Memorieboek der stad Ghent van 't jaar 1301 tot 1793. Deel 1

1348.

Schepenen van der Kuere.	Schepenen van Ghedeele.
Lievin van Vuerne.	Simoen van den Kerchove.
Jan Goethals, f^s ser Boudins.	Jan van Loo.
Simoen Relhem.	Lievin van Wettere.
Jan de Bastaert.	Boudijn van Laerne.
Pieter van den Bossche, f^s. Pieters.	Hughe van Lembeke.
	Jacob van Geeraersberghe.
Justaes van den Ackere.	Jacob de Bloc.
Heynric Vrient.	Jacob Storem.
Jan Hoernic, f^s Heynricx.	Pieter van der Doerent.
Jacob Coutaerd.	Maes van der Burch.^1
Jan de Meyere, voor de Freren.	Lievin Goethals.
Joos Wittebroot.	Lievin Damman, f^s Servaes.
Wouter de Hase.	Geeraert Leeuwaert.^2
Dieric van Loo.

Item, in dit jaer naer 't beleet van Lievin van Vuerne waren tsondachs den xxviij lauwe [Den xv lauwe. (S.G.)] dese scepenen verlaten ende ander ghemaeckt de ghene die hier naer volghen zullen, ende de hertoghe van Lancastere quam te Dunckerke, ende daer quamen by hem die van Ghent ende van Ypere, biddende hem te willen den paeys makene tusschen den grave Lodewijc ende hemlieden.

[Den xxviij in pietemaent, wasser een bestant ghemaect tusschen den coninck van Inghelant ende Vranckrijck tot

1 Maes van der Borch. S.B.

2 Gheeraert Leewere. S.B.

[p. 64]

St. Jans-daghe, ende xiiij daghen daer naer, daer in begrepen was de grave Lodewijck in Inghelant; maer hy en dorste binnen dyen tijt in Vlaenderen nyet commen ende men wilde van conincx van Vranckrijcx weghen ontset doen die van Calis, ende Segher Cortrosijn wert capiteyn ghemaect van de Ghenteneers ende ginck ligghen te Cassele, daer hy wederstont den senechael van Vranckrijck ende hadde onder hem Jan Bornage, ende daer wert ghevochten van 's donderdachs tot 's vrydachs snoenens. Daer bleven xvj duysent Franchoysen, metgaders den senechael en de heere van Crety, en de Franchoysen vloden bynnen St. Omaers. (G.)]

In dit jaer 1347 den coninck van Engelant naer een lanck beleg won de stadt van Calis, die hun moesten overgeven door faute van secours, welcke stadt wiert bevecht door Engelsche, Vlaminghen ende andere natien, naer dien dat de voornoemde Enghelschen uytghejaegt hadden alle de Fransche ende borghers van de stadt; den coninck van Vranckerijck ghereedt ghemaeckt hebbende een groot leger om de stadt te secureren, geleydt door den seneschal van Vranckerijck; om welck te beletten vercosen die van Ghendt dry edellieden ende ridders voor capiteynen van hunne stadt, om te gheleyden hun volck van oorlog, die waeren Mher Sohier le Courtroisin, als het hooft, Mher Jan de Baronaige ridder, ende den heere Van de Woestyne, die onder het bevel waeren van Mher Sohier le Courtroisin, welcken heer capiteyn, om te beter te beletten het secours, stelden hun en namen in den pas van den berch van Cassel, van welcken pas hem oock willende bedienen de senechal van Vranckerijck, quam om die van Vlaenderen wech te jaeghen, die

[p. 65]

voor alsdan den selven pas hadden inghenomen, alwaer eene groote ende bloedighe bataille voorviel, die duerde van donderdach 's morghens tot den vrydach voor den noen, alwaer de Franschen gheslaeghen wierden ende ghedoodt wel 16 duysent Franschen; in welcken slach hem seer cloeckelijck droeg eenen capiteyn van de stadt van Ghendt, ghenaemt Gillis Rypegeerse, die hooft ende capiteyn was van de lynewevers van de selve stadt, denwelcken soo vreeselijck sloeghen de achterguarde van de Franschen dat sy ghedwonghen wierden de vlucht te nemen naer de stadt van St. Omaer, in welcke retraite sy soo hefelijck vervolght wierden door den capiteyn Rypegeerse, dat hy daer door veel van sijn volck verloor, waer van het meeste volck van Ghendt was ende edelmans, in welcke batallie bleef den heere van Renty, hooft ende gheleyder der Franschen. (K.M.)]

Item, de grave Lodewijc quam te Dunckerke ende daer was den paeys ghemaect ende daer riep men: Vlaenderen den leeu! van blyscepen dat Vlaenderen eens was met haren prynce, ende de grave Lodewijc quam te Ghent naer Dertiendach.

[In 't selve jaer wiert den peys ghemaeckt tusschen den grave van Vlaenderen ende die van de stadt van Ghendt ende Ypere, welcken peys maeckte den hertogh van Lancastre, wesende in de stadt van Dunckercke, op Ste. Catharinedach; alswanneer den voornoemden grave quam tot Ghendt, alwaer hy swoer te onderhouden de privilegien van de stadt, ende wiert met blijdtschap ontfanghen ende in triumphe, ende swoeren al den eedt van ghetrauwicheyt. (K.M.)

Item, in dit jaer den xxv ougst beleyden die van Ghendt de stede van Aelst. (K.M.)]

[p. 66]

De tweeste scepenen in 't jaer 1348.

Schepenen van der Kuere.	Schepenen van Ghedeele.
Heynric de Grutere.	Jacob Rijnvisch.^1
Jan Jours.	Jan van Wiendeke.
Geerolf Bette.	Heynric de Pape.
Pieter van den Kerchove.	Heynric Alijn, f^s Simoens.
Salemon Borluut.	Gillis Soys sone.^2
Gyselbrecht Polleyn.	Jacob van Zele.
Jacob van Huse.	Segher Sloeve.
Jan Damman, f^s Jans.	Jan Coevoet, de jonghe.
Jan Lippins.	Jan van Brootsende.^3
Jan Diederix.	Jan Utenberghe.
Maes van den Westvelde.	Segher van Carrenbrouck.^4
Cornelis de Pape.	Daniel de Tolleneere.
Pieter van der Meersch.	Segher Ardeline.

In dit scependom quamen up de Vrydachmaert te Ghent gheloopen bet dan vj^c wevers ende huerlieder capitein was Jan van de Velde, ende zy riepen: ‘Wie dat ghemeente lief heeft ende metten coninc wille blyven die volghe ons naer!’

Item, die vleeschauwers, viscoopers, volders ende de wet quamen ooc ter maert ende de wevers beghonsten te slane op de volders; ende terstont de wet, vleeschauwers, viscoopers ende ander neringhen, die ter maert commen waren, zy sloughen alle te samen up de weverye, ende men slouchse doot, waer men se vont; ende corts daer naer worden alle de ballinghen, quade rapaelghe, in Ghent, in Ypere doot ghesleghen, onthooft, verjaecht uuten lande van Vlaenderen.

1 Jacob Rivisch. S.B.

2 Gillis Seyssone. S.B.

3 Jacob van Brootshende S.B.

4 Zegher van Kerrebroue. S.B.

[p. 67]

[Item, in de stadt van Audenaerde ghebeurde een grauwelijck fait, alwaer 17 priesters vergheven wierden door het water, met welck zy consacreerden in de H. Misse. (K.M.)]