Eerste bouck van beschryfvinghe van alle gheschiedenesse (1562-1572)
(1978)–Augustyn van Hermelghem–
Auteursrechtelijk beschermdXXIII
| |
[pagina 119]
| |
ons gheduchs heeren ghedeputeert up 't faict van den troublen, sediciën ende beroerten gheschiet binnen den voorleeden jaere in 't Westquartier van Vlaendren hemlieden informeerende zyn van zeeker vergaederynghe, deghone ghebuert zoude weezen hanghende den vorscreven troublen tydt up 't huus der vorscreven casselrie toebehoorende, staende up de marct der steede van Ypre, noopende zeeker ministers van der nieuwe relligie deghoone aldaer van zommighe in den eedt der vorscreeven casselrie weezende ter maeltydt ghenoot waeren, zoo beeft de vorscreven college expedient ghedocht ter preservatie van huerlieder goede naenie ende fame, daerof van poincte te poincte myne vorscreven heeren commissarissen te informeeren ende de naeste gheleghenheit by vorme van eenen discourse in der manieren naervolghende te deduceeren.
Alzoo, up den XXVIen Octobris XVcLXVI laestlceden, 't vorscreeven college naer costume verghaedert ghewist hadde omme partien recht ende justicie te administreren up huerlieder huus, daar ten dien tyden hem houdende was als conchierge meestere Pieter van der Mersch, ontfangher der voornoemde casselrie, zoo es ghebuert dat Franchois Vlamync, mitgaeders Franchois de Rouc, beeden schepenen aldaer ghepernocteert hebbende, hemlieden ooc 's anderdaechs t'imbyten deeden stellen hanghen, denwelcken aldaer toe ghecommen zyn de huusvrouwe van de voorscreven Rouck, mitgaeders meester Jacob de Hondt, pensionairis der vorscreven casselrie, in intentie van niet den voornoemden ontfanghere, volghende huerlieder resolutie te reisen naer Vormizelle omme in zeeker noot zaekelicke affairen hemlieden in de qualiteit als bailliu ende greffier der voorscreven heerlicheede competeerende te besoigneeren ende alzoo verzaemdelick imbytende, heeft de voorscreven Rouck onder ander divisen gheseit totten vorscreven ontfanghere dat ‘beeter waere ghemerct hy hemlieden zoowel tracteerde, dat zy 's noens wederomme met hem zoude commen eeten’, twelcke den vorscreven ontfanghere accordeerde, zegghende ‘indien 't hemlieden beliefde de pacientie te neemen metter portie, dat zy hem wel ghecommen zouden weezen’, twelcke zij al tzaemen consenteerden, vertreckende, mitsdien den vorscreven ontfanghere ende pensionaris naer Vormizele, van waer ghecommen weezende zyn wederomme ghekeert up 't vorscreven huus van de casselrie, verbeidende aldaer de voornoemde schepenen dewelcke gheseyt hadden aldaer te commen eeten van den noene, endelynghe aldaer zekeren tydt hebbende, heeft den vorscreven Rouck ontbooden by zynen dienaere dat hy twee, zoo drie gaste meede brynghen zoude, zoo tzelve ooc corts daernaer heeft commen denonchieren eenen Jacques van Houcke, denwelcken ooc te kennen ghaf an de huusvrouwe van den vorscreven ontfanghere, dat zy van achter quaemen ende dat men de poorte oopen zoude doen, weezende daerentusschen den vorscreven ontfangher ende pensionaris achter in de camer, daer de tafele ghedient was. Zoo ooc volghende 't voorscreeven ontbieden terstont daernaer ter vorscreefven poorte inneghecommen es den vorscreeven Rouck verghezelschipt met Caerle Ryckewaert, gheseyt Theophile, minister van der nieuwer religie, meestere Robert Flamen, wylent schoolmeestere deser | |
[pagina 120]
| |
steede, den vorscreven Jacques van Houcke, mitgaeders eenen anderen die men zeide van Armentiers te weezen, dewelcke by den vorscreeven Rouck inneghebrocht weezende, hemlieden al tzaemen ter taefele gheschict hebben ende gheeten hebbende, van den noene zyn vertrocken van den vorscreeven huuse.
Alle twelcke hierbooven verhaelt, ghecommen weezende ter kennesse van den vorscreeven college ende bevindende tzelve allesins weezende ter grooter diffamie ende schandaele van hemlieden, hebben, up den VIIIen Novembris daernaer in secrete camere daeraf den voorscreven Rouc ghestraft, verclaersende dat zy ter beschermenesse van den goede fame ende naeme van den college als weezende 't notabelste van den gonnen van West-Quartier gheensins gheadviseert waeren tzelve te laeten passeeren, hem bydien ghevrach doende of hy hem noopende tgoone daerinne by hem ghemesuseert was wilde ghedraeghen, zoo van oude tyden gheuseert was, in zulcx als by de voorscreven college gheordoneert zoude weezen.
Ende vermidts den voorscreven Rouc, ghehoort hebbende 't voorscreven, naer veele debaeten ende excusen van gheensins ghemesuseert t'hebben, verzochte achte daeghen omme up de voorscreven submissie hem te delibereeren, zoo was 't voorscreven dilay hem gheconsenteert tzynen verzoucke met interdictie nochtans van hanghende den voorscreven tydt hem in 't vorscreven college niet te vynden, twelcke by den vorscreven Rouc ghehoort, heeft 's daechts daernaer, weezende den IXen Novembris, by requeste vertoocht, hoe hy alsnoch gheensins ghedelibereert was hem te submitteerene, verzouckende (ghemerct men niemant en behoorde ongehoort ende ongheroupen te condemneeren), dat hem heesch ghegheven zoude worden ende gheconsenteert dach omme zyne excuse ende defensien by andtworde over te moghen gheeven, verzouckende up tzelve zyn verzouck apostille ende advoierende hem voor tvorscreven college te rechte, twelcke endelynghe hem van weeghen den 't voorscreeven college gheconsenteert es ghewist, met expresse limitatie ende reservatie nochtans van in staete te blyfven d'ordonanchie 's daechs daer te vooren ghegheven noopende t' absenteeren van den college.
