Memorieboek der stad Ghent van 't jaar 1301 tot 1793. Deel 1

1436.

's Heeren kiesers.	Der stede kiesers.
Mijnheer van Axpoele.	Jacob de Saghere.
Goossin van Vaernewijck.	Joos van der Schaven.
Nicasis de Bels.	Segher Bolloc.
Willem Seyssone.	Jan Utenhove.
Schepenen van der Kuere.	Schepenen van Ghedeele.
Lievin Damman.	Jooris van den Moere.
Wulfram Wulframs.	Jacob Wandelaert.
Lievin van Jen Hecke.	Lodewijc Dhamere.

[p. 202]

Sanders van Vaernewijc, f^s Jans.	Simoen Borluut.
Jan Leyns.	Jacob van den Hulse.
Jacob van Melle.	Segher Bollaert.
Gyselbrecht de Grutere, an S^t Niclaeis Kerckhof.	Claeys van der Zickele.
	Jan van den Poele.
Claeys Rommel.	Jan de Cupere.
Gyselbrecht Everwijn.	Jacob Geeraert.
Jan Goetghebuer.	Gheeraert de Pape.
Race van Yssche.	Pieter van der Eecken, over hem Heynric Roegiers.
Jan Crieke.
Pieter Blanckaert.	Jan de Grave, f^s Daneels.
Heuverdeken.	Deken van de Weverie.
Pieter Hueribloc.	Geeraert van Maldegem.

Item, in dit jaer was de scamfeltuere te Maerdijcke met Philips van Lampreit.

Item, in dit jaer den x^en in Wedemaent was de reyse te Caelis ende ooc beleit.

Item, in dit jaer waren te Ghent vele Ingelschen ghevanghen in 's Gravensteen.

Item, in dit jaer was eene wapeninghe te Brugghe die langhe duerde.

[Item, den xi Sporkele was by vonnisse van den hertoch Philips ghewesen alsdat die lieden van den Vryen sijn souden een vierde lit van Vlaenderen, te weten: Ghendt, Brugghe, Ypere ende 't Vrye. (K.M.)

- In dit jaer was de pays van de lieden van Brugghe ghemaect in den Wal te Ghendt, ende in 't selve jaer den lesten January woy het cooren uter aerde. (Pr. Ar.^B.)]

Item, in dit jaer was eene wapeninghe te Ghent op Onse Vrouwendach in Septembre, die de heere ende wet gherne wederstaen hadden ten Calanderberghe, in welcke wapenin-

[p. 203]

ghe bleef doot ghesleghen Ghyselbrecht Pateel, heuverdeken van de neeringhen te Ghent, in 't Scepenhuus van ghedeele, by den viere staende in 't castelein cuekene.

Item, sy trocken voort ten Corenaerde ende van daer ter maert; zy banden aldaer ende zegden uten lande van Vlaenderen Jan Goetghebuer ende Jan Criekebeke, beede scepenen van der kuere, ende Ghyselbrecht Causse, Marten van Massemen, die voor Calis beval de tenten te vellene ende op te doene; want dese wapeninghe rees om dat men verweten hadde die van Ghent: hadden zy voor Calis niet ghevloden, de prince hadde Calis ghewonnen.

[In dit jaer, curts naer Paesschen rees eene groote wapenynghe te Ghendt, de welcke de heeren van de wet hadden gheerne wederstaen op den Callanderberch, ende 't ghemeente track met zyne bannieren naer den Coorenaert, ende alsdan naer de Hoochpoorte; item, daer naer in 't Scepenhuus daer zy vonden Gyselbrecht Patteel ende den heuverdeken, ende sloughen doot, ende van daer trocken zy naer de maert. Ter maerct ghecomen zijnde coren zy drie capiteynen, te wetene: Mer Gillis de Grammen, Daneel Bruus ende Lievin de Cleerck, wevers, welcke capiteynen ghynghen van banieren tot banieren van de neerynghe, omme te wetene wie met heere ende wet op den Callanderberch ghesleghen hadden, omme te wederstane de zelve wapenynghe, ende worden gheaccuseert ende ghebannen Ghyselbrecht Causse, Marten van Massemen, dienaers van 's heeren weghe, Jan Goetghebuer, Jan Cricke, scepenen van der keure ende andere.(Pr. Ar.^B.)

-...... Men seyde dat dien oproer gheschiede om dat men aen die van Ghendt verweet, dat sy de oorsake

[p. 204]

waren, dat de hertoch Philips van Bourgonden moeste het beleg lichten van de stadt van Calis, die hy hadde beleghert door den raedt van die van Vlaenderen, waerdoor ghedoodt wert in dien oproer Ghyselbrecht Pattheet, die deken was van de neeringhe van de stadt, hem verwytende, dat hy den eersten hadde gheweest die vertrocken was uyt het belegh van Calis. (K.M.)]