Memorieboek der stad Ghent van 't jaar 1301 tot 1793. Deel 1

1473.

Commissarissen.

Mijnheere van Ste. Pieters.

Mijnheere van St. Jooris, her Jan de Baenst, riddere.

Mijnheere de protonotaris meester Guillame de Clungny.

Jacob Donche, raed mijns gheduchts heeren en watergrave.

Christoffels Buridaen, raed ende ontfangere ende met hemlieden Mijnheere de bailliu van Ghend.

[p. 286]

Schepenen van der Kuere.	Schepenen van Ghedeele.
by commissarissen zonder kiesers.
Boudijn Rijm.	Joos van der Muelne.
Pieter Beys.	Vincent Meyeraert, d'oude.
Hector de Stoppeleere.	Geeraerd Zoetamijs, over hem Symoen van der Cameren.
Gillis van der Zwalmen.
Jan Alaert, f^s meester Monfrants.	Meester Gyselbrecht Vriend.
	Loy Pannaert, over hem Andries de Witte.
Adriaen van Loo.
Joos van der Eeken.	Laureyns Wauters.
Jan de Witte.	Jacob Temmerman.
Gillis van der Gracht.	Jan van der Galleyen.
Gillis van Munte.	Arend van up den Bosch.
Laureyns van den Berghe.	Boudijn de Moor.
Jacob Goethals, t' Sanderswalle.	Pieter van Tombeele.
	Jacob van Papeghem.
Pieter Snellaert.	Boudijn van der Labyen.
Heuverdeken.	Deken van de Weverie.
Gilles Jacquemijns.	Laureyns de Looze.

Item, in dit jaer was 't eenen drooghen somere, dat men noeynt niet vele derghelijcke ghesien en hadde.

Item, in dat jaer in den vastene stelde hertoghe Kaerle inne te Mechelen een walsch parlement van xxx heeren, dwelcke hem de keysere Frederic, also men zeyde, gheconsenteert hadde in de stede van Triere, ende also gheaccordert daer met veel meer artyclen.

Item, in dit voornoemde jaer berrende den Moer.

- Op den Nieuavont zoo wart van Brugghe brocht de hertoghe Philips, zone van Jan van Digion, ende dwayde aldoe zeere dat de lieden nalix van den strate wayden, ende up den Nieudach wart dlicham hier door Ghendt ghevoert, ende up

[p. 287]

den x^en Sporcle daer naer wart hy begraven ten Chartreusen, buuten Digion, in Borgongnen. (Pr. Ar.^B.)

- Item, in 't jaer van lxxiij hiernaer was gheleyt den eersten steen van Sente Jooriscappelle aen de Vijfwintgaten by vrouwe Margriete van Jorck, de huysvrouwe van den hertogh Karle. (K.M.)

- Item, in dit schependom soo track hertoch Karle in Ghelderlant met crachte, ende beleyde Venloo, welck hem opgaf, ende vercreeg voort meest al 't lant inne, want sy en hadden geen hooft; want Adolf ende alle de heeren meest alle ghevanghen laghen te Hesdun. - Item, daer naer soo track de hertogh Karle voor Nimmeghe, welcke stede haer niet opgheven en wilde, ende lach daer sterck vooren, ende dede malcanderen veele schade; maer ten lesten soo gaf haer de stede up in den handen van den hertogh Karel by appointement. (K.M.)

- Item, in 't selve jaer soo starf de auden hertogh van Geldre in de stede van den Grave, ende de hertoch Karle voerde met hem twee kinderen van den hertoch Adolf van Geldre, die ghevanghen waren, eenen sone ende eene dochter in de stede van Nimmeghe, ende dedese brenghen tot Ghendt, daer sijn wijf ende syne dochter was, ende doen sy daer gheweest hadden dry weken ofte meer, doen dede hy hun voeren te Bethunen, ende hy track van daer te Trier by den keyser. (K.M.)

- Item, in dit jaer was 't eenen grooten brant te Brugghe op den vij dach van September, in de Witteleertauwersstraet ende in de Swarteleertauwersstraet; doen verbrande de Backerscapelle ende noch meer dan hondert heerdtsteden. (K.M.)]