Memorieboek der stad Ghent van 't jaar 1301 tot 1793. Deel 1

1467.

's Heeren kiesers.	Der stede kiesers.
Lievin Zoetamijs, d'oude.	Jan van Zeveren.
Symoen Borluut, up 't sand.	Thomaes van der Stichelen.
Jan Rufelaerts.	Joos van der Eeken.
Jan Everwijn, brauwere.	Joos van Crombrugghe.
Schepenen van der Kuere.	Schepenen van Ghedeele.
Jacob van Ravenscoot.	Jan Utenhove, f^s Jacobs.
Jan van Vaernewijc, heere van Bost.	Meester Pieter Goetghebuer.
	Jacob van Waes.
Lievin de Pottere.	Jooris van den Moere.
Jan de Bels.^1	Heynric Pappal.
Gyselbrecht de Lu.	Pieter van den Houte.
Jan van der Stoct.	Meester Gyselbrecht de Vriend.
Michiel van Overloop.	Symoen Bette.^4
Jooris van Cauwenberghe.	Joos van Wijchuus.
Vincent Meyeraert,^2 d'oude.	Jacob van der Varend.
Geeraerd Goetghebuer.	Jan de Coninc.^5
Lodewijc van Maerke, f^s Bernaerds.	Jan van den Abeele.^6
	Pieter van Eertvelde.
Ghelnoet Damman.^3
Jacob de Steenwerpere.
Heuverdeken.	Deken van de Weverie.
Pieter Beys.	Philips de Grave.

1 F^s Nicasis. S.B.

4 F^s Symoens. S.B.

2 F^s Vincents. S.B.

5 F^s Jans. S.B.

6 Jan van den Abbeele, smet. S.B.

3 F^s Zeghers. S.B.

[p. 271]

Item, in dit jaer ende scependom arriveerde ter Sluus in Vlaenderen vrauwe Margriete van Jork, sustere van den coninc van Inghelant, ende traude den hertoghe Kaerle binnen der stede van den Damme, ende 't was zyne derde huusvrauwe, up den xxv Wedemaent lxviij.

Item, in dit jaer, den xj Wedemaent, overleet te Ghent, in den Wal, mevrauwe van Crevecuer, ende licht begraven ten Jacopynen te Ghent.

Item, in dit jaer ende scependom up Onser Vrauwenavont, half Ougst, was te Ghent ghemaect een besnydenesse ende verminderhede up de smalle wetten ende officien, ende andere officien van Ghent, ende die uutghelesen, present de commissarissen ende alle de wethauders ende t'huerlieder vervolghe ghestelt ordonnantie.

[In dit jaer quam uten stoel van Roomen eene groote gratie binnen Ghent, ende was aflaet van alle sonden; de gratie gynck inne den 1^en sondach in den avent, ende duerde tot xiij daghen in de vespertijt; dezelve gratie ende pardoen gynghen weder inne up den Paesdach ende duerde lxviij daghen, te weten tot Sacramentsdach, ende daer saten xxx biechtvaders in Ste. Janskercke. (Pr. Ar.^B.)

- In dit jaer hadden die van Luudicke weder ghevanghen haren bisschop, ende vele ballinghen van Luudicke stelden hemlieden uppe, ende ditte vernemende hertoghe Caerle van Bourgongnen quam metten conync van Vranckerijcke voor Luudicke, dwelcke die van Luudicke ziende, ontsloughen haerlieder bisschop van vanghenesse, ende baden hem dat hy voor hemlieden pays wilde impetreren. (Pr. Ar.^B.)