Alle twelcke in den vormen ende maniere, zoo boven verhaelt, es ghebuert weezende heeft den vorscreven Rouc hem ghedeporteert van 't voorscreven college ter cause voorscreefven meer t' importuneerene, hoewel de voorscreven van den college hemlieden beduchtene daer zekere raporten dat den voorscreven Rouck eenighe zaeken jeghens hemlieden was machineerende, t' huerlieder meerder verzekertheit huerlieder ghedeputeerde by occasie naer Ghendt reisende ghelast hebben alle de zaeke te communiqueeren met de fiscaelen van den provinciaelen raede. Aldaer dewelcke hemlieden, volghende 't rapport, an de vorscreeven ghedeputeerde in laste ghegheven hebben te persisteeren by huerlieder voorscreven ordonanchiën, zoo zy ooc ghedaen hebben tot anderstont den vorscreeven Rouc zyn domicilie ghetransporteert hebbende bin der steede van Waestene, aldaer voocht van de steede ghecreert es ghewist, twelcke | |
[pagina 121]
| |
t' huerlieder kennesse ghecommen weezende, hebben by huerlieder ghedeputeerde verzocht an den gouverneur van den Landen van Vlaendren eenen anderen in zyn plaetse ghecommitteert te moghen weezene als wethoudere van den casselrie, twelcke by denzelve gouverneur ghedaen ende vulcommen es ghewist, substitueerende in zyn plaetse Jacob de Corte, midts welcke alle vorscreven zaeken in staete ghebleefven zyn, by denwelcken 't vorscreeven college hoopt te vullen zyn debvoir ghedaen t' hebben, in acquitenesse van huerlieder eede, zoo ooc by denzelven gheduerende desen tourblen tydt alle middelen gheorboort zyn omme alle seditiën ende beroerten, te beletten, zoo dat binnen derzelver casselrie niet bevonden wert eenighe uproeren gheschiet te zyne, hebbende hemlieden ooc zoo gheïmploieert ten tyden van t' accordeeren van den predicatiën van de nieuwe relligie by den vorscreeven gouverneur als dat dezelve allenelick ghestelt es ghewist by hem te moeghen gheschieden in 't uuterste van de vorscreeven casselrie onder de heerlichede van den hoflande, toebehoorende mevrouwe d'abdesse van Meessene neffens huer vorscreeven steede van dewelcker steede de consistorialen, diaconen ende ouderlynghen gheconstitueert zyn ghewist ende de costen by hemlieden ghesupporteert, zonder datter eenighe laeten ofte inwoenders deser casselrie van de vorscreeven consistorie ghewist hebben, zoo ooc blyckende es by den requeste by den vorscreeven gouverneur in 't legghen van den vorscreven predicatiën in dewelcke zy allen ghedenommeert staen, weezende ooc ten dien tyden in confortante van den goeden debvoire by den voorscreeven college in 't gone 't vorscreefven ghedaen verclaerst duer den vorscreeven gouverneur, ter presentie van den heere van Maldeghem ende Morbecque, met de vorscreeven casselrie van Ypre hem zeer wyselick ende voorzienelick ghedraghen hadden gheduerende den voorscreven troublen tydt.
Presenterende 't voornoomde college myne vorscreven heeren de commissarissen van alle tghone voorscreven met meer andere poincten, grootelicx t' huerlieder advanchement dienden, met lettren, lettragen, briefven ende andere documenten inlevering te doene, indien 't noodt zy.
Acten, bewysen ende documenten dienende ter justificatie van de vorscreefven discourse:
Alvooren een extraict uuten agenda ofte registre van den camere onderhouden ter zaele ende casselrie van Ypre, in daeten van den VIIIen Novembris LXVI, by denwelcke blyct van den interdictie van den frequentatie van de vorscreeven camere by den college den vorscreeven Rouck ghedaen. Gheteekent van Reynier ende ghecotteert A.
Item, een copie authentycke van zeker requeste ooverghegheven by den vorscreeven Rouck, mitgacders d' appostille, daeruppe in daete van IXen der vorscreeven maent, dienende tot tgone vorscreefven, gheteekent by den vorscreefven greffier ende ghecotteert B.
Ter veryficatie van de laeste poincten van den vorscreefven discourse, te weetene dat duer de goede toesicht ende nerstichete van desen college | |
[pagina 122]
| |
de predicatiën van de nieuwe relligie alleenlick in 't uuterste van de casselrie ende onder de heerlicheede van mevrauwe van Meessene neffens dezelve steede ghestelt zyn ghewist es alhier gheëxhibeert zeeker requeste by den vorscreefven van Meessene ghepresenteert an den gouverneur in 't aflegghen van de predicatiën, gheauthentycquiert by den vorscreven greffier ende ghecotteert C.
Noch omme tzelve breeder te verifierene, mitgaeders van den goeden debvoire ghedaen by den college myne heeren commissarissen breeder te informceren toe dien ooc te betooghen dat de consistorie van den vorscreefven relligie te Meessene allenelick ghewist heeft es hier gheëxhibeert copie authentycke van zeker missyve by huer Alteze ghehouden an die van der steede ende casselrie van Ypre, mitgaeders d'antworde daeruppe ghezonden, zoowel an huer voorscreeven Alteze als an den voorscreeven gouvernuer ende ghecotteert D.
Ghepresenteert, den XXen Septembris XVc LXVII. |
|