Memorieboek der stad Ghent van 't jaar 1301 tot 1793. Deel 1

1350.

Schepenen van der Kuere.	Schepenen van Ghedeele.
Simoen van den Kerchove.	Everdey de Grutere.
Jacob Rijnvisch.^1	Jan Breebaert.
Jurdaen Sersanders.	Justaes van den Pitte.
Hughe van Lembeke.	Everaert van Sloete.^2
Jan Borluut, f^s Gheerams.	Jan Dont.^3
Jacob van der Linden.	Jacob van der Haghe.
Jacob Willebaert.	Jan Damman, f^s Ghelnoets.
Jacob van den Ryse.	Jan Wedaghe.^4

1 Jacob Rivisch. S.B.

2 Everaert van den Sloete. S.B.

3 Jan de Hond. S.B.

4 Jan van Weethaghe. S.B.

[p. 69]

Gillis Soys sone.^1	Lievin van Loe.
Jacob de Puur.^2	Jan van Calckene.
Claeys Utenberghe.	Lambrecht van Adeghem.
Jan Coevoet.	Ghoesin Rijm.
Boudijn de Coc.	Jan van Brootshende.

Item, in dit jaer was gheboren vrauwe Margriete, dochtere van Lodewijc van Male, grave van Vlaenderen, de welcke namaels trauwede Philips le Hardy, 's conincx van Vranckerijcke zoone.

[Daer by hadde hy dry sonen ende ses dochters; de eerste sone hiet Jan van Dygon, de tweede sone Philips, de derde Anthuenis. (K.M.)]

Item, in dit jaer overleet coninc Philips van Vrankerijk up sente Bertelemeusdach.

[De grave Lodewijck slouch te Ghent in 't casteel het toyson. (G.)

- Item, in dit jaer heeft de paus Clement den VI van dien naem ghecocht de stede van Avignon in Vranckrijck, also is de stede des paus gheworden. (K.M.)]

Item, in dit voornoemt jaer was de grote aflaet te Rome, welc doe zeere van noode was, ghemerct dat volc was van den paus verwaten ende ten banne ghedaen omme de orloghe ende omme de cruusbroers die dan waren verwaten, ghelijc voorseyt es.

Item, in 't selve jaer den xxij Septembris was Jan, de Dolphin van Vranckrijcke, hertoghe van Normandyen, te Reims gheconsacrert coninc van Vranckrijcke, en daer was ontboden de grave Lodewijc van Male, de welcke

1 Gillis Seyssone. S.B.

2 Jacob de Puet. S.B.

[p. 70]

hem excuserede omdat men hem met onrechte onthilt Bethune, Rysele, Duwaey, Orchiers met haerlieder casselryen.

Item, de grave Lodewijc trac noch ter feeste te Parijs, alwaer hy vercreech groot eere van stekene ende men seyde dat hy by hem hadde triomphantelicste volc van allen den heeren die daer waren.

[In't jaer l. quamen ter muidepoorte inne xl ballynghen, de welcke worden alle gevanghen ende onthooft, uytghesteken eenen, die hem salveerde ende hadde namaels zynen pais; dese ballynghen maecten te Gent een wapenynghe, haerlieder roup was om t'hebbene recht, wet en justitie. (S.G.)