Memorieboek der stad Ghent van 't jaar 1301 tot 1793. Deel 1

1435.

's Heeren kiesers.	Der stede kiesers.
Mer Philips van Steelandt.	Lievin van der Eecken.
Jan Utenhove, bailliu van Dendermonde.	Jacob de Saghere, op de Mude.
	Jan Toetelmens.
Yngelram Hauweel.	Gillis de Cleerck.
Jacob Vriendt.
Schepenen van der Kuere.	Schepenen van Ghedeele.
Pieter van der Muelen.	Segher Sloeve.
Pieter Solleberch.	Roberecht van Meerendre.
Arend de Brune.	Ywein de Ruddere.
Willem Sersanders.	Jan de Grutere, f^s Simoens.
Pieter Creve.	Race Colpaert.
Jacob van der Oersele.	Jan Moraen.
Willem du Buisson.	Jacob de Zaghere, f^s Heinricx.
Pieter Beys.	Joos de Bels.
Jan van Maldeghem.	Gillis Sneevoet, f^s Gillis.

[p. 200]

Jan van Sicleer.	Jan van Papeghem, f^s Pieters.
Heynric de Jaghere.	Jan Hoernic.
Lauwereis van der Haghe.	Pieter de Rijcke.
Pieter Goetghebuer, f^s Daneels.	Jan Vaenkin.
Heuverdeken.	Deken van de Weverie.
Gyselbrecht Patteel, over hem Pieter Hueribloc.	Geeraert van Maldegem.

Item, in dit voornoemde jaer stack men op den xvi Maerte ten gravensteen ende ten scepenhuuse te Ghent de bannieren ute omme te treckenen te Calis waert.

Item, in dit jaer was de paeys gemaeckt tusschen den coninc van Vranckerijcke ende den hertoghe Philips, grave van Vlaenderen, ende was in den paeys gesloten van der doot van hertoghe Jan, den vader van Philips, grave van Vlaenderen.

[Item, in 't selve jaer op sente Maria-Magdalenadach, quamen t' Atrecht twee cardinalen ghesonden van den paus, omme te maecken peys tusschen den coninck van Vranckrijck ende Inghelant, ende den dolphijn ende hertoghe Philips van Bourgoignen, van de doodt van hertoch Jan; ende de peys was ghemaeckt t' Atrecht. (K.M.)

- In dit jaer den iiij October zo quam de cardinael die den bovenscreven pays hadde helpen maken te Ghendt, ende was inneghehaelt met processie ter Waelpoorte, ende was ghewillecomt met eender oratie by Mer Jan Culsbrouck, proost van Ste. Vierle. (Pr. Ar.^B.)]

Item, in beteringe van dien was in den paeys begrepen dat hertoghe Philips zoude hebben Amiens, dlant van Vermandoeis met den lande gelegen an dese zyde der Somme

[p. 201]

ende 't oude West-Vlaenderen, Arien, Senthomaes ende dlant van Gbyse.

[Item, 's donderdaechs na Maechdeleenendach ghynck de hertoghe spelen in zijn onderlijf in de Dunnen, ende met hem Mer Jan van Patteelis, die gheware wart dat de Ynghelschen uut waren omme den hertoghe te vanghene, ende hy waerschuude ende beschuddene; maer Patteelis wart zelve ghevanghen. (Pr. Ar.^B.)]

Item, in dit jaer den vijften Ougste vielen ontrent Brugghe hagelsteenen also groot als duven-eyeren, meerdere ende mindere, zoo dat zy alle de vruchten bedorven.

Item, in 't selve jaer op Sente Dominicusdach waren vergadert ter zee de coninc van Arragon ende de coninc van Avingon ende met hemlieden de grootmeestere van Sente Jacops in Galissien, met menichte van scepen ende volcke van wapenen, omme te treckene tot Napels, ende aldaer te doen croonen 's conincx broedere van Avengoen; ende zilieden commende seylende voor Ghaejette, waren daer afgheworpen van de Genevoeysen, die in de stede van Ghaejette lagen.