Memorieboek der stad Ghent van 't jaar 1301 tot 1793. Deel 1

1466.

's Heeren kiesers.	Der stede kiesers.
Roeland van Wedergrate, watergrave.	Olivier de Grave.
	Meester Claeys Weytins.
Boudijn de Grutere.	Guy van Scaubrouck.
Hector de Stoppeleere.	Joos van Melle, f^s Jans.
Symoen van Sycleer.
Schepenen van der Kuere.	Schepenen van Ghedeele.
Jan de Stoppeleere.	Willem van der Cameren.
Pieter Hueribloc.	Robrecht van Meerendre.

[p. 267]

Jan van der Scaghe.	Heyndric Baert.
Jacob de Mauteneere.	Jan de Vriese.
Gillis Utenhove.	Meester Gheerolf van der Haghe.
Jan Heyndricx.	Jan Wandelaert.
Ruflaerd van der Couderborch.	Gyselbrecht van Teteghem.
	Justaes Daneels.
Laureys Boele.	Jacob de Grutere.
Claeys van Munte.	Christoffels de Meyere.
Adriaen van Loo.	Claeys Moenins.
Willem Bette.	Jan Utenbroucke.
Lievin van den Bossche.	Laureyns de Loose.
Gillis Jaquemijns.
Heuverdeken.	Deken van de Weverie.
Pieter Beys.	Philips de Grave.

Item, in dit jaer ende scependom den xv^en van Wedemaent staerf de hertoghe Philips van Borgondien, hertoghe Jans van Digions zoone, ende regierde xlviij jaren; hy overleet te Brugghe up eenen Maendach tusschen den ix ueren ende den x ueren in den avont, ende was begraven in Sente Marie-kerke (Sent Donaes kercke), daer hy naer weder ontgraven wart, ende weder begraven ende ghevoert te Digion in Borgondien ten Sateruessen, by grave Jan zynen vadere, daer hy zyne sepultuere ghecoren hadde.

[Op den xv^en van Juny zo overleet te Brugghe de hertoghe Philips, als hertoghe Caerle te velde lach te Montherry; hy beloofde eene pilgrymage te doene t' Onser Vrauwen van Boene (Boulogne), ende als hy van daer quam reysde hy naer Luudicke, ende van daer te Bruussele, ende van daer te Ghendt alte voeten tot buuten de Deermontschepoorte, daer hem de heere ende wet metten notabelen van der stede jeghenreden, dwelcke 's Vrindaechs voor vas-

[p. 268]

tenavont, ende 's Vrindachs voor cleenen vastenavont wart de uutvaert ghedaen van vrauw Elysabet t' S^te Vierlen, die begraven licht binnen der stede van Andtworpen, in Sente Michiels-cloostere, in den choor; naer dat den dienst ghedaen was zo dede de hertoghe den aermen veel ghelts gheven. (Pr. Ar.^B.)

- Tsaterdachs daer naer vertrack de hertoghe naer Brugghe ende alzo naer Boenen, daer hy zijn offerande dede. (Pr. Ar.^B.)

- In dit jaer reysden naer Luudicke, ter begheerte van den hertoghe Caerle, uut Ghendt vier hondert voetknechten, daer capiteyn af was Jan van der Asselt, gheseyt van Nieulant. (Pr. Ar.^B.)

- Item, in dit jaer ontrent St. Bartholomeus-dach was ghewonnen ende gheraseert ende te niete ghedaen de stede van Dynant, by den hertoch Philips ende den grave van Charloos, synen sone. (K.M.)

- Ende curts daer naer wart den pays ghemaect tusschen den hertoghe Caerle ende die van Luudicke, ende zy ontfynghen weder hueren bisschop. (Pr. Ar.^B.)]

Item, in dit jaer was 't zulcken hooghen wint dat bomen, huusen ende muelene omme wieuwen ende ter neder vielen.

Item, in dit voornoemde jaer, up Sente Pieters ende Sente Pauwels, quam grave Kaerl te Ghent, ende ontfinc 't lant van Vlaenderen ende 's achternoens up den zelven dach was Sente Lievin van Hautem brocht, ende quamen met den sant up den corenaert daer zy worpen ende smeten 't caljoethuus in sticken gheel te nedere, ende liepen also ter maert, ende eer den avont quam reesser eene wapeninghe, ende den

[p. 269]

sunt lieten zy up de maert staen. De hertoghe Kaerle quam uut den Hoochhuse ende wilde 't volc van der maert smyten, maer hy vertrack.

[In dit zelve jaer ende omme de selve sake rees eene wapenynghe zo dat hertoghe Caerle quam uut zynen hove ter maert, ende hadde gheerne het gheselschip ghescheeden, dwelck zy hem ontseyden, ende van danen track hy naer 't Scepenhuus daer hy vant veel scepenen vergadert met andere persoonen 't regiment hebbende van de stede, zegghende tot hemlieden met felle woorden: ‘Ghy hebbet wel ghemaect; gaet ende doetse scheeden van der maerct.’ Ende track also wech van hemlieden naer zijn hof, ende tsanderdaechs quam ter maert mijnheer van Gruuthuuse, die hemlieden veele schoone woorden gaf, te weten: ‘Dat zylieden hebben sauden huerlieder casselrie, indaginghe ende previlegien.’ So dat zy up die belofte scheeden, die hemlieden qualic ghehauden was. (Pr. Ar.^B.)

- Omtrent Martensmesse daer naer, traude hertoghe Kaerle binnen der stede van Brugghe, vrau Magriete 's conynx Eduwaerts zustere van Ynghelandt, den xxiij September.

- In 't voornoemd jaer was ghewijst dat men recht doen saude up schult met caetsen ghewonnen. - In dit jaer waren te Ghendt de groote pardoenen. (Pr. Ar.^B.)]

Item, in 't selve jaer quam de palsgrave van den Rijn te Ghent by onsen prince met schoonen state van ij^c perden, ende logierde in den Wal by onsen prinche.

Item, in 't selve jaer quam by hertoghe Kaerle de bisschop van Salsbry uut Inghelant, in ambassate ter causen van huwelicke.

[p. 270]

Item, in dit zelve jaer quam te Ghent met schonen state de hertoghe van Gheldere.