Memorieboek der stad Ghent van 't jaar 1301 tot 1793. Deel 1

[p. 272]

1468.

's Heeren kiesers.	Der stede kiesers.
Mer Jan van Scorisse.	Guy van Scaubrouc.
Meester Jan Sersanders.	Lievin van Everghem.
Jan van Melle, f^s Jooris.	Lievin van Overackere.
Jacob Bolloc.	Christiaen Dhamere.
Schepenen van der Kuere.	Schepenen van Ghedeele.
Roeland van Wedergrate.	Boudijn Rijm.
Meester Philips Sersanders.	Mer Lievin van Leyns.^2
Boudijn de Scautheete.^1	Vincent Meyeraert, f^s Jacobs.
Olivier de Grave.	Fransoys Baert.
Joos van der Muelene.	Claeys de Ghier.
Boudijn de Grutere.	Boudijn de Neve.
Joos van Melle, f^s Jans.	Jooris van Zeverne.
Jan Alaerts, f^s Mer Monfrants.	Philips de Zadeleere.
Lievin Toebast.	Jan Wiellebrant.
Pieter de Zuttere.	Jan van der Haghe, temmerman.
Joos Lammins.	Lievin Roffins.
Jan van den Eede.	Lievin de Groote, in de Camerstrate.
Jan Tsammelin.
	Jacob Annaert, f^s Symoens.
Heuverdeken.	Deken van de Weverie.
Pieter Hueribloc.	Joos van Wijchuus.

Item, in dit jaer den xxx Octobris up eenen sondach, in 't beghinsel van der hoochmisse, wan hertoghe Kaerle de stede van Ludicke, vechtender hant.

Item, de hertoghe Kaerle van Borgondien dede den

2 Mer Lievin van Leyns, ruddere. S.B.

1 Over hem Jan van den Moere. S.B.

[p. 273]

coninc Lodewijc van Vranckerijcke daer draghen up zynen wapenrock een sente Andriescruuse, ende dede den coninc daer inne de stede roupen: Vyve Borgondie! Ende inne de stede was 't vier ghesteken, ende was meest al verbrant ende ghepilgiert, ende daer geschiede groote deerlichede.

Item, in dit jaer, den viij Meye, hilt onse prinche hertoghe Kaerle in de stede van Brugghe zyne eerste feeste van den toeysonne naer de doot van zynen vadere, ende men hiet de feeste sente Joorisfeeste, ende men plocht de zelve feeste te heetene, by den levene van hertoghe Philips, zynen vadere, sente Andriesfeeste.

[In dit jaer was sente Lieven ghevoert te wagene t' Hautem, daer de guldebroeders rauwich om waren. (Pr. Ar.^A.)]