IX
De Ieperse stadsoverheid meldt graaf Egmont dat ze de 12 manschappen liever niet toegestuurd krijgen, gezien de zware geldlasten en de aanwezigheid van een reeds sterk garnizoenGa naar voetnoot(10).
25 november 1566
Hault, puissant seigneur et Prince, nous nous recommandons en vostre bonne grâce.
Hault et puissant seigneur, nous avons, ce jourd'hui, date de cestes, receu certaines lettres émanantes de Vostre Excellence, par lesquelles sommes chargez de furnir au bailly de ceste chastellenie le nombre de douze compagnons aux despens de la susdicte chastellenie.
En quoy, comme aussy en plus grandes choses, voldrions bien affectueusement comme à ce tenuz obéir et nous employer comme du temps passé eussions faict, ne fust que (considérant les grands et excessifz despens, que ladicte chastellenie ayt à supporter journellement, tant à cause de chierté des bleds, payement des chartons ayant esté au service de Sa Majesté, quy se faict ceste année avecq beaucoup d'aultres extraordinaires charges) aurions trouvé bon de le différer singulièrement, veu que estant en ceste ville ordonné ung provost et lieutenant du souverain bailly de Flandres, lequel est furny d'ung assez grand nombre de compagnons, ledict bailly, oultre ses sergans ordinaires, s'en polroit servir et ayder d'iceulx, comme aussy les gens de guerre estantz en ceste ville suyvant le commandement de Vostre Excellence, s'offrent touttes les fois qu'ilz en seront requiz luy donner toutte assistence, y joinct que l'ayant une fois pourveu de quelque nombre des gens, dont il n'ait faict guerres des exploictz craignons que pareillement iceulx ne fussent par luy pis employez que les premiers, ce que redouteroit au grand préjudice et despens des manans de ceste chastellenie.
Par quoy, requerons bien affectueusement Vostre Excellence de ne prendre le susdict délay par nous faict touchant l'accort desdictz compaignons à la requeste du bailly en nulle part, asseurantz Vostre susdicte Excellence n'estre obmis, que à juste raison et conservation du bien et repos publicque, comme plus amplement ycelle Vostre Excellence poulra estre informée par le seigneur de Hollebèque, vassal, ensemble le seigneur de Hollebèque, premier eschevin de ceste Chastellenie à ces fins par nous députez, ausquelz il plaira donner en cest affaire toutte foy et crédence.
Hault et puissant seigneur, nous prions le Créateur octroier à Vostre Excellence sa saincte grâce.
D'Ypre, ce XXVe de novembre XVc LXVI
Les entièrement prestz au service de Vostre Excellence, vassaulx et eschevins de la Salle et Chastellenie d'Ypre.
Auteursrechtelijk beschermd