Memorieboek der stad Ghent van 't jaar 1301 tot 1793. Deel 1

1349.

Schepenen van der Kuere.	Schepenen van Ghedeele.
Gillis Rijnvisch.^1	Willem van den Pitte.^2
Jan Yoens.	Franchois Sloeve.
Jan Speliaert.	Lievin Ydgebout.
Jan de Tollenere.	Heynric de Peystere.
Simoen de Neckere.	Jacob Vertrimen.
Jan de Pape, t'sente Pieters.	Lievin Brunpeere.
Boudijn van Swynaerde.	Jacob Leyscoef.
Franchoys Zoetaert.	Pieter de Pileke.
Hughe van der Most.	Willem van den Pitte, lakensnider.
Willem van den Hecke.
Jan Buuc, d'oude.	Simoen van den Heecke.^3
Gillis de Curte.	Arnoud Bloume.
Simoen metten Scapen.	Segher van Meeren.
	Jacob Ponsijs.^4

Item, in dit jaer quam eene secte van cruusbroers te Ghent in wedemaent, ende droughen een cruse achter ende vooren, ende zy quamen uut Almaengen. Zy ontcleeden hemlieden up strate al naect ende gheeselden hemlieden zelven op haere scauderen met gheeselen tot den bloede; ende hemlieden volchden alle manieren van bouven, poeytiers, dieven, roovers, vrauwen van den lichten levene ende zy hilden vele ongheloovichede: sy en knielden voor 't helich sacrament niet als men 't ophief, noch en staken

1 Gillis Rivisch. S.B.

2 F^s. Wasselins. S.B.

3 Symoen van der Eeken. S.B.

4 Jacob Parijs. S.B.

[p. 68]

haere capproenen van den hoofde niet ter evangelie, ende hielden zoo wie xxx daeghen dese penitentie dede hy hadde pardon van alle sonden quyte ende aflaet, dat men heet a pena et culpa; maer endelic zy waren van den paus verwaet ende te nieuten ghedaen.

[Item, dese geeseleers sijn ghecommen te Ypere; op eenen rijckxdach sijnder veel honderde ghecommen, ende hebben groote geestelijcheyt uytghegeven, alsoo dat se die borghers te gaste genoot hebben; het was eenen wederdoopers aert gheweest, daerom werdet oock verboden. (K.M.)]

Item, in dit jaer, den vj in ougste, trac men ende lach men weder voor Doornyke.

[Item, in dit jaer viij december starf heer Hendrijck van Limburg. (K.M.)

- Item, in dit jaer was in Italien groote aertbevinghe, soo dat sente Pauwelskercke binnen Rome ommeviel ende noch veele huysen. (K.M.)]