme zyne tirannye daer ghevanghen wart,

[p. 289]

ende was aldaer te rechte ghestelt ende onthooft in de stat van Brysac, waeromme hertoghe Kaerle zeer ghestort was ende vermaent hen hy saut up hemlieden wreken, uut welcker vreese ende cause dlant van Floretten gheleghen es onder dlant van den Switsen.

Item, in dit jaer beleyde hertoghe Karel met grooter heercrachte, up den xxviij in Hoeymaent, de stede van Nuse, daer de keyser Frederic jeghens quam te velde ligghen, emmers ten lesten was ghetracteert het huwelic van Maximilian, keyser Fredericx zoone, ende van vrauwe Marye, hertoghe Karels dochtere, die voor Nusen lach een gheheel jaer, ende midts den huwelicke vertrack hy van der stadt.

[Item, in dit jaer 1474 was het soo eenen somer dat binnen menichte jaren daer te vooren noyt dierghelijcken gheweest en hadde; alle de vruchten quamen voor haerlieder tijt; want ontrent Halfougst was hier nieuwen franschen most, ende op den laetsten dach van de selve maent nieuwen rijnschen most. (K.M.)

- Item, in dit jaer ginck de hertoch Karel ligghen voor de stede van Munster ontrent St. Maria Magdalenedach, ende dede menich assaut op die stede, maer en coste die niet ghewinnen. (K.M.)

- Item, in 't selve jaer ontrent St. Barbaradach soo sijn die van Ceulen uytghereist, ende hebben hun logist ghemaeckt neffens der stede van Munster over den Rijn, ende hebben groote schade ghedaen met schieten in den legher van den hertoch Karel. (K.M.)

- Item, ten lesten es de keyser selve ghecommen tot Keulen, met hertoghen, bisschoppen, marckgraven ende andere heeren al op den cost van den keyser om Munster te

[p. 290]

ontsetten; maer de hertoch Karel en verschoot daer van niet, daer was een schermutsinghe ghedaen daer veele van 's keysers volck bleef. (K.M.)]

Item, binnen desen tijt dat Kaerle voor Nusen lach zoo was dat broederscap van Onser Vrauwen santere up 't roode hoedeken te Kevelare inneghestelt ende verheven by den eerweerdighen heere meester Jan Springhere, doctor in der Godheyt, pryoer in de Jacopynencloostere te Kevelare, ende waert daer naer van eenen legaet, ende daer naer van den Paus gheconfirmeert met vele schoone aflaten daer toe ghevende, ende in dit broederscap dede hem stellen de keyser Frederic, ende eerst innescryven met vele meer ander heeren.

[Item, in 't selve jaer was te Ghent ghevanghen eenen Inghelsman, omdat hy valsche munte gheslaghen hadde, ende was ghesoden voor 't Schepenhuys van der Kuere ende begraven te Augustynen. (K.M.)

- Op Alderheleghenavont was voor 't Scepenhuus ghesoden eenen persoon ghenaemt Ynghele, omme dat hy valsche munte gheslaghen hadde. - Te Kersavonde quam een persoon blindt zijnde ende doctor in de Gotheyt preken te Ghendt. (Pr. Ar.^B.)

- In dit jaer was ontfanghen Lodewijck van Schoorisse, hoochbailliu van Ghendt, heere van Nokere ende Bevere. (Pr. Ar.^B.)

- In dit jaer waren veele processen generael ghedreghen. (Pr. Ar.^B.)

- In dit jaer begheerde hertoghe Caerle veel onredelicke saken boven de hondert xx^m croonen, die hemlieden gheconsenteert waren, in 't selve jaer. (Pr. Ar.^B.)

[p. 291]

- In dit jaer op Vastenavent was te Ghendt vertoocht de langhen waghene. (Pr. Ar.^A.)]